გულშემატკივარი

კალაძე დაჯარიმებულ გულშემატკივარზე: პირობას ვდებ, ამ ადამიანს პრობლემა არ შეექმნება

208
(განახლებულია 21:04 13.11.2020)
თბილისის მერი კახა კალაძე საქართველო–ჩრდილოეთ მაკედონიის მატჩზე თავის უფროს შვილთან ერთად იმყოფებოდა. შეხვედრას ესწრებოდა „ქართული ოცნების“ აღმასრულებელი მდივანი ირაკლი კობახიძეც.

თბილისი, 13 ნოემბერი – Sputnik. ფეხბურთისა და საკუთარი ქვეყნის ნაკრების ასეთი გულშემატკივრობა დაფასებას იმსახურებს. ჩემი აზრით, ჯარიმა ამ ადამიანის ოჯახს ტვირთად არ უნდა დააწვეს, ამიტომ პირობას ვიძლევი, ამ ადამიანს პრობლემა არ შეექმნება. ეს განცხადება თბილისის მერმა კახა კალაძემ Facebook-ის პირად გვერდზე გამოაქვეყნა.

ვლადიმერ ვაისი საქართველოს ფეხბურთის ნაკრების მთავარი მწვრთნელის თანამდებობას ტოვებს>>

გუშინ სოციალურ ქსელში გავრცელდა კადრები, თუ როგორ აჯარიმებს საპატრულო პოლიციის წარმომადგენელი ეროვნული სტადიონის მიმდებარე ტერიტორიაზე მისულ გულშემატკივარს შეზღუდვის რეჟიმის დარღვევის გამო.

„გუშინ ბევრი გულშემატკივრის თვალზე ვიხილეთ ცრემლი და ეს ემოცია ყველაზე დიდ დაფასებას იმსახურებს. ერთ-ერთი ასეთი გულანთებული ადამიანი საკანონმდებლო რეგულაციების საფუძველზე დაჯარიმდა, რამაც ადამიანების გულწრფელი აღშფოთება გამოიწვია. კანონის მოთხოვნების სრული დაცვით შევძლებთ ამ პრობლემის გადაჭრას“, – დაწერა თბილისის მერმა.

კალაძე ასევე შეეხო სტადიონზე მისი ყოფნის საკითხსაც. მან აღნიშნა, რომ მატჩზე უეფას დელეგაციისა და ფეხბურთის ფედერაციის მიერ იყო მიწვეული, როგორც ვეტერანი ფეხბურთელი. კალაძის თქმით, სტადიონზე მისი განვლილი ცხოვრებიდან და საფეხბურთო კარიერიდან გამომდინარე იმყოფებოდა.

თბილისის მერი მისი უფროსი შვილის სტადიონზე ყოფნასაც გამოეხმაურა, რასაც საზოგადოების მხრიდან ხმაური და პროტესტი მოჰყვა.

„ჩემი შვილი, ლევანი პრაქტიკულად ყველა მატჩზე თან მახლავს და ინერციით გუშინაც ერთად მივედით ამ უმნიშვნელოვანეს მატჩზე. ალბათ მეტად უნდა გამეთვალისწინებინა რეგულაციებიდან გამომდინარე შექმნილი ვითარება, თუმცა გუშინ ჩემთვის იმდენად ემოციური დღე იყო, ამ საკითხზე ყურადღება არ გამიმახვილებია. ეს არ იყო რაიმე სახის პრივილეგია ან უკანონო ქმედება“, – აღნიშნა თბილისის მერმა.

ამასთან კალაძემ გულშემატკივრებს, რომლებმაც ის გააკრიტიკეს უნებური შეცდომისთვის, ბოდიში მოუხადა.

კალაძემ ასევე განაცხადა, რომ მსგავსი მოსაწვევი უეფასგან და ფეხბურთის ფედერაციის მხრიდან სხვა თამაშებზეც მისდის ხოლმე, რომელიც დამატებით სამი პირის თანხლებას ითვალისწინებს.

საქართველო ჩრდილოეთ მაკედონიასთან დამარცხდა - 0:1>>

„უცნაური ის იქნებოდა, მე და სხვა ვეტერანი ფეხბურთელები ბიჭების გვერდში ამ უმნიშვნელოვანეს წუთებში რომ არ დავმდგარიყავით. ამის გამო ბევრმა პოლიტიკური დატვირთვით ჩემი გაკრიტიკება გადაწყვიტა, რაც უადგილოა. სპორტი ყველას გვაერთიანებს და მოდით აქ მაინც ნუ შემოვიტანთ პოლიტიკას“, – წერს კახა კალაძე.

საქართველოს ნაკრების ყოფილმა კაპიტანმა მწუხარება გამოთქვა 12 ნოემბერს ჩრდილოეთ მაკედონიასთან განცდილი მარცხისთვის და მომავალი გამარჯვებების იმედი გამოთქვა. მან ასევე აღნიშნა, რომ გუშინ საქართველო ქვეყნის 30-წლიანი საფეხბურთო ოცნების ახდენასთან ძალიან ახლოს იყო.

საქართველოსა და ჩრდილოეთ მაკედონიას შორის შეხვედრა 12 ნოემბერს, კორონავირუსთან დაკავშირებით მიღებული რეგულაციების თანახმად, მაყურებლის გარეშე გაიმართა.

შეხვედრაზე საქართველოს ფეხბურთის ფედერაციის პრეზიდენტთან ლევან კობიაშვილთან ერთად მატჩის საყურებლად კახა კალაძე, „ქართული ოცნების“ აღმასრულებელი მდივანი ირაკლი კობახიძე და სხვა პირებიც იმყოფებოდნენ.

ამ ფაქტმა საზოგადოების ნაწილში გაღიზიანება და პროტესტის გრძნობა გამოიწვია. ამასთან დაკავშირებით საქართველოს ფეხბურთის ფედერაციასთან დღეს აქციაც გაიმართა, რომელიც სიტყვიერი და ფიზიკური დაპირისპირების ფონზე მიმდინარეობდა.

208
თემები:
შემთხვევები საქართველოში (1958)
დიღმის მასივის მესამე კვარტალში საქართველოს ბანკის ექსპრეს-ფილიალი დააყაჩაღეს

შეიარაღებულმა მამაკაცმა დიღმის მასივში ბანკიდან თანხა გაიტაცა

72
(განახლებულია 17:56 27.11.2020)
შემთხვევის ადგილზე ექსპერტ–კრიმინალისტები არიან მობილიზებული. მომხდარზე გამოძიება ყაჩაღობის მუხლით დაიწყო.

თბილისი, 27 ნოემბერი – Sputnik. დიღმის მასივში, რობაქიძის გამზირზე მდებარე „საქართველოს ბანკის“ ექსპრეს–ფილიალში შეიარაღებული მამაკაცი შეიჭრა და თანხა გაიტაცა, იუწყება ტელეკომპანია „იმედი“.

შემთხვევა დაახლოებით ერთი საათის წინ მოხდა.

თვითმხილველების განცხადებით, შეიარაღებულმა ნიღბიანმა მამაკაცმა მოლარე–ოპერატორს იარაღის მუქარით თანხა მოსთხოვა. მას შემდეგ, რაც მისი მოთხოვნა დაკმაყოფილდა, მამაკაცმა შემთხვევის ადგილიდან მიმალვა შეძლო.

გატაცებული თანხის ოდენობა ამ ეტაპზე უცნობია.

ამჟამად ადგილზე ექსპერტ–კრიმინალისტები არიან მობილიზებული.

ფაქტზე გამოძიება სსკ-ის 179-ე მუხლის მესამე ნაწილით დაიწყო, რაც "ყაჩაღობას" გულისხმობს.

72
თემები:
შემთხვევები საქართველოში (1958)
პოლიცია

ტრაგედია ქარელში: რა გახდა ახალგაზრდების გარდაცვალების მიზეზი

74
(განახლებულია 16:00 27.11.2020)
მომხდარ ფაქტზე გამოძიება გაუფრთხილებლობით სიცოცხლის მოსპობის მუხლით დაიწყო. გარდაცვლილთა ცხედრები ექსპერტიზაზეა გადასვენებული.

თბილისი, 27 ნოემბერი – Sputnik. ქარელში, რუსთაველის ქუჩაზე მდებარე ერთ-ერთ საცხოვრებელ ბინაში ორი გარდაცვლილი და ერთი უგონო მდგომარეობაში მყოფი მამაკაცი იპოვეს, იუწყება „პირველი არხი“.

სავარაუდოდ, ტრაგედიის მიზეზი ახალგაზრდების მიერ ნაქირავებ ბინაში ბუნებრივი აირის გაჟონვა გახდა.

ამჟამად უგონო მდგომარეობაში მყოფი მამაკაცი ქარელის სამედიცინო დაწესებულებაშია გადაყვანილი. ექიმების შეფასებით, მისი მდგომარეობა მძიმეა.

მომხდარ ფაქტზე გამოძიება დაწყებულია სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

74
თემები:
შემთხვევები საქართველოში (1958)
სრულიად საქართველოს კათოლიკოს–პატრიარქი ილია მეორე

შობის მარხვაში მორწმუნეებს, საჭიროების შემთხვევაში, რძის ნაწარმის მიღების ნება მიეცემათ

32
28 ნოემბრიდან შობის მარხვა იწყება, რომელიც, საეკლესიო კალენდრის თანახმად, ორმოცდღიან პერიოდს მოიცავს და 7 იანვარს, უფლის შობის დღეს დასრულდება.

თბილისი, 27 ნოემბერი - Sputnik. ეპიდემიის მიზეზით შექმნილი ვითარების გამო სასულიერო პირებს ეძლევათ ლოცვა-კურთხევა, იკონომიის წესით, საჭიროებისამებრ, მისცენ ნება მორწმუნეთ რძის ნაწარმის გამოყენებისა და არ შეუქმნან მათ დაბრკოლება ზიარების მისაღებად, ნათქვამია საქართველოს კათოლიკოს-პატრიარქის, ილია მეორის მიმართვაში, რომელსაც საქართველოს საპატრიარქო ავრცელებს.

ილია მეორე: წმინდა გიორგის მადლი შეგეწიოთ>>

ხვალ, 28 ნოემბერს, იწყება საშობაო მარხვა, რომელიც 7 იანვრამდე გასტანს. ამ მარხვაში 25 დეკემბრის ჩათვლით დაშვებულია თევზი (ოთხშაბათის და პარასკევის გარდა).

პატრიარქი მრევლს სთხოვს, გააძლიერონ ლოცვა და, ყოველდღიური ლოცვების გარდა, დამატებით წაიკითხონ მე-3, 26-ე, 102-ე და 145-ე ფსალმუნები.

„ღმერთმა დაგლოცოთ და გაგახაროთ. მარხვა სინანულისა და შობა სიხარულისა გაგვითენოს უფალმა, ამინ!“ – აღნიშნულია პატრიარქის მიმართვაში.

ქრისტეშობის მარხვა 40 დღე გრძელდება. ის დაწესებულია იმისთვის, რათა თითოეული ადამიანი სინანულით, ლოცვით და მარხვით განიწმინდოს და შობის დღესასწაულზე მოწიწებით მიეახლოს ძე ღვთისას.

ეკლესიის ისტორიაში შობის მარხვის შესახებ ცნობები მეოთხე საუკუნიდან მოიპოვება, მაგრამ, როგორც ჩანს, მისი დაწყებისა და დასრულების თარიღი მკაცრად განსაზღვრული არ იყო. ორმოცდღიანი მარხვა 1166 წლს პატრიარქ ლუკას მოსაყდრეობის პერიოდში მოწვეულ კონსტანტინეპოლის ადგილობრივ საეკლესიო კრებაზე დადგინდა. მარხვის დასაწყისში მოძღვრები თავიანთ სულიერ შვილებს ლოცვის გაძლიერებისკენ, ზიარებისკენ, თავმდაბლობისკენ და მოთმინებისკენ მოუწოდებენ.

32