საპატრულო პოლიცია

დმანისში საკრებულოს თავმჯდომარის დაჭრის ფაქტზე მისივე ნათესავი დააკავეს

74
(განახლებულია 19:21 04.11.2020)
ბრალდებულმა ურთიერთშელაპარაკებისას ოქრიაშვილი ცეცხლსასროლი იარაღიდან გასროლით ფეხის არეში დაჭრა. დაკავებულს 7 წლამდე პატიმრობა ემუქრება.

თბილისი, 4 ნოემბერი - Sputnik. პოლიციამ დმანისის მუნიციპალიტეტში ადგილობრივი საკრებულოს თავმჯდომარის, მერაბ ოქრიაშვილის დაჭრის ფაქტზე მისივე ნათესავი, ბონდო ოქრიაშვილი დააკავა, ნათქვამია შსს-ს მიერ გავრცელებულ განცხადებაში.

მერაბ ოქრიაშვილი „ერთიანი ნაციონალური მოძრაობიდან“ მაჟორიტარობის კანდიდატის კახა ოქრიაშვილის ნათესავია, რომელიც კენჭს დმანისში იყრიდა.

უწყების ინფორმაციით, სამართალდამცველებმა 1985 წელს დაბადებული ბონდო ოქრიაშვილი ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის უკანონო შეძენა-შენახვა-ტარების ბრალდებით დააკავეს.

პოლიციამ დანაშაულის ჩადენის იარაღი – ცეცხლსასროლი პისტოლეტი ნივთმტკიცების სახით ამოიღო.

„როგორც გამოძიებით დადგინდა, ბრალდებულმა ურთიერთშელაპარაკებისას, თავისი ნათესავი, დმანისის საკრებულოს თავმჯდომარე, 1966 წელს დაბადებული მერაბ ოქრიაშვილი ცეცხლსასროლი იარაღიდან გასროლით ფეხის არეში დაჭრა და შემთხვევის ადგილიდან მიიმალა“, - ნათქვამია განცხადებაში.

სროლა დმანისში – დაჭრილია  „ნაცმოძრაობის“ დეპუტატობის კანდიდატის ნათესავი >>

შემთხვევა 1 ნოემბერს, დმანისის მუნიციპალიტეტის სოფელ ჯავახში მოხდა.

დაჭრილი მამაკაცის ჯანმრთელობის მდგომარეობა ამ დროისთვის დამაკმაყოფილებელია და მის სიცოცხლეს საფრთხე არ ემუქრება.

შსს-მ გამოძიება ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის უკანონო შეძენა-შენახვა-ტარების ფაქტზე, საქართველოს სსკ-ის 118-ე და 236-ე მუხლებით დაიწყო, რაც 3-დან 7 წლამდე ვადით თავისუფლების აღკვეთას ითვალისწინებს.

74
თემები:
კრიმინალი საქართველოში (1204)
პოლიციის ლენტი

დიღომში შუახნის ქალის ცხედარი იპოვეს

56
შუა ხნის ქალის ცხედარი ბელიაშვილის სკვერში იპოვეს. ტელეკომპანიის ინფორმაციით, გარდაცვლილი სოციალურად დაუცველი და უსახლკარო იყო.

თბილისი, 24 ნოემბერი – Sputnik. თბილისში, ბელიაშვილის ქუჩაზე მდებარე სკვერში სოციალურად დაუცველი უსახლკარო ქალის ცხედარი იპოვეს, იუწყება ტელეკომპანია „მთავარი არხი“.

გავრცელებული ინფორმაციით, უსახლკარო სიცივისგან გაიყინა. გარდაცვლილი სკვერში რამდენიმე საათის განმავლობაში ესვენა, სანამ ადგილზე მისული პოლიცია მის ვინაობას დაადგენდა.

გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.

56
თემები:
შემთხვევები საქართველოში
ბათუმის რესპუბლიკური საავადმყოფო

ბათუმში კორონავირუსით კიდევ ერთი ექიმი გარდაიცვალა

38
(განახლებულია 17:18 24.11.2020)
აჭარის მასშტაბით პანდემიის გავრცელებიდან დღემდე ეს მედიკოსთა კორონავირუსით გარდაცვალების მეექვსე შემთხვევაა.

თბილისი, 24 ნოემბერი – Sputnik. ბათუმის რესპუბლიკური საავადმყოფოს ექიმი 55 წლის ასაკში კორონავირუსით გარდაიცვალა, იუწყება „პირველი არხი“.

55 წლის მამაკაცს ინფექცია 19 ნოემბერს დაუდასტურდა, ხოლო 20 ნოემბერს ის კლინიკაში მოათავსეს.

კლინიკის მენეჯერის გია კიკაბიძის განცხადებით, ექიმს თანხმლები დაავადებები აღენიშნებოდა.

„ის ინფიცირებულებთან არ მუშაობდა, იყო თერაპიული განყოფილების გამგე. ჰქონდა გულის თანხმლები დაავადებები, ასევე შაქრიანი დიაბეტი. რამდენიმე დღეში მისი მდგომარეობა უკიდურესად დამძიმდა და, სამწუხაროდ, გადარჩენა ვერ მოხერხდა. მინდა მივუსამძიმრო ოჯახსა და ყველა ჩვენს კოლეგას“, – განაცხადა გია კიკაბიძემ.

ეს აჭარაში მედიკოსის გარდაცვალების უკვე მეექვსე შემთხვევაა.

ბათუმის რესპუბლიკურ საავადმყოფოში 18 ნოემბერს ასევე გარდაიცვალა 62 წლის ექიმი. მას ფილტვის არტერიის სტენოზი აღენიშნებოდა.

დღევანდელი მდგომარეობით, ბათუმის რესპუბლიკურ საავადმყოფოში 206 პაციენტი მკურნალობს. აქედან 45 კოვიდ-ინფიცირებული რეანიმაციულ განყოფილებაშია მოთავსებული, ხოლო ცხრა კრიტიკულად მძიმე მდგომარეობაში, მართვით სუნთქვაზე რჩება.

აჭარაში ბოლო 24 საათში კორონავირუსით 10 პაციენტი გარდაიცვალა.

საქართველოში კორონავირუსის მეორე ტალღა მძვინვარებს. პიკი ნოემბრის მეორე ნახევარშია მოსალოდნელი. ყოველდღიურად დაახლოებით 3–4 ათასი ინფიცირების შემთხვევა ფიქსირდება.

პანდემიის დაწყებიდან ინფიცირების შემთხვევებმა 111 ათასს გადააჭარბა. გარდაიცვალა 1051 ადამიანი.

კორონავირუსის პირველი შემთხვევა საქართველოში 26 თებერვალს დაფიქსირდა.

38
თემები:
COVID-19 საქართველოში
ვალუტის გადამცვლელი პუნქტი

ლარის კურსი 25 ნოემბერს

0
(განახლებულია 08:13 25.11.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,012 ლარით გაუფასურდა.

თბილისი, 25 ნოემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3193GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,012 ლარით გაუფასურდა. 

ლარის კურსი 25 ნოემბერს
0
თემები:
ლარის კურსი დღეს