აქცია ცესკოსთან. 8.11.2020

სასამართლომ ცესკოსთან დაკავებულ ხუთ პირს განაჩენი გამოუტანა

76
ცესკოსთან დაკავებული ყველა პირს ბრალად ედება საზოგადოებრივი წესრიგის დარღვევა და პოლიციის მოთხოვნებისადმი დაუმორჩილებლობა

თბილისი, 9 ნოემბერი – Sputnik. თბილისის საქალაქო სასამართლომ ცესკოს შენობასთან დაკავებულ ორ პირს ხუთდღიანი ადმინისტრაციული პატიმრობა შეუფარდა, სამი გაათავისუფლა და 1000-ლარიანი ჯარიმა დააკისრა.

ცესკოს შენობასთან ღამის აქციის დროს დაკავებულებზე სასამართლო პროცესი გრძელდება. სულ დაკავებულია 19 ადამიანი. ყველა მათგანს ბრალად ედება საზოგადოებრივი წესრიგის დარღვევა და პოლიციის მოთხოვნებისადმი დაუმორჩილებლობა.

პირველი არხის ინფორმაციით, ბრალდების მხარემ სასამართლოზე მტკიცებულების სახით ვიდეომასალები წარმოადგინა. თავის მხრივ, დაკავებულთა ადვოკატებმა განაცხადეს, რომ ამ კადრებზე მათი დაცვის ქვეშ მყოფები არ ფიგურირებენ.

საპარლამენტო არჩევნების შედეგებით უკმაყოფილო ოპოზიციამ კვირას ცესკოს მთლიანი აპარატის გადადგომის მოთხოვნით მასშტაბური საპროტესტო აქცია გამართა ჯერ პარლამენტთან, შემდეგ კი ცესკოსთან, სადაც პოლიციასთან დაპირისპირება მოხდა. მომიტინგეების დასაშლელად პოლიციამ წყლის ჭავლი და ე.წ. წიწაკის სპრეი გამოიყენა. დაშავდა დაახლოებით 30 ადამიანი - პოლიციელები, აქციის მონაწილეები და ჟურნალისტები.

დღეს მიტინგი განახლდა, არსებულ მოთხოვნებს პოლიციის ქმედებების წინააღმდეგ პროტესტი დაემატა.

76
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (86)
სახანძრო მანქანა

თბილისში ხანძარს ორი ადამიანი ემსხვერპლა

39
(განახლებულია 15:04 26.11.2020)
ხანძარი სამსართულიანი კორპუსის მეორე სართულზე გაჩნდა. ადგილზე შვიდი სახანძრო-სამაშველო ეკიპაჟი მუშაობს.

თბილისი, 26 ნოემბერი – Sputnik. თბილისში, ხორავას ქუჩაზე მდებარე საცხოვრებელ სახლში ხანძრის შედეგად ორი ადამიანი დაიღუპა, იუწყება საზოგადოებრივი მაუწყებლის „პირველი არხი“.

გავრცელებული ინფორმაციით, ცეცხლი დილით, დაახლოებით 07:30 საათზე გაჩნდა. ხანძრის შედეგად დამწვარია სამსართულიანი კორპუსის მეორე სართული.

ამ დროისათვის ხანძარი ლოკალიზებულია და მიმდინარეობს სალიკვიდაციო სამუშაოები. ადგილზე მობილიზებულია შვიდი სახანძრო-სამაშველო ბრიგადა.

რა გახდა ხანძრის გამომწვევი მიზეზი, ამ დროისთვის უცნობია.

39
თემები:
შემთხვევები საქართველოში
საპატრულო პოლიცია

დაჭრილი მონადირე, რომელიც მაშველებს ტყიდან გამოჰყავდათ, გარდაიცვალა

89
მამაკაცმა „112“-ში თვითონ დარეკა, მაგრამ მას იმდენად ღრმა ჭრილობა ჰქონდა, რომ ის ტყიდან გამოყვანისას გარდაიცვალა. საქმეზე დაწყებულია გამოძიება

თბილისი, 25 ნოემბერი – Sputnik. დაჭრილი მონადირე, რომელსაც წალენჯიხის მუნიციპალიტეტში, დაბა ჯვარის ტყეში იარაღი გაუვარდა და თვითდაზიანება მიიყენა, ტყიდან გამოყვანისას გარდაიცვალა, იუწყება Sputnik-საქართველოს კორესპონდენტი.

გარდაცვლილის ოჯახის წევრების ინფორმაციით, უბედური შემთხვევა დილის საათებში მოხდა. დაჭრილმა „112“-ში თავად დარეკა.

სამაშველო ღონისძიება რამდენიმე საათის განმავლობაში მიმდინარეობდა, მასში მაშველთა ჯგუფები და სასაზღვრო პოლიციის ვერტმფრენი იყო ჩართული.

უამინდობის და მიუვალი რელიეფის გამო,  თვითმფრინავმა შემთხვევის ადგილზე დაჯდომა ვერ მოახერხა, რის გამოც ფეხით წასულ მაშველებს და ადგილობრივებს დაჭრილი მამაკაცი ტყიდან საკაცის საშუალებით ფეხით გამოჰყავდათ, თუმცა მონადირე  გზაში გარდაიცვალა. მას ღრმა ჭრილობა მუცლის არეში ქონდა მიყენებული.

გარდაცვლილი ქუთაისის ექსპერტიზის ბიუროშია გადასვენებული, თუმცა მანამდე გარდაცვლილის ახლობლებსა და სამართალდამცავებს შორის დაპირისპირება მოხდა. ოჯახის წევრები უარს აცხადებდნენ  გარდაცვლილი მამაკაცის ექსპერტიზაზე გადასვენებაზე.

62 წლის მამაკაცი სანადიროდ 23 ნოემბერს წავიდა.

მომხდართან დაკავშირებით დაწყებულია გამოძიება.

ნიკა ლატარია

 

89
თემები:
შემთხვევები საქართველოში
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 10:07 25.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0