მამუკა ხაზარაძე და „ლელოს წევრები

ქობულეთში ბაზრის ადმინისტრაცია და პარტია „ლელოს“ აქტივისტები ერთმანეთს დაუპირისპირდნენ

75
(განახლებულია 20:09 12.10.2020)
„ლელოს“ წარმომადგენლების განცხადებით, ბაზრის ადმინისტრაცია მათ აქტივისტებს საარჩევნო კამპანიის წარმოებაში ხელს უშლის. ბაზრის მფლობელის თქმით კი, „ლელოს“ წარმომადგენლებს ბაზრის ტერიტორიაზე იმიტომ არ უშვებს, რომ პარტიის დამფუძნებლისგან დაზარალდა.

თბილისი, 12 ოქტომბერი – Sputnik. ქობულეთის აგრარული ბაზრის შესასვლელში პოლიტიკური პარტიის „ლელო საქართველოსთვის“ აქტივისტებსა და ბაზრის ადმინისტრაციის თანამშრომლებს შორის სიტყვიერი და ფიზიკური დაპირისპირება მოხდა, იუწყება „პირველი არხი“.

ბაზრის ადმინისტრაციასა და პარტიის აქტივისტებს შორის დაპირისპირება მას შემდეგ დაიწყო, რაც „ლელოს“ წევრები აგრარულ ბაზართან მათ აქტივისტებსა და ადმინისტრაციას შორის გუშინ მომხდარი ინცინდენტის გასაპროტესტებლად მივიდნენ.

პარტიის წარმომადგნლების განცხადებით, გუშინ ბაზრის ადმინისტრაციის წარმომადგენლებმა „ლელოს“ ორ აქტივისტს სიტყვიერი შეურაცხყოფა მიაყენეს და ბაზრის ტერიტორიიდან გააძევეს. დღეს კი აგრარულ ბაზართან ამ ფაქტის გასაპროტესტებლად მისულ „ლელოს“ წევრებს ბაზრის ტერიტორიაზე შესვლის საშუალება არ მისცეს.

„ლელოს“ წარმომადგენლების განცხადებით, ბაზრის ადმინისტრაცია მათ აქტივისტებს სააგიტაციო მასალის დარიგებასა და საარჩევნო კამპანიის წარმოებაში ხელს უშლის. 

„ეს არის „ქართული ოცნების“ მორჩილი ადმინისტრაცია, მათ ეშინიათ ჩვენი კანდიდატების, ეშინიათ ფურცლების და არ გვაძლევენ საშუალებას ეს დავანაწილოთ“, – განაცხადა „ლელოს“ წარმომადგენელმა ირაკლი კუპრაძემ.

ბაზრის მფლობელი კი აცხადებს, რომ კერძო საკუთრების ტერიტორიაზე „ლელოს“ წარმომადგენლებს არ შეუშვებს, რადგან ბაზარი სწორედ პარტიის დამფუძნებლისგან დაზარალდა.

„ეს კერძო საკუთრებაა და საარჩევნო აგიტაციის საშუალებას „ლელოს“ პარტიის წარმომადგენლებს არ მივცემთ, რადგან წლების წინ სწორედ ხაზარაძისგან და „თიბისი ბანკისგან“ დავზარალდით. მე „ქართულ ოცნებას“ ვუჭერ მხარს, თქვენ ხართ ხაზარაძის მონები“, – განაცხადა ბაზრის მფლობელმა ალექსანდრე რომანაძემ.

ოპოზიციური პარტია „ლელო საქართველოსთვის“ გასული წლის შემოდგომაზე გამოჩნდა, თუმცა დღეისათვის, გამოკითხვების მიხედვით, უკვე დაწინაურებული პარტიების ხუთეულშია და ამ ველზე ზოგიერთი ძველი პოლიტმოთამაშე გვერდზე გასწია.

პარტიის შექმნის იდეა ორ მსხვილ ბანკირს – მამუკა ხაზარაძეს და ბადრი ჯაფარიძეს ეკუთვნის. 90-იან წლებში მათ დააარსეს ქვეყნის ერთ-ერთი ყველაზე მსხვილი კომერციული ბანკი საქართველოში „თიბისი ბანკი“.

75
თემები:
საქართველოს საპარლამენტო არჩევნები 2020 (258)
საპატრულო პოლიცია ქარელში

ქარელში „ქართული ოცნების“ საკრებულოს დეპუტატი 63 წლის მამაკაცმა დააყაჩაღა

28
ბოროტმოქმედი საავტომობილო გზაზე ყაჩაღურად თავს დაესხა 37 წლის ზურაბ ახმედოვს და ძალადობის გამოყენებით მას კუთვნილი ავტომობილი წაართვა

თბილისი, 22 ოქტომბერი – Sputnik. ქარელის მუნიციპალიტეტის საკრებულოს „ქართული ოცნების“ დეპუტატზე ზურაბ ახმედოვზე თავდასხმა განხორციელდა. პოლიციამ ჯგუფურად ჩადენილი ყაჩაღობის ბრალდებით ერთი პირი დააკავა, ნათქვამია შინაგან საქმეთა სამინისტროს მიერ გავრცელებულ ინფორმაციაში.

გამოძიებით დადგინდა, რომ ბრალდებული, თანამზრახველებთან ერთად, ქარელის მუნიციპალიტეტის სოფელ ლეთეთის მიმდებარე ტერიტორიაზე გამავალ საავტომობილო გზაზე ყაჩაღურად თავს დაესხა 37 წლის ზურაბ ახმედოვს და „ბასრი იარაღის გამოყენებით, სიცოცხლისა და ჯანმრთელობისათვის საშიში ძალადობით, ყაჩაღურად გასტაცა“ კუთვნილი Toyota Land Cruiser-is მარკის ავტომობილი, ნათქვამია უწყების განცხადებაში.

სამართალდამცველებმა გატაცებული ავტომობილი ხაშურის მუნიციპალიტეტის სოფელ ოსიაურის მიმდებარე ტერიტორიაზე იპოვეს. ხოლო წარსულში მრავალჯერ, მათ შორის ყაჩაღობისთვის, ქურდობისა და ქურდული სამყაროს წევრობისთვის ნასამართლევი 63 წლის მამაკაცი კი საკრებულოს დეპუტატის დაყაჩაღებისთვის ცხელ კვალზე, ქარელში დააკავეს.

სროლა „ქართული ოცნების“ ოფისთან: არიან დაჭრილები >>

მედიაში გავრცელებული ინფორმაციით, შემთხვევა ორი დღის წინ მოხდა.

გამოძიება საქართველოს სსკ-ის 179-ე მუხლის მე-2 ნაწილის „ბ“ და „გ“ ქვეპუნქტებით მიმდინარეობს, რაც სატრანსპორტო საშუალების წინააღმდეგ ჯგუფურად ჩადენილ ყაჩაღობას გულისხმობს.

ბრალის დამტკიცების შემთხვევაში დაკავებულს 6-დან 9 წლამდე პატიმრობა ემუქრება.

28
თემები:
კრიმინალი საქართველოში
სპეცოპერაცია ზუგდიდში

ვახტანგ გომელაური - თანამზრახველების მიმართულებით გამოძიება მუშაობს

89
(განახლებულია 22:08 22.10.2020)
ტელეკომპანია „მთავარი არხის“ დირექტორის ნიკა გვარამიას განცხადებით, „საქართველოს ბანკზე“ თავდამსხმელები სამნი იყვნენ - აქედან ორნი - „ფეიკ მძევალი“ და მათ ნახევარი მილიონის ნაცვლად თან 4 მილიონი დოლარი წაიღეს

თბილისი, 22 ოქტომბერი - Sputnik. ზუგდიდში „საქართველოს ბანკში“ შეჭრილი შეიარაღებული პირის შესაძლო თანამზრახველებთან დაკავშირებით ბევრი ვერსია ვრცელდება და გამოძიება ყველა მიმართულებით მუშაობს, განაცხადა საქართველოს შინაგან საქმეთა მინისტრმა ვახტანგ გომელაურმა. 

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 40-ზე მეტი ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა. 

„ძალიან ბევრი ვერსია გავრცელდა, თუმცა, რა თქმა უნდა, ამას ვერ დავადასტურებ. ვმუშაობთ ყველა მიმართულებით, შეიძლება, 43 ადამიანში ათი იყო მისი თანამზრახველი, ვერავინ იტყვის, იყო თუ არა. გამოძიება მიმდინარეობს, არ შეიძლება წინასწარ ადამიანების დააბრალო რაღაც, რაც არ იცი მტკიცებულებით ფორმაში. აქედან გამომდინარე, ამაზე კომენტარს ვერ გავაკეთებ“, – განაცხადა ვახტანგ გომელაურმა.

ტელეკომპანია „მთავარი არხის“ გენერალური დირექტორი ნიკა გვარამიას მიერ გავრცელებული ინფორმაციით, თავდამსხმელები სამნი იყვნენ - აქედან ორნი - „ფეიკ მძევალი“ და მათ ნახევარი მილიონის ნაცვლად თან 4 მილიონი დოლარი წაიღეს სინამდვილეში.

მისივე თქმით, „ფეიკ მძევლებს“ შორის ერთ-ერთი დავით ხვიბლიანი იყო. ის ტელეკომპანიების მიერ გადაღებულ კადრებშიც ჩანს.

„დავით ხვიბლიანი იყო მძევალი, ერთ-ერთი მძევალი 43 ადამიანში. გამოძიების დეტალებზე ვერ ვისაუბრებ“, – განაცხადა ვახტანგ გომელაურმა.

გვარამიამ 21 ოქტომბერს სოციალურ ქსელში დაწერა, რომ სპეცოპერაციასთან დაკავშირებით ყველაფერი იცოდნენ, თუმცა ჯერჯერობით არ ასაჯაროებდნენ დეტალებს გამოძიების ინტერესებიდან გამომდინარე.

„500 ათას დოლარს ითხოვს“ – ტელევიზიის პირდაპირ ეთერში ბანკში აყვანილი მძევალი ჩაერთო >>

მძევლების გათავისუფლების ოპერაცია შვიდ საათზე მეტხანს გაგრძელდა, რთული და ხანგრძლივი მოლაპარაკებების შედეგად მძევლების გათავისუფლება მოხდა, მათ სამეგრელო–ზემო სვანეთის პოლიციის დეპარტამენტის დირექტორი ავთანდილ გალდავა ჩაენაცვლა. ფულის მიღების შემდეგ თავდამსხმელმა ავთანდილ გალდავასთან და სამ მძევალთან ერთად დატოვა ბანკის შენობა. ამ დროისთვის ყველა მძევალი გათავისუფლებულია, ბოროტმოქმედზე კი ძებნაა გამოცხადებული.

ზუგდიდში მომხდარ ფაქტზე გამოძიება საქართველოს სსკ-ის 179-ე, 236-ე და 144-ე მუხლებით მიმდინარეობს.

 

89
თემები:
ზუგდიდში შეიარაღებულმა პირმა მძევლები აიყვანა
ჰალერბოსის ტყე

23 ოქტომბერს დაბადებულები ზოდიაქო, დახასიათება, რჩევები

0
(განახლებულია 09:50 22.10.2020)
გაეცანით 23 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

Знаки Зодиака - Скорпион
© Sputnik / Maria Tsimintia
მორიელი – ზოდიაქოს ნიშანი

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

23 ოქტომბერს დაბადებულები

23 ოქტომბერს ძალზე მიმზიდველი ადამიანები იბადებიან. ისინი ადვილად იპყრობენ გარშემომყოფთა ყურადღებას. აქვთ უნიკალური უნარი, მალევე მოიპოვონ ავტორიტეტი. არიან ჭკვიანი, მიმზიდველი, ქარიზმატული, თავდაჯერებული და ძალიან ძლიერი პიროვნებები. გარშემომყოფები ხშირად ფიქრობენ, რომ არ დღეს დაბადებულებს შეცდომის დაშვება არ შეუძლიათ.

ამ ადამიანებს აქვთ გამჭრიახი გონება, იუმორის გრძნობა. არიან ენერგიული, საქმიანი, რაც ნებისმიერ საქმეში წარმატებების მიღწევაში ეხმარება. ისინი გულმოდგინედ სწავლობენ და სამუშაოს დიდი პასუხისმგებლობით ეკიდებიან; ისახავენ მიზნებს და ამ მიზნებისკენ თავდაჯერებულად მიისწრაფვიან.

ზოდიაქოს სამი ნიშანი – სამი ნამდვილი „ოტელო“>>

23 ოქტომბერს დაბადებულებს სასწორის ნიშნის გავლენაც აქვთ. ეს, უპირველესად, წინააღმდეგობრივ ხასიათში ვლინდება. არიან არაორდინარული ადამიანები. ისინი არავის ტოვებენ გულგრილს - მათ აღმერთებენ, სძულთ, ეშინიათ, პატივს სცემენ. ამ დღეს დაბადებულებს უყვართ სამართლიანობა და სიმართლისთვის ბრძოლისთვის მუდამ მზად არიან.

23 ოქტომბერს დაბადებულები არიან ძლიერი, თავდაჯერებული პიროვნებები, პრაქტიკულად, არასდროს აგებენ. თუ შემთხვევით წააგეს, ამას განიხილავენ, როგორც მიზნისკენ მიმავალ გზაზე შეცვლილ საფეხურს.

წინააღმდეგობრივი ნატურები პროფესიულ საქმიანობაში საოცრად სტაბილური არიან. არ არიან მიდრეკილი განწყობების ხშირი ცვლისკენ, ერთგულად ემსახურებიან თავიანთ იდეალებს; საქმის წარმატებისთვის ყველაფერზე მზად არიან. მათი ნდობა თავისუფლად შეიძლება.

23 ოქტომბერს დაბადებულები სრულყოფისკენ ისწრაფვიან, რასაც აკეთებენ, ცდილობენ, იდეალური შედეგი აჩვენონ. მათი საქმისადმი პროფესიული დამოკიდებულება შეუმჩნეველი არ რჩება უფროსობის მხრიდან.

ჯანმრთელობა

23 ოქტომბერს დაბადებულებში მაღალია უბედური შემთხვევების რისკი, აქედან გამომდინარე - ტრავმების მიღების ალბათობა. ფსიქოლოგიური თვალსაზრისით საშიშროებას წარმოადგენს დათრგუნული აგრესია. მათ უნდა მოძებნონ ენერგიის უსაფრთხო გამოსავალი. ამაში მათ სპორტი დაეხმარება, მაგრამ არა - ექსტრემალური სახეობები.

რჩევა:

აგრესიის დათრგუნვა, ემოციების შეკავება ფსიქოლოგიურ პრობლემებს იწვევს. მოძებნეთ შესაძლებლობა, რომ უარყოფითი ენერგია გარეთ გამოდევნოთ ისე, რომ არც თქვენ ავნოთ საკუთარ თავს და არც სხვებს ავნოთ რაიმე.

0