გიორგი რურუა

გლდანის ციხეში გიორგი რურუა სცემეს

197
ქართული ოპოზიციური პარტიები რურუას პოლიტპატიმრად მიიჩნევენ და მის დაუყოვნებლივ გათავისუფლებას მოითხოვენ

თბილისი, 2 ნოემბერი – Sputnik. ოპოზიციური ტელეარხ „მთავარი არხის“ თანამფლობელზე, გიორგი რურუაზე თავდასხმის ფაქტზე გამოძიება დაიწყო, იუწყება სპეციალური პენიტენციური სამსახური.

რურუა სასჯელს გლდანის მერვე დაწესებულებაში იხდის. თბილისის საქალაქო სასამართლომ ივლისში რურუა იარაღის უკანონო შენახვა-შეძენა-ტარებაში დამნაშავედ ცნო და მას 4 წლით პატიმრობა მიუსაჯა.

ინფორმაცია რურუაზე თავდასხმის შესახებ „ერთიანი ნაციონალური მოძრაობის“ წევრმა სალომე სამადაშვილმა გაავრცელა.

პენიტენციური სამსახურის ინფორმაციით, რურუა სხვა პატიმრებმა იმ დროს სცემეს, როდესაც ის ადვოკატთან პაემანზე იყო გამოყვანილი.

„2020 წლის 2 ნოემბერს, N8 პენიტენციური დაწესებულების მსჯავრდებული გიორგი რურუა, ადვოკატთან ვიზიტის მიზნით გამოყვანილი იყო საკნიდან. დაახლოებით 15:25 სთ-ზე, 1-ლი სარეჟიმო კორპუსის E-6 ფლიგელში (სადაც 24-საათიანი ელექტრონულ-ვიზუალური მეთვალყურეობა ხორციელდება) გადაადგილებისას მას სიტყვიერი და ფიზიკური შეურაცხყოფა მიაყენა ბრალდებულმა პ.ნ.-მ, რომელიც იმ დროს იმყოფებოდა იქვე მდებარე სამორიგეო ოთახში და ახორციელებდა სატელეფონო ზარს“, - ნათქვამია განცხადებაში.

როდესაც დაიწყო ჩხუბი რურუასა და სხვა მსჯავრდებულს შორის, რურუას თავს დაესხნენ სხვა მსჯავრდებულებიც, რომლებმაც მას სიტყვიერი და ფიზიკური შეურაცხყოფა მიაყენეს.

ინციდენტი პენიტენციური დაწესებულების თანამშრომლების მიერ იქნა აღკვეთილი, თუმცა ფიზიკური დაპირსპირების შედეგად გიორგი რურუას სახის არეში სისხლნაჟღენთები აღენიშნება. მორიგე ქირურგმა რურუას მაშინვე პირველადი დახმარება აღმოუჩინა.

მომხდართან დაკავშირებით დადგენილი წესით დაუყოვნებლივ გაიგზავნა შეტყობინება საგამოძიებო ორგანოში, დაიწყო გამოძიება. ამჟამად მიმდინარეობს დაკითხვის პროცედურები და კანონით დადგენილი წესით დაარქივებულია მოცემული ინციდენტის ამსახველი ვიდეომასალა, ნათქვამია განცხადებაში.

თავად რურუამ ინციდენტის შემდეგ დაუყოვნებლივ აცნობა ყველას, რომ კარგად არის.

„მეგობრებო, მხნედ და მშვიდად, წინ გამარჯვებისკენ!“ - დაწერა რურუამ თავის Facebook-გვერდზე.

ქართული ოპოზიციური პარტიები რურუას პოლიტპატიმრად მიიჩნევენ და მის გათავისუფლებას მოითხოვენ. ევროპარლამენტის და აშშ-ის კონგრესის დეპუტატების ნაწილმა გამოთქვა საკუთარი თვალსაზრისი, რომ რურუა უნდა გათავისუფლდეს.

გიორგი რურუა „ერთიანი ნაციონალური მოძრაობის“ ერთ-ერთი ყოფილი ლიდერის, საქართველოს კულტურის ყოფილი მინისტრ ნიკა რურუას ძმაა და ბევრი ოპოზიციონერის ახლო მეგობარია.

197
თემები:
კრიმინალი საქართველოში (1204)
დიღმის მასივის მესამე კვარტალში საქართველოს ბანკის ექსპრეს-ფილიალი დააყაჩაღეს

შეიარაღებულმა მამაკაცმა დიღმის მასივში ბანკიდან თანხა გაიტაცა

71
(განახლებულია 17:56 27.11.2020)
შემთხვევის ადგილზე ექსპერტ–კრიმინალისტები არიან მობილიზებული. მომხდარზე გამოძიება ყაჩაღობის მუხლით დაიწყო.

თბილისი, 27 ნოემბერი – Sputnik. დიღმის მასივში, რობაქიძის გამზირზე მდებარე „საქართველოს ბანკის“ ექსპრეს–ფილიალში შეიარაღებული მამაკაცი შეიჭრა და თანხა გაიტაცა, იუწყება ტელეკომპანია „იმედი“.

შემთხვევა დაახლოებით ერთი საათის წინ მოხდა.

თვითმხილველების განცხადებით, შეიარაღებულმა ნიღბიანმა მამაკაცმა მოლარე–ოპერატორს იარაღის მუქარით თანხა მოსთხოვა. მას შემდეგ, რაც მისი მოთხოვნა დაკმაყოფილდა, მამაკაცმა შემთხვევის ადგილიდან მიმალვა შეძლო.

გატაცებული თანხის ოდენობა ამ ეტაპზე უცნობია.

ამჟამად ადგილზე ექსპერტ–კრიმინალისტები არიან მობილიზებული.

ფაქტზე გამოძიება სსკ-ის 179-ე მუხლის მესამე ნაწილით დაიწყო, რაც "ყაჩაღობას" გულისხმობს.

71
თემები:
შემთხვევები საქართველოში
პოლიცია

ტრაგედია ქარელში: რა გახდა ახალგაზრდების გარდაცვალების მიზეზი

72
(განახლებულია 16:00 27.11.2020)
მომხდარ ფაქტზე გამოძიება გაუფრთხილებლობით სიცოცხლის მოსპობის მუხლით დაიწყო. გარდაცვლილთა ცხედრები ექსპერტიზაზეა გადასვენებული.

თბილისი, 27 ნოემბერი – Sputnik. ქარელში, რუსთაველის ქუჩაზე მდებარე ერთ-ერთ საცხოვრებელ ბინაში ორი გარდაცვლილი და ერთი უგონო მდგომარეობაში მყოფი მამაკაცი იპოვეს, იუწყება „პირველი არხი“.

სავარაუდოდ, ტრაგედიის მიზეზი ახალგაზრდების მიერ ნაქირავებ ბინაში ბუნებრივი აირის გაჟონვა გახდა.

ამჟამად უგონო მდგომარეობაში მყოფი მამაკაცი ქარელის სამედიცინო დაწესებულებაშია გადაყვანილი. ექიმების შეფასებით, მისი მდგომარეობა მძიმეა.

მომხდარ ფაქტზე გამოძიება დაწყებულია სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.

72
თემები:
შემთხვევები საქართველოში
სრულიად საქართველოს კათოლიკოს–პატრიარქი ილია მეორე

შობის მარხვაში მორწმუნეებს, საჭიროების შემთხვევაში, რძის ნაწარმის მიღების ნება მიეცემათ

0
28 ნოემბრიდან შობის მარხვა იწყება, რომელიც, საეკლესიო კალენდრის თანახმად, ორმოცდღიან პერიოდს მოიცავს და 7 იანვარს, უფლის შობის დღეს დასრულდება.

თბილისი, 27 ნოემბერი - Sputnik. ეპიდემიის მიზეზით შექმნილი ვითარების გამო სასულიერო პირებს ეძლევათ ლოცვა-კურთხევა, იკონომიის წესით, საჭიროებისამებრ, მისცენ ნება მორწმუნეთ რძის ნაწარმის გამოყენებისა და არ შეუქმნან მათ დაბრკოლება ზიარების მისაღებად, ნათქვამია საქართველოს კათოლიკოს-პატრიარქის, ილია მეორის მიმართვაში, რომელსაც საქართველოს საპატრიარქო ავრცელებს.

ილია მეორე: წმინდა გიორგის მადლი შეგეწიოთ>>

ხვალ, 28 ნოემბერს, იწყება საშობაო მარხვა, რომელიც 7 იანვრამდე გასტანს. ამ მარხვაში 25 დეკემბრის ჩათვლით დაშვებულია თევზი (ოთხშაბათის და პარასკევის გარდა).

პატრიარქი მრევლს სთხოვს, გააძლიერონ ლოცვა და, ყოველდღიური ლოცვების გარდა, დამატებით წაიკითხონ მე-3, 26-ე, 102-ე და 145-ე ფსალმუნები.

„ღმერთმა დაგლოცოთ და გაგახაროთ. მარხვა სინანულისა და შობა სიხარულისა გაგვითენოს უფალმა, ამინ!“ – აღნიშნულია პატრიარქის მიმართვაში.

ქრისტეშობის მარხვა 40 დღე გრძელდება. ის დაწესებულია იმისთვის, რათა თითოეული ადამიანი სინანულით, ლოცვით და მარხვით განიწმინდოს და შობის დღესასწაულზე მოწიწებით მიეახლოს ძე ღვთისას.

ეკლესიის ისტორიაში შობის მარხვის შესახებ ცნობები მეოთხე საუკუნიდან მოიპოვება, მაგრამ, როგორც ჩანს, მისი დაწყებისა და დასრულების თარიღი მკაცრად განსაზღვრული არ იყო. ორმოცდღიანი მარხვა 1166 წლს პატრიარქ ლუკას მოსაყდრეობის პერიოდში მოწვეულ კონსტანტინეპოლის ადგილობრივ საეკლესიო კრებაზე დადგინდა. მარხვის დასაწყისში მოძღვრები თავიანთ სულიერ შვილებს ლოცვის გაძლიერებისკენ, ზიარებისკენ, თავმდაბლობისკენ და მოთმინებისკენ მოუწოდებენ.

0