საფრანგეთის პოლიცია

საქართველოს მოქალაქეს, რომელიც საფრანგეთში მღვდელს დაესხა თავს, ბრალი წაუყენეს

105
(განახლებულია 13:30 09.11.2020)
მძიმედ დაჭრილმა მღვდელმა თავად გამოთქვა ვერსია იმის შესახებ, რომ მას მისი ერთ-ერთი საყვარლის „ეჭვიანმა ქმარმა“ ესროლა.

თბილისი, 9 ნოემბერი – Sputnik. საქართველოს მოქალაქეს, რომელიც ეჭვმიტანილია ქალაქ ლიონში 52 წლის ბერძენ მღვდელზე თავდასხმაში, მკვლელობის მცდელობაში ბრალი წაუყენეს, იუწყება РИА Новости გაზეთ Parisien-ზე დაყრდნობით.

წინა შაბათს, 31 ოქტომბერს ლიონში დაჭრეს ბერძენი მართლმადიდებელი მღვდელი, ეკლესიის არქიმანდრიტი. ბოროტმოქმედი შემთხვევის ადგილიდან მიიმალა. ლიონის პროკურატურამ მკვლელობის მცდელობის მუხლით სისხლის სამართლის საქმე აღძრა.

გაზეთის წყაროს თანახმად, დამნაშავე აღმოჩნდა საქართველოს 40 წლის მოქალაქე. ის პარასკევს საკუთარ სახლში დააკავეს, ასევე დაკავებულია მისი 35 წლის ცოლი.

Parisien-ის მონაცემებით, მამაკაცმა დანაშაული აღიარა და განაცხადა, რომ მომხდარი მეუღლის ღალატს უკავშირდება: მას ეჭვი ჰქონდა, რომ მისი ცოლი მღვდლის საყვარელი იყო. ამასთან ერთად დაკავებული ამტკიცებს, რომ სასულიერო პირის მოკვლას არ აპირებდა. მან სამართალდამცველებს მიუთითა ადგილი, სადაც იარაღი გადააგდო. ახლა თავდამსხმელი სასამართლომდე საგამოძიებო იზოლატორში იმყოფება.

მამაკაცის ცოლი, რომელიც, გამოცემის ინფორმაციით, რუსული წარმომავლობისაა, შაბათ საღამოს გაათავისუფლეს, რადგან, პროკურორის განცხადებით, არაფერი მოწმობს იმის შესახებ, რომ ქალს დანაშაულში უშუალო მონაწილეობა აქვს მიღებული.

105
საქართველოს გენერალური პროკურატურა

საქართველოში დაკავებული ძებნილის ექსტრადიციის საკითხზე იმსჯელებენ

11
(განახლებულია 13:11 28.11.2020)
დამნაშავე ორგანიზებულ ჯგუფთან ერთად, ლუქსემბურგის ტერიტორიაზე ძვირადღირებული ავტომანქანების ქურდობებში იღებდა მონაწილეობას.

თბილისი, 28 ნოემბერი - Sputnik. საქართველოს გენერალური პროკურატურა ლუქსემბურგში ექსტრადიციის მიზნით, ინტერპოლითა და ევროპოლით ძებნილი უკრაინის მოქალაქის დაკავების შესახებ ინფორმაციას ავრცელებს.

უწყების ცნობით, დაკავებულს ბრალად ედება სერიული და ორგანიზებული ქურდობების ჩადენა, ასევე ფულის გათეთრება და ორგანიზებული დანაშაულებრივი ჯგუფის წევრობა.

პროკურატურის მიერ გავრცელებული ინფორმაციით, 48 წლის ბრალდებული დ.კ. 2019 წლის განმავლობაში, ორგანიზებულ ჯგუფთან ერთად, ლუქსემბურგის ტერიტორიაზე ძვირადღირებული ავტომანქანების ქურდობებში იღებდა მონაწილეობას, ხოლო შემდგომში დანაშაულებრივი გზით მიღებულ შემოსავალს სხვადასხვა გზით ათეთრებდა.

აღნიშნული დანაშაულებები 15 წლამდე თავისუფლების აღკვეთას ითვალისწინებს. დ.კ.-ს თანამონაწილეების ნაწილი ლუქსემბურგში პატიმრობაშია, ხოლო იგი ამ დროის განმავლობაში მიმალვაში იმყოფებოდა.

გავრცელებულ განცხადებაში ნათქვამია, რომ ლუქსემბურგის კომპეტენტურ ორგანოებს 40 დღიანი ვადა აქვთ, რათა საექსტრადიციო დოკუმენტები წარმოადგინონ. ამის შემდეგ საქართველოს გენერალური პროკურატურა ექსტრადიციის დასაშვებობის შუამდგომლობით თბილისის საქალაქო სასამართლოს მიმართავს. სასამართლოს მიერ ექსტრადიციის დასაშვებად ცნობის შემთხვევაში, ექსტრადიციის შესახებ საბოლოო გადაწყვეტილებას იუსტიციის მინისტრი მიიღებს.

შეგახსენებთ, 24 ნოემბერს, საქართველოს შინაგან საქმეთა სამინისტროს თანამშრომლებმა, პროკურატურასთან თანამშრომლობის შედეგად, ინტერპოლითა და ევროპოლით ძებნილი დააკავეს, რომელიც ევროპის ყველაზე სერიოზულ ძებნილთა სიაშია.

 

11
თემები:
კრიმინალი საქართველოში
გაზქურა

აჭარისა და გურიის რეგიონებს ბუნებრივი გაზის მიწოდება შეუწყდათ

43
(განახლებულია 11:37 28.11.2020)
დაზიანების აღსადგენად ადგილზე ყველა შესაბამისი სამსახურის ტექნიკური ჯგუფები მაქსიმალურად არიან მობილიზებული, აცხადებენ სამინისტროში

თბილისი, 28 ნოემბერი - Sputnik. ბუნებრივი გაზის მიწოდება შეუწყდათ აჭარისა და გურიის რეგიონებს, ინფორმაციას საქართველოს გაზის ტრანსპორტირების კომპანია ავრცელებს.

უწყების ინფორმაციით, დაზიანება „ქუთაისი-სოხუმის“ მაგისტრალური გაზსადენის ქობულეთის 500 მმ განშტოებაზე მოხდა.

ინფორმაციაში ნათქვამია, რომ დაზიანების აღსადგენად ადგილზე მობილიზებულია ტექნიკური ჯგუფები და მიმდინარეობს გადაუდებელი სამუშაოები.

სამუშაოებს საქართველოს გაზის ტრანსპორტირების კომპანია ახორციელებს.

 

43
თემები:
შემთხვევები საქართველოში