პოლიცია

თემქაზე, სავარაუდოდ, ბუნებრივი აირის ნამწვით ორი ადამიანი დაიღუპა

80
(განახლებულია 19:18 03.10.2020)
კომპანია „თბილისი ენერჯის“ ინფორმაციით, სპეციალისტებმა ბინაში  კუსტარულად დამონტაჟებული გაზის დანადგარი აღმოაჩინეს, რამაც, სავარაუდოდ, ბუნებრივი აირით ინტოქსიკაცია გამოიწვია.

თბილისი, 3 ოქტომბერი - Sputnik. თემქაზე, სავარაუდოდ, ბუნებრივი აირის ნამწვით ორი ადამიანი დაიღუპა, იუწყება პირველი არხი.

გავრცელებული ინფორმაციით, გარდაცვლილები ერთი ოჯახის წევრები არიან. მათი ცხედრები მეზობლებმა ცოტა ხნის წინ აღმოაჩინეს.

კომპანია „თბილისი ენერჯის“ ინფორმაციით, სპეციალისტებმა ბინაში  კუსტარულად დამონტაჟებული გაზის დანადგარი აღმოაჩინეს, რამაც, სავარაუდოდ, ბუნებრივი აირით ინტოქსიკაცია გამოიწვია.

ადგილზე  ექსპერტ-კრიმინალისტები მუშაობენ. მომხდარის შესახებ დამატებითი დეტალები ამ დროისთვის უცნობია.

შსს-ს განცხადებით, მომხდარზე გამოძიება საქართველოს სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს. 

გაზის მოწყობილობების უსაფრთხო გამოყენების საკითხი საქართველოში ძალიან აქტუალურია. საცხოვრებელ სახლებში უკვე მრავალი წელია, აღარ არსებობს ცენტრალური გათბობის სისტემა და მოსახლეობა სხვადასხვა ელექტრო- თუ გაზის, ხშირად კუსტარულ, მოწყობილობებს იყენებს.

„თბილისი ენერჯი“ და სხვა გაზგამანაწილებელი კომპანიები მოსახლეობას აფრთხილებენ, რომ კუსტარულად და თვითნებურად დამონტაჟებული გაზის დანადგარები, განსაკუთრებით, ღია წვის კამერით, სიცოცხლისთვის საშიშია. კომპანია აღნიშნავს ასევე, რომ ქარის დროს მხუთავი აირის (CO) დაგროვების საშიშროება იმატებს.

 

80
თემები:
შემთხვევები საქართველოში (1867)
სპეცოპერაცია ზუგდიდში

ზუგდიდში თავდამსხმელმა მძევლად აყვანილი კიდევ ორი პირი გაათავისუფლა

20
ამ დროისთვის შემთხვევის ადგილზე მობილიზებული არიან სამართალდამცველები მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. ზუგდიდში „საქართველოს ბანკზე“ თავდამსხმელმა კიდევ ორი მძევალი გაათავისუფლა.

ამ დროისთვის ზუგდიდში იმყოფება შინაგან საქმეთა მინისტრი ვახტანგ გომელაური, რომელიც უშუალოდ არის ჩართული საპოლიციო მოქმედებებში.

მანამდე თავდამსხმელმა ეტაპობრივად ხუთი მძევალი გაათავისუფლა, მათ შორის ორსული ქალი.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

20
თემები:
კრიმინალი საქართველოში
სპეცოპერაცია ზუგდიდში

ზუგდიდში „საქართველოს ბანკზე“ თავდამსხმელმა ერთი მძევალი გაათავისუფლა

46
ამ დროისთვის შემთხვევის ადგილზე მობილიზებული არიან სამართალდამცველები მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. ზუგდიდში „საქართველოს ბანკზე“ თავდამსხმელმა ერთ-ერთი მძევალი გაათავისუფლა.

გავრცელებული ინფორმაციით, 55 წლამდე ქალმა ბანკის შენობა ცოტა ხნის წინ, პოლიციის თანხლებით დატოვა. დანარჩენი 18 მძევლის გასათავისუფლებლად კი პოლიცია მუშაობას აგრძელებს.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

46
თემები:
კრიმინალი საქართველოში