მძევლების აყვანა მიკრისაფინანსო ორგანიზაციაში

საქმის მოულოდნელი გაგრძელება: მძევლების გამტაცებლის დედას ფულს უგროვებენ

160
(განახლებულია 15:16 23.11.2020)
ბრალდებულის დედამ მძევლებსა და მათ ოჯახებს საჯაროდ მოუხადა ბოდიში და თავისი ერთადერთი ვაჟის საქციელის მიზეზების ახსნა სცადა

თბილისი, 22 ნოემბერი - Sputnik. კონსტიტუციონალისტი ვახუშტი მენაბდე გამოვიდა ინიციატივით - შეგროვდეს თანხა წერეთლის გამზირზე მიკროსაფინანსო ორგანიზაციაში შეჭრილი ლევან ზურაბაშვილის დედისთვის, ამის შესახებ მენაბდემ თავის Facebook-გვერდზე დაწერა.

30 ნოემბერს თბილისში, წერეთლის გამზირზე ზურაბაშვილი შეიჭრა შპს „მიკრო ბიზნეს კაპიტალის" შენობაში, ცეცხლსასროლი იარაღისა და ხელყუმბარის მსგავსი საგნების გამოყენების მუქარით, სხვადასხვა მოთხოვნის შესრულების სანაცვლოდ, შენობაში მყოფი 19 ადამიანი მძევლად აიყვანა.

მენაბდის თქმით, განადგურებული ადამიანის მხარდაჭერა და ტერორიზმის რომანტიზება სხვადასხვა რამაა. ხოლო მოხუცი ქალი არ უნდა აღმოჩნდეს მარტო „მყვლეფი და უგულვებელმყოფი სისტემის წინაშე“.

„ბევრ ადამიანს სურს დაეხმაროს მოხუცს და პატარას, ან შესაძლოა საკუთარი ეკონომიკური მდგომარეობა არ აძლევს თანხის გადარიცხვის შესაძლებლობას, მაგრამ ანგარიშის ნომრის გაზიარების, ინფორმაციის გავრცელებით სურს წვლილის შეტანა, თუმცა ისინი არსებული მორალური წნეხის გამო თავს იკავებენ. ასეთ დროს თითოეული ადამიანი უნდა ვიქცეთ ერთმანეთის წამახალისებლად და დავანახოთ ერთმანეთს რომ მარტო არ არიან თანამოქალაქის მხარდაჭერაში“, - დაწერა მენაბდემ.

მისი თქმით, თუ ჩვენ ერთმანეთის მხარდაჭერას ვერ ვისწავლით, მაშინ საზოგადოება არ შეიძლება გვეწოდოს.

„თუ მოხუცების და ბავშვების დახმარებისთვის ტერორიზმის მხარდამჭერად მოგვიხსენიებენ - დაე ასე იყოს“, - დაწერა მენაბდემ მიმართვის ბოლოში.

გუშინ მედიაში გავრცელდა ლევან ზურაბიშვილის დედის, 73 წლის ლამარა ტერელიძის წერილი. ქალმა საჯაროდ მოიხადა ბოდიში მძევლებისა და მათი ოჯახების წინაშე და საკუთარი ერთადერთი შვილის საქციელის მიზეზების ახსნა სცადა.

„არანაირად არ ვამართლებ მის საქციელს, რას ჰქვია, სახელმწიფო დაწესებულებაში შეიჭრა და ხალხი შეაშინა. ამ ხალხის წინაშე ძალიან მრცხვენია. წამლები მჭირდება, იცით, როგორ მოიმატა წამლებზე ფასმა. ნერვიულობს – შენს მეტი არავინ მყავს და შენც რომ რამე მოგივიდეს, რა უნდა გავაკეთოო, მეუბნება“, - ამბობს ზურაბაშვილის დედა.

მან განმარტა, რომ ბოლო სამი თვე მათთვის განსაკუთრებით მძიმე იყო, რადგან მთლიანი თანხა საბანკო სესხის დასაფარად მიდიოდა.

ქალი მიიჩნევს, რომ სწორედ ეს ფაქტორი გახდა გადამწყვეტი.

დღეს პროკურატურამ ლევან ზურაბაშვილს ბრალი სსკ-ის 144-ე მუხლის მე-2 ნაწილის „გ“ ქვეპუნქტით წარუდგინა, რაც ორზე მეტი პირის მძევლად ხელში ჩაგდებას გულისხმობს. აღნიშნული დანაშაული თავისუფლების აღკვეთით ვადით 9-დან 14 წლამდე პატიმრობას ითვალისწინებს.

160
პოლიციის ლენტი

ქუთაისის კლინიკიდან გაპარული პაციენტი გარდაცვლილი იპოვეს

70
ოჯახის ინფორმაციით, 76 წლის მამაკაცი ინტერვენციული მედიცინის ცენტრიდან 27 ნოემბერს გაუჩინარდა. მან კლინიკა უკანა კარიდან დატოვა. ცხედარი პოლიციამ კლინიკის მახლობლად იპოვა.

 თბილისი, 30 ნოემბერი – Sputnik. ქუთაისში კლინიკიდან გაუჩინარებული 76 წლის მამაკაცი გარდაცვლილი იპოვეს, იუწყება პირველი არხი.

ანზორ ლომჯარიას კლინიკა 28 ნოემბერს უნდა დაეტოვებინა, თუმცა ის ინტერვენციული მედიცინის ცენტრიდან სამი დღის წინ გაიპარა. სავარაუდოდ, პაციენტი კლინიკის უკანა კარიდან გავიდა. გავრცელებული ინფორმაციით, მამაკაცს სიმსივნური დაავადების ფონზე მეხსიერების პრობლემა ჰქონდა.

როგორც შინაგან საქმეთა სამინისტროში განაცხადეს, პაციენტის ცხედარი სამართალდამცველებმა კლინიკასთან ახლოს ტყეში აღმოაჩინეს.

ამ დროისთვის ცხედარი პროზექტურაშია გადასვენებული.

მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

70
თემები:
შემთხვევები საქართველოში
მიწისძვრის მაგნიტუდა

საქართველოში მიწისძვრა მოხდა

57
3,1 მაგნიტუდის მიწისძვრის ბიძგბის ეპიცენტრი ქალაქ დმანისიდან დასავლეთით 9 კილომეტრის სიღრმეში დაფიქსირდა.

თბილისი, 30 ნოემბერი – Sputnik. საქართველოში, თბილისიდან 64 კილომეტრში, 19:09 საათზე დმანისის მუნიციპალიტეტში 3.1 მაგნიტუდის მიწისქვეშა ბიძგები დაფიქსირდა, იუწყება დედამიწის შემსწავლელ მეცნიერებათა ინსტიტუტის სეისმური მონიტორინგის ეროვნული ცენტრი.

მიწისძვრის ეპიცენტრი ქალაქ დმანისიდან დასავლეთით 18 კილომეტრში, სოფელი მამიშლარიდან 7კმ კილომეტრში მდებარეობდა. მიწისძვრის ბიძგები 9 კილომეტრის სიღრმეში დაფიქსირდა.

ინფორმაცია ნგრევისა და დაშავებულების შესახებ არ ვრცელდება.

57
თემები:
შემთხვევები საქართველოში
ახალი გზის მშენებლობა, რომელიც მაჭავარიანის ქუჩას გელოვანის გამზირთან დააკავშირებს

თბილისში, მაჭავარიანის ქუჩაზე მოძრაობა ერთი თვით ნაწილობრივ შეიზღუდება

0
მაგისტრალური წყალსადენის კვანძების მოწყობის სამუშაოები ვაკე-საბურთალოს რაიონში, „ვეფხისა და მოყმის" ძეგლთან ახალი სატრანსპორტო კვანძის მშენებლობის ფარგლებში მიმდინარეობს

თბილისი, 30 ნოემბერი – Sputnik. თბილისში, მაჭავარიანის ქუჩაზე, სარეაბილიტაციო სამუშაოების გამო, მოძრაობა 1-დან 30 დეკემბრამდე ნაწილობრივ შეიზღუდება, ინფორმაციას თბილისის მერია ავრცელებს.

თბილისის მუნიციპალიტეტის მერიის ინფრასტრუქტურის განვითარების საქალაქო სამსახურის დაკვეთით, კომპანია „ბლექ სი გრუპი“ მაგისტრალური წყალსადენის კვანძების მოწყობის სამუშაოებს განახორციელებს.

„შეზღუდვა გადაუდებელი დახმარების ოპერატიული მართვის ცენტრის („112“) შენობიდან ვაშლიჯვრის და უკუმიმართულებით, მაჭავარიანის ქ. N1 კორპუსიდან BP-ის ბენზინგასამართ სადგურამდე იმოქმედებს“, - აღნიშნულია თბილისის მერიის ინფორმაციაში.

მაჭავარიანის ქუჩაზე დაგეგმილი სამუშაოების გამო, ავტომობილების გადაადგილების მიმართულება არ შეიცვლება, აცხადებენ უწყებაში.

სამუშაოები 24-საათიან რეჟიმში იწარმოებს.

თბილისის მერია ვაკე-საბურთალოს რაიონში, ახალი სატრანსპორტო კვანძის მშენებლობას ახორციელებს.

პროექტის თანახმად, გადაუდებელი დახმარების ოპერატიული მართვის (112) ცენტრის მიმდებარე ტერიტორიიდან ჩამოსასვლელი გზა სუპერმარკეტ „აგროჰაბსა" და „მათე მოტორსის" ყოფილ შენობას შორის გაივლის და მარშალ გელოვანის გამზირს დაუკავშირდება. ბეტონის ახალი გზა ოთხზოლიანი იქნება.

მოეწყობა საყრდენი კედლები და წყალამრიდები, დამონტაჟდება გარე განათების თანამედროვე სტანდარტების შესაბამისი ქსელი.

საბურთალოს რაიონში ახალი გზის მშენებლობა მიმდინარე წლის გაზაფხულზე დაიწყო. პროექტის ღირებულება 15 მილიონი ლარია.

0
თემები:
ტრანსპორტი საქართველოში