სპეცოპერაცია თბილისში

შეიარაღებულ პირს მიკროსაფინანსო ორგანიზაციაში ცხრა ადამიანი ჰყავს მძევლად აყვანილი

117
(განახლებულია 19:50 20.11.2020)
ამ დროისათვის წერეთლის გამზირზე მიკროსაფინანსო ორგანიზაციის მიმდებარედ გადაკეტილია გზის სავალი ნაწილი და მიმდინარეობს საგამოძიებო მოქმედებები.

თბილისი, 20 ნოემბერი – Sputnik. ჩვენი ინფორმაციით, მიკროსაფინანსო ორგანიზაციაში ცხრა მძევალი და ერთი შეიარაღებული პირია, განაცხადა თბილისის საპატრულო პოლიციის ხელმძღვანელმა ვაჟა სირაძემ.

თბილისში წერეთლის გამზირზე შეიარაღებული პირი მიკროსაფინანსო ორგანიზაცია MBC-ს შენობაში დაახლოებით ორი საათის წინ შეიჭრა.  

„ამ დროისათვის თავდამსხმელის შეიარაღებაზე დაზუსტებულ ინფორმაციას ვერ მოგაწვდით. თუ რა მოთხოვნები აქვს თავდამსხმელს, ამაზე ინფორმაციას მოგვიანებით მოგაწვდით“, – განაცხადა სირაძემ.

საპატრულო პოლიციის უფროსმა მასმედიის წარმომადგენლებს მოუწოდა, შეწყვიტონ პირდაპირი ჩართვები, რადგან ეს ხელს უშლის საგამოძიებო მოქმედებებს და საფრთხის შემცველია.

წერეთლის გამზირზე მიკროსაფინანსო ორგანიზაციის მიმდებარედ გადაკეტილია გზის სავალი ნაწილი. ადგილზე მობილიზებული არიან სამართალდამცველები და სპეცდანიშნულების რაზმის წევრები.

მომხდართან დაკავშირებით განცხადება გაავრცელა თავად მიკროსაფინანსო ორგანიზაცია MBC-მ:

  • „გვინდა გავაკეთოთ განცხადება ამ მომენტში მიმდინარე მოვლენებთან დაკავშირებით: ჩვენი კომპანია სრულ კოორდინაციაშია შინაგან საქმეთა სამინისტროსთან, ვმოქმედებთ მათი მითითებების შესაბამისად. ჩვენი შესაძლებლობების ფარგლებში გავაკეთებთ ყველაფერს, რომ პროცესი მშვიდობიანად დასრულდეს. შექმნილ მდგომარეობაში თანამშრომლების ჯამრთელობა და უსაფრთხოება „ემბისის" უპირველესი ამოცანაა“, – აღნიშნულია განცხადებაში.

ცეცხლსასროლი იარაღის მართლსაწინააღმდეგო შეძენა-შენახვა-ტარების და ყაჩაღობის ფაქტებზე გამოძიება სისხლის სამართლის სამართლის კოდექსის 236-ე და 179-ე მუხლებით დაიწყო.

117
თემები:
კრიმინალი საქართველოში (1204)
პოლიციის ლენტი

დიღომში შუახნის ქალის ცხედარი იპოვეს

41
შუა ხნის ქალის ცხედარი ბელიაშვილის სკვერში იპოვეს. ტელეკომპანიის ინფორმაციით, გარდაცვლილი სოციალურად დაუცველი და უსახლკარო იყო.

თბილისი, 24 ნოემბერი – Sputnik. თბილისში, ბელიაშვილის ქუჩაზე მდებარე სკვერში სოციალურად დაუცველი უსახლკარო ქალის ცხედარი იპოვეს, იუწყება ტელეკომპანია „მთავარი არხი“.

გავრცელებული ინფორმაციით, უსახლკარო სიცივისგან გაიყინა. გარდაცვლილი სკვერში რამდენიმე საათის განმავლობაში ესვენა, სანამ ადგილზე მისული პოლიცია მის ვინაობას დაადგენდა.

გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.

41
თემები:
შემთხვევები საქართველოში
ბათუმის რესპუბლიკური საავადმყოფო

ბათუმში კორონავირუსით კიდევ ერთი ექიმი გარდაიცვალა

36
(განახლებულია 17:18 24.11.2020)
აჭარის მასშტაბით პანდემიის გავრცელებიდან დღემდე ეს მედიკოსთა კორონავირუსით გარდაცვალების მეექვსე შემთხვევაა.

თბილისი, 24 ნოემბერი – Sputnik. ბათუმის რესპუბლიკური საავადმყოფოს ექიმი 55 წლის ასაკში კორონავირუსით გარდაიცვალა, იუწყება „პირველი არხი“.

55 წლის მამაკაცს ინფექცია 19 ნოემბერს დაუდასტურდა, ხოლო 20 ნოემბერს ის კლინიკაში მოათავსეს.

კლინიკის მენეჯერის გია კიკაბიძის განცხადებით, ექიმს თანხმლები დაავადებები აღენიშნებოდა.

„ის ინფიცირებულებთან არ მუშაობდა, იყო თერაპიული განყოფილების გამგე. ჰქონდა გულის თანხმლები დაავადებები, ასევე შაქრიანი დიაბეტი. რამდენიმე დღეში მისი მდგომარეობა უკიდურესად დამძიმდა და, სამწუხაროდ, გადარჩენა ვერ მოხერხდა. მინდა მივუსამძიმრო ოჯახსა და ყველა ჩვენს კოლეგას“, – განაცხადა გია კიკაბიძემ.

ეს აჭარაში მედიკოსის გარდაცვალების უკვე მეექვსე შემთხვევაა.

ბათუმის რესპუბლიკურ საავადმყოფოში 18 ნოემბერს ასევე გარდაიცვალა 62 წლის ექიმი. მას ფილტვის არტერიის სტენოზი აღენიშნებოდა.

დღევანდელი მდგომარეობით, ბათუმის რესპუბლიკურ საავადმყოფოში 206 პაციენტი მკურნალობს. აქედან 45 კოვიდ-ინფიცირებული რეანიმაციულ განყოფილებაშია მოთავსებული, ხოლო ცხრა კრიტიკულად მძიმე მდგომარეობაში, მართვით სუნთქვაზე რჩება.

აჭარაში ბოლო 24 საათში კორონავირუსით 10 პაციენტი გარდაიცვალა.

საქართველოში კორონავირუსის მეორე ტალღა მძვინვარებს. პიკი ნოემბრის მეორე ნახევარშია მოსალოდნელი. ყოველდღიურად დაახლოებით 3–4 ათასი ინფიცირების შემთხვევა ფიქსირდება.

პანდემიის დაწყებიდან ინფიცირების შემთხვევებმა 111 ათასს გადააჭარბა. გარდაიცვალა 1051 ადამიანი.

კორონავირუსის პირველი შემთხვევა საქართველოში 26 თებერვალს დაფიქსირდა.

36
თემები:
COVID-19 საქართველოში
მთავრობის ადმინისტრაცია

რაზე ისაუბრა პრემიერ-მინისტრმა ბიზნესისა და საფინანსო სექტორის წარმომადგენლებთან

0
პრემიერ-მინისტრმა ბიზნესისა და საფინანსო სექტორის წარმომადგენლებთან მომავალი წლის მაკროეკონომიკური პარამეტრები და პოსტპანდემიური ეკონომიკური აღდგენის გზები განიხილა

თბილისი, 24 ნოემბერი – Sputnik. პანდემიით გამოწვეული მსოფლიო ეკონომიკური კრიზისის გავლენა საქართველოზე, მთავრობის ეკონომიკური გეგმა და ნაბიჯები, რომელთა გადადგმა ბიზნესისა და მოქალაქეების სოციალური მხარდაჭერის მიმართულებით იგეგმება - ეს და სხვა საკითხები განიხილებოდა დღეს საქართველოს პრემიერ-მინისტრ გიორგი გახარიასა და ბიზნესისა და საფინანსო სექტორის წარმომადგენლების შეხვედრაზე მთავრობის ადმინისტრაციაში.

საუბარი შეეხო ასევე მთავრობის ეკონომიკურ გეგმას მომდევნო წლების განმავლობაში, მათ შორის მომდევნო წლის სახელმწიფო ბიუჯეტის მაჩვენებლებს.

ბიზნესისა და საფინანსო სექტორის წარმომადგენლებმა თავის მხრივ ის ეკონომიკური გამოწვევები დაასახელეს, რომელთა ასახვა ეკონომიკური განვითარების საშუალოვადიან გეგმაში მათი თვალსაზრისით მნიშვნელოვანია.

აღინიშნა, რომ კრიტიკულად მნიშვნელოვანია, ქვეყანა სწრაფად გამოვიდეს კრიზისიდან, მაქსიმალურად შენარჩუნდეს და აღდგეს სამუშაო ადგილები და გაუმჯობესდეს მოსახლეობის შემოსავლების დონე.

შეხვედრაზე აღინიშნა, რომ პოსტპანდემიურ პერიოდში განსაკუთრებით მნიშვნელოვანი იქნება, კიდევ უფრო გაძლიერდეს კოორდინაცია და თანამშრომლობა საქართველოს მთავრობას, ბიზნესსა და ეროვნულ ბანკს შორის.

შეხვედრას ასევე ესწრებოდა ეროვნული ბანკის პრეზიდენტი კობა გვენეტაძე, რომელმაც პოსტპანდემიურ პერიოდში ფულად-საკრედიტო და მონეტარულ პოლიტიკაზე ისაუბრა.

ჰოსპიტალურ სექტორში 279 თავისუფალი საწოლია – ჯანდაცვის მინისტრი >>

შეხვედრაში მთავრობის ეკონომიკური გუნდიდან მონაწილეობდნენ - ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, ფინანსთა მინისტრი ივანე მაჭავარიანი, ეკონომიკისა და მდგრადი განვითარების მინისტრი ნათია თურნავა.

ხოლო ბიზნესის მხრიდან შეხვედრას ბიზნესასოციაციის პრეზიდენტი სოსო ფხაკაძე, „საქართველოს ბანკის" გენერალური დირექტორი არჩილ გაჩეჩილაძე და „თიბისი ბანკის" გენერალური დირექტორი ვახტანგ ბუცხრიკიძე ესწრებოდნენ.

0
თემები:
საქართველოს მთავრობა