მეწყერი ხელვაჩაურში

აჭარაში მეწყრის გამო დაკარგული ორი პირის ძებნა გრძელდება, პროცესში მეხანძრეები ჩაერთნენ

55
(განახლებულია 14:56 03.10.2020)
სტიქიამ აჭარაში უკვე ოთხი ადამიანის სიცოცხლე შეიწირა. ამჟამად მაშველები ორი ადამიანის, მათ შორის ერთი მოზარდის ცხედარს ეძებენ

თბილისი, 2 ოქტომბერი – Sputnik. ხელვაჩაურის რაიონში მაშველები განაგრძობენ ორი ადამიანის ძებნას, რომლებიც 1 ოქტომბერს ღამით მეწყერმა მოიყოლა, განაცხადა აჭარის პოლიციის უფროსმა კოტე ანანიაშვილმა ჟურნალისტებთან.

მეწყერმა, რომელიც აჭარაში ძლიერმა წვიმამ გამოიწვია, სახლი ჩაიტანა, რომელშიც სამი ადამიანი იმყოფებოდა, და ასევე ორი ავტომობილი, რომელშიც ორი ადამიანი იყო. მაშველებმა ოთხი დაღუპულის პოვნა მოახერხეს.

მაშველები ამჟამად ეძებენ 14 წლის მოზარდს, რომელიც დედ–მამასთან ერთად მეწყერში მოყოლილ სახლში იმყოფებოდა, და 67 წლის მამაკაცს, რომლის ავტომობილიც მეწყერმა მდინარეში ჩაიტანა. ავტომობილი იპოვეს, მაგრამ მძღოლი – ვერ.

ანანიაშვილის განცხადებით, სამაშველო ჯგუფები მუშაობდნენ მთელი ღამის განმავლობაში და ახლაც განაგრძობენ მუშაობას.

პირველი არხის ინფორმაციით, საძიებო სამუშაოებში მეხანძრეები ჩაერთვნენ. ძებნა წყლის ჭავლით მიმდინარეობს ფერდობის იმ ნაწილზე, საიდანაც მიწის მასა თითქმის გაიტანეს.

როგორც მაშველები აცხადებენ, ფერდობის წყლით ჩამორეცხვა ამ ეტაპზე სამძებრო სამუშაოებისთვის ყველაზე ეფექტური მეთოდია.

აჭარაში მომხდარმა საშინელმა მეწყერმა მსხვერპლი გამოიწვია - ვიდეო შემთხვევის ადგილიდან>>

120 მეხანძრე-მაშველი და მძიმე ტექნიკა დაახლოებით 40 ათას ტონა მეწყრულ მასაში მოყოლილ მოქალაქეების საძიებო სამუშაოებს 24-საათიან, უწყვეტ რეჟიმში განაგრძობენ.  

ადგილზე დამატებით მობილიზებული არიან სახელმწიფო უსაფრთხოების სამსახურის და თავდაცვის სამინისტროს გამნაღმველები, აჭარაში სპეციალური აღჭურვილობით ჩავიდნენ დამხმარე ძალები სამეგრელოდან, იმერეთიდან, თბილისიდან.

55
თემები:
შემთხვევები საქართველოში (1867)
სპეცოპერაცია ზუგდიდში

ზუგდიდში „საქართველოს ბანკზე“ თავდამსხმელმა ერთი მძევალი გაათავისუფლა

13
ამ დროისთვის შემთხვევის ადგილზე მობილიზებული არიან სამართალდამცველები მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. ზუგდიდში „საქართველოს ბანკზე“ თავდამსხმელმა ერთ-ერთი მძევალი გაათავისუფლა.

გავრცელებული ინფორმაციით, 55 წლამდე ქალმა ბანკის შენობა ცოტა ხნის წინ, პოლიციის თანხლებით დატოვა. დანარჩენი 18 მძევლის გასათავისუფლებლად კი პოლიცია მუშაობას აგრძელებს.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

13
თემები:
კრიმინალი საქართველოში
ირაკლი კობახიძე

სპეცოპერაცია ზუგდიდში: კობახიძემ მედიასაშუალებები გააკრიტიკა

15
ამ დროისთვის შემთხვევის ადგილზე მობილიზებული არიან სამართალდამცველები, მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. საგანგაშოა კონკრეტული მედიასაშუალებების მიერ განხორციელებული ქმედებები, რომელთა ნაწილი სისხლის სამართლის დანაშაულის ნიშნებსაც კი შეიცავს, განაცხადა პარტია „ქართული ოცნება - დემოკრატიული საქართველოს“ აღმასრულებელმა მდივანმა, ირაკლი კობახიძემ მედიასაშუალებების მიერ ზუგდიდში მიმდინარე მოვლენების შეფასებისას.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. გავრცელებული ინფორმაციით, შეიარაღებულ პირს მძევლად 19 ადამიანი – ბანკის თანამშრომლები და კლიენტები ჰყავს აყვანილი.

კობახიძის განცხადებით,  გამაოგნებელია, როდესაც მედასაშუალების წარმომადგენელი პირდაპირ ეთერში აწარმოებს მოლაპარაკებებს დანაშაულის ჩამდენ პირთან.

„ამ ვითარებაში თითოეული ჩვენგანის მთავარი სურვილი მძევლების რაც შეიძლება სწრაფად და უვნებლად გათავისუფლებაა. მთავარია, სამართალდამცავ ორგანოებს მიეცეთ საკუთარი პასუხისმგებლობით მოქმედების შესაძლებლობა. განსაკუთრებული პასუხისმგებლობა მართებთ პოლიტიკოსებსა და ჟურნალისტებს, რათა მათმა მოქმედებებმა ხელი არ შეუშალოს დანაშაულის აღკვეთასა და მძევლების გათავისუფლებას“, -განაცხადა კობახიძემ.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს და სამართალდამცველებს მოთხოვნების შესასრულებლად ორ საათს აძლევს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

15
თემები:
კრიმინალი საქართველოში