„საქართველოს ბანკის“ ფილიალში მძევლად აყვანილ პირთა ნაწილს დაზარალებულის სტატუსი მიენიჭა 

© Sputnik / STRINGERსპეცოპერაცია ზუგდიდში
სპეცოპერაცია ზუგდიდში - Sputnik საქართველო
გამოწერა
ყოფილი მძევლები საგამოძიებო უწყებაში დღეს განმეორებით არ დაკითხულან. მათ დაზარალებულის სტატუსი მიენიჭათ.

თბილისი, 24 ოქტომბერი - Sputnik. ზუგდიდში, „საქართველოს ბანკის“ ფილიალში თავდასხმისას მძევლად აყვანილ პირთა ნაწილს დაზარალებულის სტატუსი მიენიჭა, იუწყება „პირველი არხი“.

სპეცოპერაცია ზუგდიდში - Sputnik საქართველო
როგორ გამოისყიდეს ნახევარმილიონის ფასად ზუგდიდელი მძევლები - ვრცელდება ვიდეო

არსებული ინფორმაციით, სამეგრელო-ზემო სვანეთის სამხარეო პოლიციის მთავარ სამმართველოში ამ დროისთვის მოწმეების გამოკითხვა მიმდინარეობს.

უწყებაში იკითხებიან ბანკის ის თანამშრომლები, რომლებიც „საქართველოს ბანკზე“ ბანკზე მომხდარი თავდასხმისას მძარცველმა მძევლად აიყვანა.

საგამოძიებო უწყება უკვე დატოვა რამდენიმე მოწმემ. მათი ინფორმაციით, საგამოძიებო უწყებაში დღეს განმეორებით არ დაკითხულან და მათ დაზარალებულის სტატუსი მიენიჭათ.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 40-ზე მეტი ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

სპეცოპერაცია ზუგდიდში - Sputnik საქართველო
„სრული ცილისწამებაა“: დავით ხვიბლიანი მასმედიასთან კომენტარს აკეთებს

მძევლების გათავისუფლების ოპერაცია შვიდ საათზე მეტხანს გაგრძელდა, რთული და ხანგრძლივი მოლაპარაკებების შედეგად მძევლების გათავისუფლება მოხდა, მათ სამეგრელო–ზემო სვანეთის პოლიციის დეპარტამენტის დირექტორი ავთანდილ გალდავა ჩაენაცვლა. ფულის მიღების შემდეგ თავდამსხმელმა ავთანდილ გალდავასთან და სამ მძევალთან ერთად დატოვა ბანკის შენობა. ამ დროისთვის ყველა მძევალი გათავისუფლებულია, ბოროტმოქმედზე კი ძებნაა გამოცხადებული.

ზუგდიდში მომხდარ ფაქტზე გამოძიება საქართველოს სსკ-ის 179-ე, 236-ე და 144-ე მუხლებით მიმდინარეობს.

ყველა ახალი ამბავი
0