აეროპორტი

საქართველოში ნარკოტიკების შემოტანის ფაქტი აღკვეთეს

61
(განახლებულია 17:45 06.11.2020)
მებაჟეებმა ნარკოტიკული ნივთიერების შემცველი 137 გრამი მედიკამენტი აღმოიღეს – საქმის მასალები შემდგომი რეაგირების მიზნით საქართველოს შინაგან საქმეთა სამინისტროს გადაეცა.

თბილისი, 6 ნოემბერი - Sputnik. ფინანსთა სამინისტროს შემოსავლების სამსახურის თანამშრომლებმა აკრძალული ნარკოტიკული ნივთიერების შემცველი მედიკამენტების საზღვარზე უკანონოდ შემოტანის ფაქტი აღკვეთეს, ნათქვამია უწყების მიერ გავრცელებული განცხადებაში.

ინციდენტი შოთა რუსთაველის სახელობის თბილისის საერთაშორისო აეროპორტში მოხდა.

გავრცელებული ინფორმაციით, მებაჟე–ოფიცრებმა საფოსტო გზავნილის საბაჟო კონტროლის პროცედურების განხორციელებისას, ნარკოტიკული ნივთიერების შემცველი 137 გრამი მედიკამენტი აღმოაჩინეს – 217 აბი და 10 ფირფიტა.

საქმის მასალები შემდგომი რეაგირების მიზნით საქართველოს შინაგან საქმეთა სამინისტროს გადაეცა.

61
თემები:
კრიმინალი საქართველოში (1317)
სასწრაფო დახმარება

სამეგრელოში წყლით სავსე ავზში ბავშვი დაიხრჩო

70
ახლობლებმა წყალში ჩავარდნილი ბავშვი ამოიყვანეს და სასწრაფო დახმარების მანქანით კლინიკაში გადაიყვანეს, მაგრამ მისი გადარჩენა ვერ მოხერხდა.

თბილისი, 23 ივნისი - Sputnik. ხობში უბედური შემთხვევა მოხდა - ორი წლის ბავშვი ეზოში წყლით სავსე ავზში ჩავარდა, იუწყება ტელეკომპანია „რუსთავი 2“. 

ტელეარხის ცნობით, ბავშვი ეზოში თამაშობდა, წყლის ავზში სათამაშო ჩაუვარდა და როდესაც ამოღებას ცდილობდა, წყალში ჩავარდა.

ახლობლებმა ბავშვი წყლიდან ამოიყვანეს და სასწრაფო დახმარების მანქანით კლინიკაში გადაიყვანეს, მაგრამ მისი გადარჩენა ვერ მოხერხდა.

გარდაცვალების ზუსტ მიზეზს ექსპერტიზა დაადგენს.

70
მოსამართლის ჩაქუჩი

საქართველოში პედოფილს 15 წლით თავისუფლების აღკვეთა მიუსაჯეს

48
(განახლებულია 21:45 23.06.2021)
სასამართლომ გაითვალისწინა პროკურატურის მიერ წარმოდგენილი ყველა მტკიცებულება და მამაკაცი დამნაშავედ ცნო ცხრა წლის ბავშვის მიმართ გარყვნილი ქმედებების ჩადენაში.

თბილისი, 23 ივნისი - Sputnik. სასამართლომ პროკურატურის მიერ წარდგენილი მტკიცებულებების საფუძველზე, არასრულწლოვანის მიმართ ჩადენილ გარყვნილ ქმედებაში და სექსუალური ხასიათის სხვაგვარ ქმედებაში ბრალდებულს 15 წლით თავისუფლების აღკვეთა მიუსაჯა, - აღნიშნულია გენერალური პროკურატურის ვებგვერდზე განთავსებულ განცხადებაში.

სასამართლოში წარდგენილმა მტკიცებულებებმა აჩვენა, რომ 2020 წლის 17 სექტემბრიდან 9 ოქტომბრის ჩათვლით, ბრალდებული 9 წლის გოგონას მიმართ გარყვნილ ქმედებებს ახორციელებდა.

სამართალდამცველებმა ეჭვმიტანილი 2020 წლის 12 ოქტომბერს დააკავეს. მას ბრალდება წარედგინა სსკ-ის 141-ე მუხლის მე-2 ნაწილის „ვ“ ქვეპუნქტით (გარყვნილი ქმედება დამნაშავისთვის წინასწარი  შეცნობით თოთხმეტი წლის ასაკს მიუღწეველი პირის მიმართ) და 138-ე მუხლის მე-4 ნაწილის „ა“ ქვეპუნქტით (სექსუალური ხასიათის სხვაგვარი ქმედება, დაზარალებულის უმწეობის გამოყენებით, დამნაშავისთვის წინასწარი  შეცნობით თოთხმეტი წლის ასაკს მიუღწეველი პირის მიმართ) და აღკვეთის ღონისძიების სახით პატიმრობა შეეფარდა. დანაშაული 15-დან 20 წლამდე თავისუფლების აღკვეთას ითვალისწინებს.

48
ვაქცინები

„დეფიციტი აღარ იქნება“ მთავარი ეპიდემიოლოგი ვაქცინების შესახებ

0
(განახლებულია 18:05 24.06.2021)
ჯანდაცვის სამინისტროს ინფორმაციით, საქართველოში უახლოეს პერიოდში ექვსი კომპანიის ვაქცინა შემოვა.

თბილისი, 24 ივნისი – Sputnik. ივლისში ქვეყანა ვაქცინების საკმაოდ დიდ რაოდენობას მიიღებს და დეფიციტი აღარ იქნება, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

როგორც მან ხუთშაბათს გამართულ ბრიფინგზე განაცხადა, ივლისის დასაწყისიდან  საქართველო ეტაპობრივად დაიწყებს სხვადასხვა დასახელების ვაქცინების, მათ შორის  43 ათასი დოზა AstraZenecа–ს მიღებას.

„სავაჭრო ცენტრ Hualing–ში უკვე გაიხსნა პირველი დიდი ამცრელი სივრცე. ასეთივე დიდი სივრცეები გაიხსნება ყველა დიდ ქალაქში, რათა ივლისში, აგვისტოსა და სექტემბრში რაც შეიძლება მეტი ადამიანის ვაქცინაცია მოხდეს. ვადასტურებ, ძალზე მყარ ინფორმაციაზე დაყრდნობით, რომ  ვაქცინების საკმაო მარაგი შეიქმნება“, – განაცხადა გამყრელიძემ. 

მისი განმარტებით,  რამდენიმე კვირის შემდეგ საქართველო დონაციის სახით აშშ–დან ვაქცინების მნიშვნელოვან რაოდენობას მიიღებს.

„ჩვენ ვფიქრობთ და დარწმუნებული ვართ, რომ ვაქცინების დეფიციტი, ის მწარე გამოცდილება, რომელიც ქვეყანაში ბოლო 4–5 დღის განმავლობაში შეიქმნა, აღარ განმეორდება“, – განაცხადა გამყრელიძემ.

რაც შეეხება მოქალაქეებს, რომლებიც  AstraZeneca–ს მეორე დოზით ვაქცინაციაზე იყვნენ დარეგისტრირებული და  პირველი დოზის მიღებიდან 10–12 კვირა გაუვიდათ, გამყრელიძის თქმით, მათ უკვე შეუძლიათ სპეციალურ პორტალზე რეგისტრაციის გავლა. უახლოესი ორი კვირის განმავლობაში დაახლოებით 1,8 ათასი მოქალაქე შეძლებს AstraZeneca–ს მეორე დოზით აცრას.

გამყრელიძის განცხადებით, ამ ეტაპზე საქართველოს არ აქვს აღნიშნული პრეპარატით მოქალაქეების პირველი დოზით ვაქცინაციის შესაძლებლობა და მათ ამის შესახებ სმს–შეტყობინებები დაეგზავნათ.

რამდენიმე დღის წინ დაავადებათა კონტროლის ეროვნულმა ცენტრმა მოქალაქეებს ვაქცინების დეფიციტთან დაკავშირებით ბოდიში მოუხადა.

ბოლო მონაცემებით, საქართველოში კორონავირუსის საწინააღმდეგო ვაქცინა 245.380–მა ადამიანმა გაიკეთა, მათგან სრული დოზით აცრილია 88.754 პირი.

0
თემები:
კორონავირუსი საქართველოში: ბოლო ცნობები