Здание главной прокуратуры Грузии

საზღვრის უკანონო დემარკაციის საქმეში ბრალდებულები ბრალს არ აღიარებენ

66
(განახლებულია 12:13 09.10.2020)
სასამართლოს მათთვის აღკვეთის ზომა ჯერ არ შეუფარდებია, მაგრამ ივერი მელაშვილმა უკვე განაცხადა, რომ გირაოთი გათავისუფლებას არ მოითხოვს, ხოლო ნატალია ილიჩოვა თავისუფლებაში დარჩენას შეეცდება

თბილისი, 8 ოქტომბერი – Sputnik. საქართველო–აზერბაიჯანის საზღვრის დემარკაციის კომისიის ყოფილი წევრები ივერი მელაშვილი და ნატალია ილიჩოვა, რომლებსაც დღეს ბრალი ოფიციალურად წაუყენეს ქართული ტერიტორიის უცხო სახელმწიფოსთვის გადაცემაში, ბრალს არ აღიარებენ. ამის შესახებ ჟურნალისტებს მათმა ადვოკატებმა განუცხადეს.

ილიჩოვას ადვოკატის სულხან კომახიძის განცხადებით, მისი დაცვის ქვეშ მყოფი სასამართლოს გირაოთი გათავისუფლებას სთხოვს.

„ბრალი ედება ქალბატონ ნატალიას საქართველოს ინტერესების საწინააღმდეგო მოქმედებაში, თუმცა ის ამ ბრალეულობას არ აღიარებს და ბუნებრივიცაა, ვერ აღიარებდა იმას, რაც არ ჩაუდენია, დაკავებულია მოსამართლის განჩინებით. იმედია, სასამართლო როდესაც იმსჯელებს აღკვეთის ღონისძიების საკითხზე, მიიღებს სწორ და სამართლიან გადაწყვეტილებას და მას პატიმრობას არ შეუფარდებს. ქალბატონი ნატალია ისევე, როგორც ჩვენ, არის საქართველოს მოქალაქე და მის ინტერესშიც შედის საქართველოს საზღვარი იყოს ისეთი, როგორიც გვინდა რომ იყოს, მაგრამ ადამიანმა რომ რუკის წაკითხვა იცოდეს სწორად და სწორი ინფორმაცია მიაწოდოს კომისიას, ამის გამო ის პატიმრობაში არ უნდა იმყოფებოდეს“, – განაცხადა კომახიძემ.

ადვოკატმა თავი შეიკავა პასუხის გაცემისგან ჟურნალისტის კითხვაზე, ხედავს თუ არა მისი დაცვის ქვეშ მყოფი ამ საქმეში პოლიტიკურ სარჩულს.

საპატრიარქო: გარკვეული ძალები ცდილობენ ეკლესიის პოზიციას პოლიტიკური სარჩული დაუდონ>>

რაც შეეხება ივერი მელაშვილს, ადვოკატ ედუარდ მარიკაშვილის თქმით, მისი დაცვის ქვეშ მყოფი არ ითხოვს გირაოს და აცხადებს, რომ „ბოლომდე იბრძოლებს“.

„ივერი მელაშვილის პოზიციაა, რომ ის არ აპირებს არანაირი ალტერნატივის შეთავაზებას, მათ შორის გირაოსი. ის თვლის, რომ ეს არის მისი ბრძოლა და არანაირი დათმობა მხოლოდ იმიტომ, რომ გარეთ იყოს, არ იქნება. ბატონი ივერის პოზიცია არის, რომ ბრალდება არის იმდენად აბსურდული და არის ისეთ პერიოდში წამოწეული, აშკარად აჩენს, რომ ეს არის პოლიტიკური პროცესი და მსხვერპლშეწირვა პატიოსანი ადამიანების, რომლებიც უფასოდ, 20 წლის განმავლობაში წერტილ-წერტილ ზომავდნენ აზერბაიჯანთან კონკრეტულ საზღვრებს და ცდილობდნენ, რომ ქვეყნისთვის რაღაც კარგი გაეკეთებინათ, ესეთ ხალხს სწირავენ“, – განაცხადა ადვოკატმა.

საქართველოს პროკურატურამ საქართველო–აზერბაიჯანის საზღვრის დემარკაციის პროცესში უცხოეთის სახელმწიფოსთვის საქართველოს ტერიტორიის ნაწილის გადაცემის საქმეზე ივერი მელაშვილი და ნატალია ილიჩოვა გუშინ დააკავა.  

დაკავებული ივერი მელაშვილი საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსია, ხოლო ნატალია ილიჩოვა – საქართველოს შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი. ორივე მათგანი, როგორც ექსპერტები, 2007 წლამდე იყვნენ დელიმიტაცია–დემარკაციის კომისიის წევრები და რუკების ალბომებს ადგენდნენ.

მათ ბრალად ედება ქართული ტერიტორიის უცხო სახელმწიფოსთვის გადაცემა საქართველო–აზერბაიჯანის საზღვრის დემარკაციის პროცესის დროს. ბრალის დამტკიცების შემთხვევაში ოლიჩოვასა და მელაშვილს 10–დან 15 წლამდე პატიმრობა ელოდება.

66
თემები:
საქართველო–აზერბაიჯანის საზღვრის დემარკაციის საქმე (24)
ავტობუსები თბილისში

თბილისში ერთ-ერთ ავტობუსში მგზავრი გარდაიცვალა

229
ასაკოვანი ქალი ავტობუსში მგზავრობისას შეუძლოდ გახდა, ადგილზე გამოძახებულმა სასწრაფო სამედიცინო დახმარებამ მისი გადარჩენა ვერ მოახერხა

თბილისი, 28 ოქტომბერი - Sputnik. თბილისში, #28 ავტობუსში მგზავრობისას ქალი გარდაიცვალა, აცნობეს Sputnik -საქართველოს თბილისის სატრანსპორტო კომპანიაში.

შემთხვევა დღეს საღამოს დაახლოებით 20:30 საათზე გრანელის ქუჩაზე მოხდა.

„ასაკოვანი ქალი 28 ნომერ ავტობუსში მგზავრობისას შეუძლოდ გახდა, გამოიძახეს სასწრაფო სამედიცინო დახმარება, მაგრამ  სამწუხაროდ მისი გადარჩენა ვერ მოხერხდა“, - აღნიშნეს კომპანიაში.

მგზავრის გარდაცვალების მიზეზი ჯერჯერობით უცნობია.

229
თემები:
შემთხვევები საქართველოში
პოლიციის ლენტი

კახეთში ავარიაში 44 წლის ქალი დაიღუპა

70
(განახლებულია 21:46 28.10.2020)
თვითმხილველთა ინფორმაციით, მაღალი სიჩქარით მოძრავ მსუბუქ ავტომობილს საბურავი გაუსკდა და რამდენჯერმე ამოტრიალდა.

თბილისი, 28 ოქტომბერი - Sputnik. ერთი ადამიანი დაიღუპა და ორი დაშავდა თელავის მუნიციპალიტეტის სოფელ ნაფარეულში მომხდარი ავტოსაგზაო შემთხვევის შედეგად, იუწყება „პირველი არხი“.

თვითმხილველთა ინფორმაციით, მსუბუქი ავტომობილი მაღალი სიჩქარით მოძრაობდა, მანქანას საბურავი გაუსკდა და რამდენჯერმე ამოტრიალდა.

ადგილზე გარდაიცვალა ავტომობილში მყოფი 44 წლის ქალი. ორი მგზავრი კი დაშავდა.

დაშავებულები სასწრაფო დახმარების ჯგუფმა თელავის რეფერალურ საავადმყოფოში გადაიყვანა.

შემთხვევის ადგილზე მობილიზებულია პოლიცია. მიმდინარეობს საგამოძიებო მოქმედებები.

70
თემები:
შემთხვევები საქართველოში
ჯანდაცვის სამინისტრო

საქართველოში Covid-19-ის მართვაში ცენტრალური ონლაინ-კლინიკა ერთვება

0
(განახლებულია 11:03 29.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია.

თბილისი, 29 ოქტომბერი - Sputnik. საქართველოს ჯანდაცვის სამინისტროს ბაზაზე ცენტრალური ონლაინ–კლინიკა ამოქმედდება, რომელიც Covid-19-ის შემთხვევების მართვასა და მეთვალყურეობას, ასევე პროცესის მონიტორინგისა და მართვის ხარისხის კონტროლს განახორციელებს – ცვლილებები „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილებაში შევიდა. 

როგორც დოკუმენტშია აღნიშნული, ონლაინ–კლინიკა დაკომპლექტდება ოჯახის ექიმებით, უმცროსი მედპერსონალით და ასევე სამედიცინო უნივერსიტეტების უფროსკურსელებით. ისინი შესაბამის ტრენინგს გაივლიან.

აღნიშნული დადგენილებით ასევე განისაზღვრა COVID-19-ის მართვაში სადაზღვევო კომპანიების მონაწილეობა. ყველა სადაზღვევო კომპანია აღნიშნულ პროექტში ორშაბათიდან ჩაერთვება.

კერძოდ, სადაზღვევო კომპანიებს მოეთხოვებათ, დაზღვეულ პირებს  მიაწოდონ კორონავირუსის  შემთხვევების მართვისა და მეთვალყურეობის პროცესში ჩართული სამედიცინო პერსონალის საკონტაქტო ინფორმაცია, რაც მოქალაქეებს საშუალებას მისცემს წინასწარ გაიგონ,  კორონავირუსთან დაკავშირებულ საკითხებში რომელი ექიმი გაუწევთ კონსულტაციას. აღნიშნული სერვისის მიწოდება არ ითვალისწინებს თანაგადახდას ბენეფიციართა მხრიდან.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია.

ამ დროისათვის სულ გამოჯანმრთელდა 16904 ადამიანი, გარდაიცვალა – 273, კარანტინის რეჟიმშია 3324, სტაციონარებში ექიმების დაკვირვების ქვეშ 4209 პაციენტია, ხოლო კოვიდ–სასტუმროებში 2346 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში