ტეპლოვიზორი

ქვედა საცვლებით სავსე ჩემოდნით: საქართველოს მოქალაქე ქალი გერმანიაში არ შეუშვეს

844
(განახლებულია 23:04 11.11.2020)
გერმანიის სასაზღვრო პოლიციამ ახალგაზრდა ქალის ვიზიტის მიზნის უტყუარობაში ეჭვი შეიტანა და ის ქვეყნის ტერიტორიაზე არ შეუშვა

თბილისი, 11 ნოემბერი - Sputnik. საქართველოს მოქალაქე, რომელსაც ჩემოდანში მეტისმეტად დიდი რაოდენობით ქვედა საცვალი აღმოუჩინეს, გერმანიაში არ შეუშვეს.

როგორც გერმანული გამოცემა SZ.de იუწყება, საქართველოს მოქალაქე ამტკიცებდა, რომ გერმანიაში ქირურგიული ოპერაციისთვის ჩავიდა, მაგრამ მას არ დაუჯერეს და ქვეყანაში არ შეუშვეს. გერმანულ პოლიციას ეჭვი ახალგაზრდა ქალის ჩემოდნის შიგთავსმა აღუძრა, რომელშიც დიდი რაოდენობით ქვედა საცვალი ელაგა, რაც არანაირად არ მიუთითებდა ექიმთან დანიშნულ ვიზიტზე.

პოლიციამ არ დაუჯერა 29 წლის ქალს, რომელიც მიუნხენის აეროპორტში ჩავიდა, მიუხედავად იმისა, რომ მან წარადგინა ცნობა, რომლის თანახმადაც, ნიურნბერგის კლინიკაში მისთვის რთული ქირურგიული ოპერაცია უნდა გაეკეთებინათ. ყველაფერი იმაზე მიანიშნებდა, რომ ქალი გერმანიაში სხვა მიზნით, კერძოდ, პროსტიტუციით ფულის საშოვნელად იყო ჩასული.

გერმანული მასმედიის ინფორმაციით, საქართველოს მოქალაქის დეპორტაციის მიზეზი მეტად პიკანტური იყო - ახალგაზრდა ქალს ჩემოდანში იმაზე მეტი ქვედა საცვალი აღმოაჩნდა, ვიდრე ოპერაციის შემთხვევაში დასჭირდებოდა.

კორონავირუსის პანდემიასთან დაკავშირებით დაწესებული შეზღუდვების გამო გერმანიაში შესასვლელად საფუძვლიანი მიზეზია საჭირო. ერთ-ერთი მათგანი - ექიმთან ვიზიტია.

844
თემები:
შემთხვევები საქართველოში (2194)
პოლიციის ლენტი

გარდაბანში არსებულ წყალსაცავში ორი მოზარდის ცხედარი იპოვეს

30
ხელოვნური წყალსაცავი გარდაბანში არსებულ „თბილსრესთან“ მდებარეობს. მაშველები მოზარდებს ორი საათის განმავლობაში ეძებდნენ.

თბილისი, 24 ივნისი − Sputnik. გარდაბანში, წყალსაცავში მაშველებმა ორი მოზარდის ცხედარი იპოვეს, იუწყება „პირველი არხი“.

ტელეკომპანიის ინფორმაციით, გარდაბნის რაიონის სოფელ ნაზარლოს მკვიდრი  მოზარდები წყალსაცავში საბანაოდ ჩავიდნენ. 15 წლის მოზარდი წყლიდან ამოსვლას ვეღარ ახერხებდა და მის დახმარებას 17 წლის მოზარდი შეეცადა, მაგრამ, სამწუხაროდ, ორივე დაიხრჩო.

სამძებრო სამუშაოებში ჩართული იყვნენ საგანგებო სიტუაციების მართვის სამსახურის თანამშრომლები და მყვინთავები. ამასთან, ადგილზე მობილიზებული იყო სასწრაფო სამედიცინო დახმარების ბრიგადებიც.

30
სასწრაფო დახმარება

სამეგრელოში წყლით სავსე ავზში ბავშვი დაიხრჩო

73
ახლობლებმა წყალში ჩავარდნილი ბავშვი ამოიყვანეს და სასწრაფო დახმარების მანქანით კლინიკაში გადაიყვანეს, მაგრამ მისი გადარჩენა ვერ მოხერხდა.

თბილისი, 23 ივნისი - Sputnik. ხობში უბედური შემთხვევა მოხდა - ორი წლის ბავშვი ეზოში წყლით სავსე ავზში ჩავარდა, იუწყება ტელეკომპანია „რუსთავი 2“. 

ტელეარხის ცნობით, ბავშვი ეზოში თამაშობდა, წყლის ავზში სათამაშო ჩაუვარდა და როდესაც ამოღებას ცდილობდა, წყალში ჩავარდა.

ახლობლებმა ბავშვი წყლიდან ამოიყვანეს და სასწრაფო დახმარების მანქანით კლინიკაში გადაიყვანეს, მაგრამ მისი გადარჩენა ვერ მოხერხდა.

გარდაცვალების ზუსტ მიზეზს ექსპერტიზა დაადგენს.

73
თურქეთის დროშა

საქართველო და თურქეთი თავისუფალი ვაჭრობის ხელშეკრულების გაფართოებას გეგმავენ

0
თავისუფალი ვაჭრობის შესახებ ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

თბილისი, 24 ივნისი - Sputnik. საქართველომ და თურქეთმა ქვეყნებს შორის თავისუფალი ვაჭრობის ხელშეკრულების ფარგლებში განიხილეს სოფლის მეურნეობის პროდუქტებზე ტარიფების შემდგომი ლიბერალიზაცია და დოკუმენტში სერვისებით ვაჭრობის ჩართვის შესაძლებლობა, იტყობინება საქართველოს ეკონომიკისა და მდგრადი განვითარების სამინისტროს პრესსამსახური.

ანკარამ უმასპინძლა საქართველო-თურქეთის თავისუფალი ვაჭრობის ხელშეკრულების შედეგად დაარსებული ერთობლივი კომიტეტის მე -12 სხდომას, რომლის ფარგლებში გაიმართა მოლაპარაკებები დოკუმენტში შესწორებების შეტანის შესახებ.

საქართველოს დელეგაციას ხელმძღვანელობდა ეკონომიკის მინისტრის მოადგილე გენადი არველაძე, ხოლო თურქეთის დელეგაციას - ვაჭრობის მინისტრის მოადგილე მუსტაფა თუზჯუ.

არველაძის თქმით, ქვეყნებს შორის თავისუფალი ვაჭრობის შესახებ შეთანხმებაში შეტანილი ცვლილება, განსაკუთრებით სოფლის მეურნეობის ტარიფების შემდგომი ლიბერალიზაციის შესახებ, გაზრდის ექსპორტს საქართველოდან თურქეთში და დაეხმარება ქართველ მწარმოებლებს, თავიანთი სოფლის მეურნეობის პროდუქტები თურქეთის ბაზარზე კონკურენტუნარიანი გახადონ. მისივე თქმით, ამ საკითხზე თურქულ მხარესთან კონსულტაციების პროცესი წარმატებით მიმდინარეობს.

კომიტეტის შემდეგი სხდომა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

თავისუფალი ვაჭრობის ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

საქართველოს სავაჭრო პარტნიორებს შორის თურქეთი პირველ ადგილზეა – 2021 წლის იანვარ–მაისში, გასული წლის ანალოგიურ პერიოდთან შედარებით, მეზობელ ქვეყანასთან საგარეო სავაჭრო ბრუნვა 35%–ით გაიზარდა და 758,1 მლნ დოლარი – საქართველოს საერთო სავაჭრო ბრუნვის 15,1% შეადგინა.

გასულ წელს საქართველოსა თურქეთს შორის სავაჭრო ბრუნვა, 2019 წლის იმავე პერიოდთან შედარებით, 12,2%-ით შემცირდა და 1,6 მლრდ დოლარი შეადგინა.  მიუხედავად ამისა, 2020 წელსაც თურქეთი საქართველოს ერთ-ერთი მთავარი სავაჭრო პარტნიორი იყო.

საქართველოდან თურქეთში ექსპორტზე გადის ფეროშენადნობები, ტრიკოტაჟის ნაწარმი, ფოლადის ნახევარფაბრიკატები, შავი ლითონის ჯართი და სხვა საქონელი.

თურქეთიდან შემოდის 10 და მეტი ადამიანის გადასაყვანი ავტომობილები, სატვირთო ავტომობილი, შავი ლითონის მილები, მილაკები და ღრუ პროფილები, სამკურნალო პრეპარატი და ა.შ. 

0