მცხეთის რაიონული სასამართლოს ეზო

შაქარაშვილის საქმეში თავისუფლების უკანონო აღკვეთის ეპიზოდს ნაფიცი მსაჯულები განიხილავენ

66
(განახლებულია 14:28 09.10.2020)
შაქარაშვილის საქმეზე სულ 17 პირია დაკავებული. აქედან ხუთს მკვლელობა ედება ბრალად, ხოლო დანარჩენებს – ჯგუფური ძალადობა.

თბილისი, 9 ოქტომბერი – Sputnik. გიორგი შაქარაშვილის საქმეზე ბრალდებული 11 სრულწლოვანი პირის სასამართლო პროცესი დღეს განახლდება, პროცესზე მოსამართლე მხარეებს საქმის ნაფიცი მსაჯულებისთვის გადაცემას შესთავაზებს, იუწყება Rustavi 2. 

შაქარაშვილის საქმეს სასამართლო სამ ნაწილად იხილავს: მკვლელობამდე ჩხუბის ეპიზოდები არასრულწლოვნების მონაწილეობით, ჩხუბის ეპიზოდები სრულწლოვნების მონაწილეობით და უშუალოდ მკვლელობის ფაქტი. შაქარაშვილის საქმეზე სულ 17 პირია დაკავებული. აქედან ხუთს მკვლელობა ედება ბრალად, ხოლო დანარჩენებს – ჯგუფური ძალადობა. პროცესების ნაწილი დახურულ რეჟიმში იმართება, რადგან დაკავებულებს შორის არასრულწლოვნებიც არიან.

იმ სამი ეპიზოდიდან, რომელსაც გიორგი შაქარაშვილის საქმეზე სასამართლო განიხილავს, დღევანდელი განხილვა ერთადერთია, რომელიც მასმედიისთვის საჯაროა. 11 სრულწლოვან პირს ბრალად ედება ძალადობა.

გავრცელებული ინფორმაციით, ნაფიცი მსაჯულები  გიორგი შაქარაშვილის საქმეში თავისუფლების უკანონო აღკვეთის ეპიზოდს განიხილავენ. 

ნაფიცი მსაჯულების არჩევის პროცესს გიორგი შაქარაშვილის ოჯახის ადვოკატი აფასებს. მირიან ნიკოლაძის თქმით, ნაფიც მსაჯულთა შერჩევა არის დროის გაწელვა და სასამართლოს დაყენება გარკვეული პრობლემების წინაშე.

„ოჯახი მიიჩნევს, რომ ვისაც ბრალი ედება განზრახ მკვლელობაში, სწორედ ისინი არიან ამ დანაშაულის ჩამდენი. ვფიქრობ, ნაფიც მსაჯულთა ამორჩევა – ეს არის დროის გაწელვა და სასამართლოს დაყენება გარკვეული პრობლემების წინაშე იმ თვალსაზრისით, რომ საპატიმრო ვადები ამოიწუროს", – განაცხადა მირიან ნიკოლაძემ. 

მცხეთის რაიონულ სასამართლოში შაქარაშვილის მკვლელობის საქმის არსებითი განხილვა გუშინ დაიწყო – მხარეები სასამართლოს წინაშე შესავალი სიტყვით წარდგნენ. 

საქმის პროკურორის დავით ყაზარაშვილის თქმით, შესავალ სიტყვაში ყურადღება გამახვილდა იმ მტკიცებულებებზე, რომლებიც იძლევა იმის თქმის საფუძველს, რომ მკვლელობაში ბრალდებულმა ხუთივე პირმა დანაშაული ჩაიდინა.

მკვლელობის ეპიზოდზე შემდეგი სხდომა 15 ოქტომბერს არის ჩანიშნული.

19 წლის ფეხბურთელის გიორგი შაქარაშვილის ცხედარი ოთხდღიანი ძებნის შემდეგ 22 ივნისს მდინარე არაგვში იპოვეს. ექსპერტიზამ დაადგინა, რომ ის წყალში დაიხრჩო, თუმცა ცხედარზე სიცოცხლეში მიყენებული უამრავი დაზიანება იყო. გამოძიების ვერსიით, ბრალდებულებმა შაქარაშვილი ჯერ სცემეს, შემდეგ კი მდინარეში გადააგდეს.

ამ შემთხვევას წინ უსწრებდა ჩხუბის ორი ეპიზოდი – ერთი მცხეთაში და მეორე თბილისი–მცხეთის გზაზე.

66
თემები:
19 წლის გიორგი შაქარაშვილის მკვლელობის საქმე (79)
პრეზიდენტი სალომე ზურაბიშვილი

პრეზიდენტმა გორთან მომხდარი ტრაგედიის დროს დაღუპულთა ოჯახებს მიუსამძიმრა

41
(განახლებულია 14:16 30.10.2020)
საგზაო სატრანსპორტო შემთხვევის შედეგად  გარდაიცვალა მიკროავტობუსის ექვსი მგზავრი, სხვებმა კი სხვადასხვა ხარისხის სხეულის დაზიანება მიიღეს.

თბილისი, 30 ოქტომბერი – Sputnik. საქართველოს პრეზიდენტმა სალომე ზურაბიშვილმა გორთან მომხდარი ტრაგედიის გამო მწუხარება გამოთქვა.

გორთან მომხდარ ავარიასთან დაკავშირებით პოლიციამ თურქეთის მოქალაქე დააკავა>>

სალომე ზურაბიშვილმა ავტოსაგზაო შემთხვევის დროს დაღუპულთა ოჯახებს სამძიმარი გამოუცხადა და დაშავებულებს სწრაფი გამოჯანმრთელება უსურვა.

„მწუხარებას გამოვთქვამ გორთან მომხდარი ტრაგედიის გამო. ვუსამძიმრებ გარდაცვლილთა ოჯახებსა და ახლობლებს, დაზარალებულებს კი სწრაფად გამოჯანმრთელებას  ვუსურვებ“, – წერს ზურაბიშვილი თავის Facebook–გვერდზე.

2020 წლის 30 ოქტომბერს თბილისი-სენაკი-ლესელიძის საავტომობილო გზის 77-ე კილომეტრზე დასავლეთის მიმართულებით თურქული სანომრე ნიშნებით მოძრავი სატვირთო ავტომანქანა „დაფი“ სამგზავრო მიკროავტობუსს შეეჯახა.

საგზაო სატრანსპორტო შემთხვევის შედეგად ადგილზე გარდაიცვალა მიკროავტობუსის ხუთი მგზავრი, ხოლო 11-მა ადამიანმა სხვადასხვა ხარისხის სხეულის დაზიანება მიიღო.

მოგვიანებით კი ავტობანზე მომხდარი ავარიის დროს დაშავებული კიდევ ერთი, მეექვსე ადამიანი გარდაიცვალა.

გორთან მომხდარ ავტოსაგზაო შემთხვევასთან დაკავშირებით პოლიციამ თურქეთის რესპუბლიკის მოქალაქე, 1958 წელს დაბადებული მ.ს. დააკავა.

გორთან ავტოავარიას მეექვსე ადამიანიც ემსხვერპლა>>

მომხდარ ფაქტზე გამოძიება სატრანსპორტო საშუალების მართვის უსაფრთხოების ან ექსპლუატაციის წესების დარღვევის მუხლით მიმდინარეობს, რომელსაც ორი ან მეტი ადამიანის დაღუპვა მოჰყვა. დანაშაული 6-დან 10 წლამდე ვადით თავისუფლების აღკვეთას ითვალისწინებს.

41
თემები:
შემთხვევები საქართველოში
საპატრულო პოლიცია

გორთან მომხდარ ავარიასთან დაკავშირებით პოლიციამ თურქეთის მოქალაქე დააკავა

30
(განახლებულია 13:41 30.10.2020)
ავტოავარიის შედეგად ადგილზე გარდაიცვალა მიკროავტობუსის ხუთი მგზავრი, მოგვიანებით კი დაშავებული კიდევ ერთი, მეექვსე ადამიანი გარდაიცვალა

თბილისი, 30 ოქტომბერი - Sputnik. გორთან მომხდარ ავტოსაგზაო შემთხვევასთან დაკავშირებით პოლიციამ თურქეთის რესპუბლიკის მოქალაქე, 1958 წელს დაბადებული მ.ს. დააკავა, ნათქვამია შინაგან საქმეთა სამინისტროს მიერ გავრცელებულ განცხადებაში.

პრემიერი გახარია გორთან ავტოავარიისას დაღუპულთა ოჯახებს უსამძიმრებს>>

2020 წლის 30 ოქტომბერს თბილისი-სენაკი-ლესელიძის საავტომობილო გზის 77-ე კილომეტრზე დასავლეთის მიმართულებით თურქული სანომრე ნიშნებით მოძრავი სატვირთო ავტომანქანა „დაფი“ სამგზავრო მიკროავტობუსს შეეჯახა.

საგზაო სატრანსპორტო შემთხვევის შედეგად ადგილზე გარდაიცვალა მიკროავტობუსის ხუთი მგზავრი, ხოლო 11-მა ადამიანმა სხვადასხვა ხარისხის სხეულის დაზიანება მიიღო.

მოგვიანებით კი ავტობანზე მომხდარი ავარიის დროს დაშავებული კიდევ ერთი, მეექვსე ადამიანი გარდაიცვალა.

პაციენტი უმძიმესი დაზიანებებით კლინიკა „გორმედის“ რეანიმაციულ განყოფილებაში იყო მოთავსებული. ასევე კლინიკაში გადაყვანილი დაშავებულებიდან რამდენიმეს მდგომარეობა მძიმეა.

უწყების ცნობით, მომხდარ ფაქტზე გამოძიება სატრანსპორტო საშუალების მართვის უსაფრთხოების ან ექსპლუატაციის წესების დარღვევის მუხლით მიმდინარეობს, რომელსაც ორი ან მეტი ადამიანის დაღუპვა მოჰყვა. დანაშაული 6-დან 10 წლამდე ვადით თავისუფლების აღკვეთას ითვალისწინებს.

30
თემები:
შემთხვევები საქართველოში
ოპოზიციის აქცია

ვის წინააღმდეგ ვმეგობრობთ? ოპოზიციური პარტიების ლიდერებმა მემორანდუმი გააფორმეს

0
(განახლებულია 16:21 30.10.2020)
დოკუმენტზე ხელმოწერით ოპოზიციამ თავის თავზე აიღო ვალდებულება, არ შევიდეს კოალიციაში და არ ითანამშრომლოს „ქართულ ოცნებასთან“

თბილისი, 30 ოქტომბერი – Sputnik. რიგი ოპოზიციური პარტიების წარმომადგენლებმა ხელი მოაწერეს მემორანდუმს, რომლითაც აიღეს ვალდებულება, რომ არ ითანამშრომლონ და არ შევიდნენ კოალიციაში მმართველ პარტია „ქართულ ოცნებასთან“.

მემორანდუმს „ლეიბორისტული პარტიის“ ოფისში ხელი მოაწერეს „ევროპული საქართველოს“, გირჩის, „ერთიანი საქართველო – დემოკრატიული მოძრაობის“, სტრატეგია აღმაშენებლის“, „რესპუბლიკური პარტიისა“ და და სხვა პოლიტიკური ძალების ლიდერებმა.

როგორც „ევროპული საქართველოს“ წევრმა ლევან თარხნიშვილმა ჟურნალისტებს განუცხადა, შეკრებილი პარტიები არ შევლენ „ქართულ ოცნებასთან“ კოალიციაში და „ოცნება“ მარტო დარჩება. მეორე გზავნილია ის, რომ ოპოზიციურ პარტიებს შორის არსებული უთანხმოებების მიუხედავად, ისინი შეძლებენ ისაუბრონ ფუნდამენტურ საკითხებზე არჩევნების შემდეგ, როდესაც ბიძინა ივანიშვილისა და „ქართული ოცნების“ მმართველობა დასრულდება.

 „სტრატეგია აღმაშენებლის“ ლიდერის გიორგი ვაშაძის განცხადებით, ამ ღონისძიებას სიმბოლური დატვირთვა აქვს, რადგან, მისი აზრით, ძნელი წარმოსადგენია, რომ ზემოთ ჩამოთვლილი პარტიებიდან რომელიმე კოალიციურ კავშირში შევიდეს „ქართულ ოცნებასთან“.

არჩევნები 2020: ოპოზიციურმა კანდიდატებმა თბილისში საინტერესო შეთანხმება დადეს>>

„ლეიბორისტულმა პარტიამ“ თავისი ოფისი არჩევნების წინ ოპოზიციური პარტიების ლიდერებს შესახვედრად არაერთხელ დაუთმო.

საპარლამენტო არჩევნები 31 ოქტომბერს ჩატარდება. მასში მონაწილეობს 48 პარტია და ორი ბლოკი.

0
თემები:
საქართველოს საპარლამენტო არჩევნები 2020