თბილისის საქალაქო სასამართლო

ქართულ-აზერბაიჯანული საზღვრის დემარკაციის საქმე: კომისიის წევრებს პატიმრობა შეეფარდათ

59
(განახლებულია 13:40 09.10.2020)
დემარკაციის კომისიის ორივე დაკავებული წევრი ბრალს არ აღიარებს და ბრალმდებლებს დილეტანტებს უწოდებს.

თბილისი, 8 ოქტომბერი - Sputnik. საქართველოს ტერიტორიის უცხო სახელმწიფოსთვის გადაცემაში ბრალდებულებს - ივერი მელაშვილსა და ნატალია ილიჩოვას პატიმრობა შეეფარდათ.

თბილისის საქალაქო სასამართლომ აღკვეთის ღონისძიების სახით პატიმრობა შეარჩია პროკურატურის შუამდგომლობის საფუძველზე, რომელიც ხელმძღვანელობდა ბრალის სიმძიმით და ასევე იმით, რომ ბრალდებულებს ქვეყნის დატოვება შეეძლოთ.

პირველი არხის ინფორმაციით, სასამართლო დაძაბულ გარემოში მიმდინარეობდა, ბრალდებულები თავის ბრალს არ აღიარებენ.

„არსად გაქცევას და მიმალვას არ ვაპირებ, ვერც გაქცეული და ვერც სადმე მყოფი მე ამისთანა ბრალდებები ვერ მცვლის... ვერც ციხე ვერ გამტეხს, მაგრამ ამ ბრალდებას მე ვერ შევეგუები, ჩემს უკან ოჯახია, წინაპრები და ის, რომ ქართველი ვარ“,- განაცხადა მელაშვილმა.

მან თავის ბრალმდებლებს დილეტანტები უწოდა და აღნიშნა, რომ მუშაობის დროს დანაშაული არ ჩაუდენია.

არ ეთანხმება ბრალდებას არც ნატალია ილიჩევა, რომელმაც განაცხადა, რომ მასთან ნაპოვნი რუკა თარიღდება არა 1938, არამედ 1936 წლით და მისი გამოყენება არ შეიძლებოდა, რადგან საქართველოს თავისი ტერიტორიები შეეძლო დაეკარგა.

„ჩვენთვის ძალიან უცხოა ბრალდება, რაც წაგვიყენეს“, - განაცხადა ილიჩევამ.

პროკურატურა კი ამტკიცებს, რომ ქართულ-აზერბაიჯანული საზღვრის დემარკაცია-დელიმიტაციის კომისიისთვის რუკების შედგენისას ბრალდებულებმა არ გამოიყენეს 1938 წლის რუკა და გამოიყენეს არასწორად შედგენილი 1970 წლის რუკა, რის შედეგად საქართველოს შეეძლო დაეკარგა 3,5 ჰექტარი ტერიტორია კომისიის მიერ შეთანხმებულ 13 მონაკვეთზე, მათ შორის დავით-გარეჯის სამონასტრო კომპლექსის ტერიტორიის ნაწილი.

59
თემები:
საქართველო–აზერბაიჯანის საზღვრის დემარკაციის საქმე (24)
ავტობუსები თბილისში

თბილისში ერთ-ერთ ავტობუსში მგზავრი გარდაიცვალა

231
ასაკოვანი ქალი ავტობუსში მგზავრობისას შეუძლოდ გახდა, ადგილზე გამოძახებულმა სასწრაფო სამედიცინო დახმარებამ მისი გადარჩენა ვერ მოახერხა

თბილისი, 28 ოქტომბერი - Sputnik. თბილისში, #28 ავტობუსში მგზავრობისას ქალი გარდაიცვალა, აცნობეს Sputnik -საქართველოს თბილისის სატრანსპორტო კომპანიაში.

შემთხვევა დღეს საღამოს დაახლოებით 20:30 საათზე გრანელის ქუჩაზე მოხდა.

„ასაკოვანი ქალი 28 ნომერ ავტობუსში მგზავრობისას შეუძლოდ გახდა, გამოიძახეს სასწრაფო სამედიცინო დახმარება, მაგრამ  სამწუხაროდ მისი გადარჩენა ვერ მოხერხდა“, - აღნიშნეს კომპანიაში.

მგზავრის გარდაცვალების მიზეზი ჯერჯერობით უცნობია.

231
თემები:
შემთხვევები საქართველოში
პოლიციის ლენტი

კახეთში ავარიაში 44 წლის ქალი დაიღუპა

70
(განახლებულია 21:46 28.10.2020)
თვითმხილველთა ინფორმაციით, მაღალი სიჩქარით მოძრავ მსუბუქ ავტომობილს საბურავი გაუსკდა და რამდენჯერმე ამოტრიალდა.

თბილისი, 28 ოქტომბერი - Sputnik. ერთი ადამიანი დაიღუპა და ორი დაშავდა თელავის მუნიციპალიტეტის სოფელ ნაფარეულში მომხდარი ავტოსაგზაო შემთხვევის შედეგად, იუწყება „პირველი არხი“.

თვითმხილველთა ინფორმაციით, მსუბუქი ავტომობილი მაღალი სიჩქარით მოძრაობდა, მანქანას საბურავი გაუსკდა და რამდენჯერმე ამოტრიალდა.

ადგილზე გარდაიცვალა ავტომობილში მყოფი 44 წლის ქალი. ორი მგზავრი კი დაშავდა.

დაშავებულები სასწრაფო დახმარების ჯგუფმა თელავის რეფერალურ საავადმყოფოში გადაიყვანა.

შემთხვევის ადგილზე მობილიზებულია პოლიცია. მიმდინარეობს საგამოძიებო მოქმედებები.

70
თემები:
შემთხვევები საქართველოში
ევროკომისია

ევროკომისია მინიმალური ხელფასის დადგენას მოითხოვს: დირექტივა გაცემულია

0
(განახლებულია 11:07 29.10.2020)
მინიმალური ანაზღაურება ევროკავშირის წევრ 21 სახელმწიფოშია დადგენილი, ხოლო ექვსში მინიმალური ხელფასის დონე კომპანიებთან შეთანხმებების საფუძველზე განისაზღვრება

თბილისი, 29 ოქტომბერი — Sputnik. ევროკავშირის ქვეყნების მოსახლეობა დაცული უნდა იყოს ადეკვატური მინიმალური ანაზღაურებით, რაც მათ ღირსეული ცხოვრების შესაძლებლობას მისცემს, სადაც უნდა იყვნენ ისინი დასაქმებულები, ნათქვამია ევროკომისიის მიერ შეთავაზებულ დირექტივაში, რომელიც მის საიტზე ქვეყნდება.

ბრიუსელში მიჩნიათ, რომ მინიმალური ხელფასის ადეკვატურ დონეზე დადგენა არა მარტო დადებით სოციალურ ზემოქმედებას ახდენს, არამედ დიდი ეკონომიკური სარგებელიც მოაქვს, ვინაიდან ამცირებს სახელფასო უთანაბრობას, აძლიერებს მუშაობის სტიმულს და ხელს უწყობს შიდა მოთხოვნილების ზრდას.

გარდა ამისა, ადეკვატური მინიმალური ანაზღაურება ასევე შეამცირებს სხვაობას ქალებისა და მამაკაცების ხელფასებს შორის, ვინაიდან ქალების მინიმალური ანაზღაურება უფრო მაღალია, ვიდრე მამაკაცებისა.

ამასთან ევროკომისიაში აცხადებენ, რომ მათი წინადადება დაიცავს დამსაქმებლებსაც, ვინაიდან თანამშრომლებისთვის ღირსეული ხელფასის გადახდას ისინი პატიოსანი კონკურენციის საფუძველზე შეძლებენ.

როგორც ცნობილია, მინიმალური ანაზღაურება ევროკავშირის წევრ 21 სახელმწიფოშია დადგენილი, ხოლო ექვსში (დანიაში, იტალიაში, კვიპროსზე, ავსტრიაში, ფინეთსა და შვედეთში) მინიმალური ანაზღაურება კომპანიებთან შეთანხმებების საფუძველზე განისაზღვრება. მიუხედავად ამისა, როგორც ევროკომისიაში ამბობენ, ევროკავშირის წევრი ქვეყნების უმრავლესობაში დასაქმებულების ხელფასები საკმარისად არ შეესაბამება მინიმალური ანაზღაურების მოთხოვნებს.

აღსანიშნავია, რომ ევროკომისიის დირექტივა არ ავალდებულებს სახელმწიფოებს, კანონმდებლობით დაადგინონ მინიმალური ანაზღაურების დონე და ამასთან არ მოითხოვს, რომ ევროკავშირის ყველა ქვეყანას მინიმალური ანაზღაურების ერთნაირი დონე ჰქონდეს.

0
თემები:
მსოფლიო დღეს