საპატრულო პოლიცია

მარნეულის რაიონში დედა-შვილის მკვლელობისთვის მამა-შვილი დააკავეს

93
(განახლებულია 16:31 04.11.2020)
ბრალდებულებმა მეზობლად მცხოვრები საშუალო ასაკის ქალი და მისი შვილი წარსულში არსებული უთანხმოების ნიადაგზე მოკლეს.

თბილისი, 4 ნოემბერი – Sputnik. შინაგან საქმეთა სამინისტროს თანამშრომლებმა მარნეულის რაიონში დედა-შვილის მკვლელობის ფაქტზე მამა-შვილი დააკავეს, ნათქვამია უწყების მიერ გავრცელებულ განცხადებაში.

დაკავებულები არიან 38 წლის მამაკაცი და მისი 16 წლის შვილი.

გამოძიებით დადგინდა, რომ ბრალდებულებმა მარნეულის მუნიციპალიტეტის სოფელ ახლოლალოში მეზობლად მცხოვრები 39 წლის დედა და მისი 23 წლის შვილი წარსულში არსებული უთანხმოების ნიადაგზე ცეცხლსასროლი იარაღებიდან გასროლით მოკლეს დედა-შვილის საცხოვრებელი სახლის ტერიტორიაზე.

პოლიციამ ორივე ბრალდებული „ცხელ კვალზე“ დააკავა.

სამართალდამცველებმა დანაშაულის ჩადენის იარაღები – სანადირო თოფები ნივთმტკიცების სახით ამოიღეს.

გამოძიება დაწყებულია სსკ-ის 109-ე მუხლის მეორე და მესამე ნაწილით, რაც დამამძიმებელ გარემოებებში ორი პირის მიმართ ჯგუფურად ჩადენილ განზრახ მკვლელობას გულისხმობს და ითვალისწინებს 16-დან 20 წლამდე ან უვადო თავისუფლების აღკვეთას.

93
თემები:
შემთხვევები საქართველოში (1964)
ჰეროინი

საქართველოში რუსეთის მოქალაქე ერთი კილოგრამი „ჰეროინით“ დააკავეს

31
(განახლებულია 13:33 30.11.2020)
იმ შემთხვევაში, თუ დაკავებულს ბრალი დაუმტკიცდება, მას 8–დან 20წლამდე ვადით თავისუფლების აღკვეთა ემუქრება

თბილისი, 30 ნოემბერი – Sputnik. შინაგან საქმეთა სამინისტროს თანამშრომლებმა გარდაბნის მუნიციპალიტეტში 47 წლის რუსეთის მოქალაქე განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით დააკავეს, ნათქვამია უწყების მიერ გავრცელებულ განცხადებაში. 

სამართალდამცველებმა ბრალდებული თბილისი-ბაკურციხე-ლაგოდეხის საავტომობილო გზაზე ავტომობილით გადაადგილების დროს გააჩერეს.

პოლიციამ დაკავებულის პირადი ჩხრეკისას „ჰეროინის“ შემცველი ერთი კილოგრამი ნარკოტიკული საშუალება ამოიღო. ასევე, ამოღებულია 8390 ლარი და 400 დოლარი.

გამოძიება დაწყებულია სსკ-ის 260-ე მუხლის მეექვსე ნაწილით, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვას გულისხმობს და ითვალისწინებს რვიდან 20 წლამდე ან უვადო თავისუფლების აღკვეთას.

 

31
თემები:
ნარკოდანაშაული საქართველოში
პოლიცია ბათუმში

ბათუმში ხმაურია: საპროტესტო აქციის ფონზე ფიტნეს-ცენტრის შენობაში პოლიცია შევიდა

80
„რეფორმერის“ ხელმძღვანელობა შრომის ინსპექციამ კარანტინისა და იზოლაციის წესების დარღვევისთვის დააჯარიმა, მაგრამ ფიტნეს-დარბაზმა ფუნქციონირება განაგრძო

თბილისი, 29 ნოემბერი – Sputnik. ბათუმში ფიტნეს-ცენტრ „რეფორმერის“ შენობაში საათზე მეტია პოლიციის თანამშრომლები საგამოძიებო მოქმედებებს ატარებენ, ეს ყველაფერი ახალი შეზღუდვების წინააღმდეგ საპროტესტო აქციის ფონზე მიმდინარეობს.

უწყებათაშორისო საკოორდინაციო საბჭოს გადაწყვეტილებით, 28 ნოემბრიდან საქართველოს ტერიტორიაზე აიკრძალა ფიტნეს-ცენტრების, სპორტული დარბაზების და აუზების ფუნქციონირება. „რეფორმერი“ არ დაემორჩილა ამ შეზღუდვას და ფუნქციონირება განაგრძო, ამის გამო ფიტნეს-ცენტრის ხელმძღვანელობა შრომის ინსპექციამ 10 ათასი ლარით დააჯარიმა. კლუბის მფლობელი გააფრთხილეს, რომ განმეორების შემთხვევაში სისხლის სამართლის საქმე აღიძვრებოდა, თუმცა ფიტნესკლუბი დღეს ისევ გაიხსნა, რის შემდეგაც სამართალდამცველებმა გამოძიება დაიწყეს.

კლუბის დასაცავად მივიდა პარტია „გირჩის“ ლიდერი ზურაბ ჯაფარიძე. მან რეფორმერის“ მფლობელთან ზეპირი შეთანხმება დადო და ფიტნეს-ცენტრი აღჭურვილობასთან ერთდ საცხოვრებელ ფართად იქირავა. შემდეგ ჯაფარიძემ მასთან „სახლში“ სტუმრად ყველა მსურველი სავარჯიშოდ დაპატიჟა.

პოლიციამ დარბაზიდან სტუმრები გაიყვანა, შემდეგ კი აღჭურვილობის აღწერა დაიწყო.

ფიტნესკლუბთან იმყოფებიან „ნაციონალური მოძრაობის“, „გირჩისა“ და სხვა პარტიების წარმომადგენლები, რომლებიც  ფიტნესკლუბის მფლობელს გიორგი ფუტკარაძეს სოლიდარობას უცხადებენ.

ადგილზე იმყოფება აჭარის პოლიციის დეპარტამენტის ხელმძღვანელი კონსტანტინე ანანიაშვილი. მისი განცხადებით, გამოძიება სისხლის სამართლის კოდექსის 248-ე მუხლით მიმდინარეობს. პოლიციაზე დაუმორჩილებლობის ბრალდებით ერთი პირი დააკავეს, თუმცა მოგვიანებით ის ხელწერილის საფუძველზე გაათავისუფლეს.

80
თემები:
COVID-19 საქართველოში
თამო ვაშალომიძე

თამო ვაშალომიძე შვილის გაჩენიდან მეორე დღეს საოცარ ფორმაშია - მოდელი ვიდეოს აქვეყნებს

0
(განახლებულია 14:59 30.11.2020)
ცნობილი ფოტომოდელი დედა 28 ნოემბერს გახდა. ნახეთ როგორ გამოიყურება ახალნამშობიარები მოდელი. არანაირი ზედმეტი კილოგრამი - ის შეუდარებელია

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა - მისი პირველი პარტნიორის ვინაობაა. მოდელმა რამდენიმე წუთის წინ ახალშობილი ვაჟის ფოტო გამოაქვეყნა და დაწერა, რომ სიტყვებით ვერ გადმოსცემს, როგორი ბედნიერია.

თამომ მოგვიანებით ვიდეო გამოაქვეყნა, სადაც არაჩვეულებრივ ფორმაშია. მოდელს საერთოდ არ ეტყობა, რომ ორი დღის წინ შვილი გააჩინა. ორსულობის ბოლო თვეებში ამბობდა, რომ 10 კილოგრამი ჰქონდა მომატებული, რომელიც როგორც ჩანს, უკვე მოიშორა.

რამდენიმე თვეა თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია, რაც ერთმანეთს ხვდებიან. ეს ერთი ნახვით შეყვარებას ჰგავს.

ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო საინტერესოა. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

0
თემები:
სელებრითების ცხოვრება