საპატრულო პოლიცია

ქობულეთში დედამ თავისი შვილი საწოლში გარდაცვლილი ნახა

186
(განახლებულია 19:30 17.11.2020)
15 წლის მოზარდის გარდაცვალების ფაქტზე გამოძიება „სიცოცხლის გაუფრთხილებლობით მოსპობის“ მუხლით დაიწყო.

თბილისი, 17 ნოემბერი – Sputnik. ქობულეთის მუნიციპალიტეტში დედამ თავისი 15 წლის შვილი საწოლში გარდაცვლილი აღმოაჩინა, იუწყება ადგილობრივი ტელეკომპანია TV25.

გავრცელებული ინფორმაციით, შემთხვევა სოფელ ახალსოფელში მოხდა. მოზარდის გარდაცვალების მიზეზი დგინდება. ადგილზე ექსპერტ–კრიმინალისტები მუშაობენ.

როგორც „Sputnik–საქართველოს“ შსს-ში განუცხადეს, ფაქტზე აღძრულია სისხლის სამართლის საქმე სსკ-ის 116-ე მუხლის მიხედვით, რაც სიცოცხლის გაუფრთხილებლობით მოსპობას გულისხმობს.

186
თემები:
შემთხვევები საქართველოში (2194)
სასწრაფო დახმარება

სამეგრელოში წყლით სავსე ავზში ბავშვი დაიხრჩო

70
ახლობლებმა წყალში ჩავარდნილი ბავშვი ამოიყვანეს და სასწრაფო დახმარების მანქანით კლინიკაში გადაიყვანეს, მაგრამ მისი გადარჩენა ვერ მოხერხდა.

თბილისი, 23 ივნისი - Sputnik. ხობში უბედური შემთხვევა მოხდა - ორი წლის ბავშვი ეზოში წყლით სავსე ავზში ჩავარდა, იუწყება ტელეკომპანია „რუსთავი 2“. 

ტელეარხის ცნობით, ბავშვი ეზოში თამაშობდა, წყლის ავზში სათამაშო ჩაუვარდა და როდესაც ამოღებას ცდილობდა, წყალში ჩავარდა.

ახლობლებმა ბავშვი წყლიდან ამოიყვანეს და სასწრაფო დახმარების მანქანით კლინიკაში გადაიყვანეს, მაგრამ მისი გადარჩენა ვერ მოხერხდა.

გარდაცვალების ზუსტ მიზეზს ექსპერტიზა დაადგენს.

70
მოსამართლის ჩაქუჩი

საქართველოში პედოფილს 15 წლით თავისუფლების აღკვეთა მიუსაჯეს

48
(განახლებულია 21:45 23.06.2021)
სასამართლომ გაითვალისწინა პროკურატურის მიერ წარმოდგენილი ყველა მტკიცებულება და მამაკაცი დამნაშავედ ცნო ცხრა წლის ბავშვის მიმართ გარყვნილი ქმედებების ჩადენაში.

თბილისი, 23 ივნისი - Sputnik. სასამართლომ პროკურატურის მიერ წარდგენილი მტკიცებულებების საფუძველზე, არასრულწლოვანის მიმართ ჩადენილ გარყვნილ ქმედებაში და სექსუალური ხასიათის სხვაგვარ ქმედებაში ბრალდებულს 15 წლით თავისუფლების აღკვეთა მიუსაჯა, - აღნიშნულია გენერალური პროკურატურის ვებგვერდზე განთავსებულ განცხადებაში.

სასამართლოში წარდგენილმა მტკიცებულებებმა აჩვენა, რომ 2020 წლის 17 სექტემბრიდან 9 ოქტომბრის ჩათვლით, ბრალდებული 9 წლის გოგონას მიმართ გარყვნილ ქმედებებს ახორციელებდა.

სამართალდამცველებმა ეჭვმიტანილი 2020 წლის 12 ოქტომბერს დააკავეს. მას ბრალდება წარედგინა სსკ-ის 141-ე მუხლის მე-2 ნაწილის „ვ“ ქვეპუნქტით (გარყვნილი ქმედება დამნაშავისთვის წინასწარი  შეცნობით თოთხმეტი წლის ასაკს მიუღწეველი პირის მიმართ) და 138-ე მუხლის მე-4 ნაწილის „ა“ ქვეპუნქტით (სექსუალური ხასიათის სხვაგვარი ქმედება, დაზარალებულის უმწეობის გამოყენებით, დამნაშავისთვის წინასწარი  შეცნობით თოთხმეტი წლის ასაკს მიუღწეველი პირის მიმართ) და აღკვეთის ღონისძიების სახით პატიმრობა შეეფარდა. დანაშაული 15-დან 20 წლამდე თავისუფლების აღკვეთას ითვალისწინებს.

48
სოფიკო შევარდნაძე

„სამი თვეა ამ სასწაულთან ერთად ვცხოვრობ“ - სოფო შევარდნაძე პირად ცხოვრებაზე დუმილს არღვევს

0
(განახლებულია 15:22 24.06.2021)
ცნობილმა ჟურნალისტმა პაუზის შემდეგ ვაჟთან ერთად უახლესი ფოტო გამოაქვეყნა და ცხოვრებისეულ პირად დეტალებზე ისაუბრა. რატომ არის 42 წლის ტელესახის ცხოვრებაში უკანასკნელი სამი თვე სასწაული?

საქართველოს ყოფილი პრეზიდენტის შვილიშვილი, ცნობილი ჟურნალისტი სოფო შევარდნაძე „ინსტაგრამის“ საკუთარ გვერდზე პირად ცხოვრებაზე საუბრობს, რადგან ბოლო პერიოდში, მას მერე, რაც ის დედა გახდა, არ წყდება კითხვები, თუ რატომ არ ჩანს მისი მეორე ნახევარი, ან რატომ არ ასაჯაროებს პატარა ანდრიას ფოტოს. მან გადაწყვიტა, დუმილი კიდევ ერთხელ დაარღვიოს.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

სოფიკოს მიერ ვაჟთან ერთად გამოქვეყნებულ ფოტოებს, „ფოლოვერები“ სულმოუთქმენლად ელიან, თუმცა სოფო პირადი სივრცის პრინციპებს არ არღვევს. ახალშობილ ვაჟთან ერთად პოზირებს, ერთობლივ კადრებს სოციალურ ქსელში განათავსებს, თუმცა სახეს ამ დრომდე უმალავს. „სამი თვეა ამ სასწაულთან ერთად ვცხოვრობ“,- აღნიშნავს სოფო მიკრობლოგის ახალ პოსტზე. „ამიერიდან ყველაფერი სხვანაირად იქნება, აღმოჩნდა, რომ ადამიანური რესურსები ამოუწურავია. როცა მესმის შეკითხვები დედობისა და სამსახურის შეთავსებაზე, წამიერად ვპასუხობ, რომ ყველაფერი შესაძლებელია, თუ გაქვს სურვილი და არ გაქვს კომპლექსები, რომლებსაც უსაფუძვლო დანაშაულის განცდა სდევს ხოლმე თან“,- უყვება ფანებს ჟურნალისტი.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

„ახლა ჩემი ოჯახი მაქვს. მე უკვე არა მხოლოდ ქალიშვილი, ან შვილიშვილი ვარ. ახლა დედა ვარ. და რაც არ უნდა უნდოდეს ბევრს, გაიგოს მეტი და უფრო ახლოს, მე უბრალოდ ვიცი, რომ ამიერიდან ჩემი შვილისთვის საზღვრების აგება ჩემი პასუხისმგებლობაა. ყოველთვის მიმაჩნდა, რომ ოჯახის წევრებს აქვთ უფლება, თავად გადაწყვიტონ, სურთ მათ საჯაროობა თუ არა. ჩვენი საქმე კი ის არის, მათ მივცეთ ეს არჩევანი და დავიცვათ არასაჭირო ყურადღებისგან. თუ ადამიანს, რომელიც ჩემ გვერდით არის, შეუძლია საკუთარი თავის დაცვა ამ უფლებით, ჩემი შვილისთვის მე ვარ ასეთი დამცველი. და მხოლოდ როდესაც ანდრია გაიზრდება და თავად შეძლებს გადაწყვიტოს, რის მიწოდება შეუძლია სამყაროსთვის, მე ვიქნები მხოლოდ და მხოლოდ დამკვირვებელი. მანამდე კი ასეა“, – წერდა სოფო.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

0
თემები:
ქართველი სელებრითები