თბილისი, 19 ნოემბერი – Sputnik. რუსთავში საცხოვრებელი კორპუსის მეშვიდე სართულის აივნიდან სამ წლამდე ბავშვი გადმოვარდა, იუწყება ქართული მასმედია.
შემთხვევა რუსთავის მე-19 მიკრორაიონში დღეს, დილით მოხდა.
გავრცელებული ინფორმაციით, მცირეწლოვანი სხეულის მრავლობითი დაზიანებებით სასწრაფო სამედიცინო დახმარების ბრიგადამ კლინიკა „რუსთავში“ გადაიყვანა. მისი ჯანმრთელობის მდგომარეობა მძიმეა.
მომხდარზე გამოძიება საქართველოს სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანების მიყენებას გულისხმობს.