მესტიის ტყეში ხანძარია

© Emergency Management Serviceხანძარი სვანეთის ტყეში
ხანძარი სვანეთის ტყეში - Sputnik საქართველო
გამოწერა
სვანეთში ერთ კერაზე გაჩენილი ხანძარი ლოკალიზებულია, ხოლო მეორე კერაზე მეხანძრე-მაშველები ისევ ებრძვიან ცეცხლს

თბილისი, 18 ოქტომბერი – Sputnik. შინაგან საქმეთა სამინისტროს საგანგებო სიტუაციების მეხანძრე მაშველები სვანეთში ორ კერაზე ხანძარს ებრძვიან, ნათქვამია უწყების მიერ გავრცელებულ განცხადებაში.

მესტიის მუნიციპალიტეტის სოფელი ლატალის მიმდებარე წიწვოვან ტყეში ხანძარს 3 სახანძრო-სამაშველო ჯგუფი ებრძვის.

„112"-ში შემოვიდა ინფორმაცია, რომ მესტიის მუნიციპალიტეტის სოფელი ლატალის მიმდებარე წიწვოვან ტყეში ხანძარი გაჩნდა. საგანგებო სიტუაციების მართვის სამსახურმა შეტყობინებაზე დაუყოვნებლივ მოახდინა რეაგირება. ადგილზე გამოცხადდა სამი სახანძრო-სამაშველო ჯგუფი“, - ნათქვამია განცხადებაში.

რთული რელიეფის მიუხედავად, ხანძრის კერებთან სახანძრო ტექნიკის მიყვანა მოხერხდა და დაიწყო ქრობის სამუშაოები.

ასევე, სვანეთში, სოფელ დიზის მიმდებარედ გაჩენილი ხანძარი ამ დროისთვის ლოკალიზებულია და გრძელდება სალიკვიდაციო სამუშაოები. ადგილზე ხანძრის ღია კერები აღარ შეინიშნება და ცეცხლის გავრცელების საფრთხე არ არსებობს.

ყველა ახალი ამბავი
0