ოჯახში ძალადობა

ჩოხატაურში შვილზე ძალადობის ბრალდებით მამაკაცი დააკავეს

131
(განახლებულია 13:14 26.09.2020)
ოჯახური ძალადობა დღემდე ერთ-ერთი ყველაზე გავრცელებული სისხლის სამართლის დანაშაულია საქართველოში. საგამოძიებო ორგანოებმა ნახევარ წელიწადში ამ მხრივ 2,6 ათასი სისხლის სამართლის საქმე აღძრეს.

თბილისი, 26 სექტემბერი – Sputnik. გურიაში შვილზე ძალადობის ბრალდებით 46 წლის მამაკაცი დააკავეს, ნათქვამია შსს-ს მიერ გავრცელებულ განცხადებაში.

გამოძიებით დადგინდა, რომ ჩოხატაურის მუნიციპალიტეტის სოფელ იანეულში მცხოვრებმა მამაკაცმა არასრულწლოვანი შვილის თანდასწრებით ფიზიკურად იძალადა 21 წლის მეორე შვილზე.

გამოძიება დაწყებულია სსკ-ის 126-ე პრიმა მუხლის მეორე ნაწილით, რაც ერთიდან სამ წლამდე ვადით თავისუფლების აღკვეთას ითვალისწინებს.

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. საგამოძიებო ორგანოებმა ნახევარ წელიწადში ამ მხრივ 2,6 ათასი სისხლის სამართლის საქმე აღძრეს. ამასთან, ამავე პერიოდში ოჯახური ძალადობის შედეგად დაიღუპა 11 ადამიანი, დაიჭრა – 12.

 ოჯახური ძალადობა საქართველოს სისხლის სამართლის კოდექსში ცალკე მუხლად 2014 წელს გამოიყო. ამა თუ იმ საქმის განხილვისას ის დამამძიმებელი გარემოებაა. კანონმდებლობის გამკაცრება ხელისუფლებამ ოჯახური კონფლიქტების ნიადაგზე მკვლელობების ტალღის შემდეგ გადაწყვიტა. 2014 წელს ოჯახური ძალადობის მსხვერპლი 14 ადამიანი გახდა.

131
თემები:
კრიმინალი საქართველოში (1169)
პოლიცია

ქობულეთში ინკასატორი დააყაჩაღეს

34
(განახლებულია 14:41 22.10.2020)
გუშინ შეიარაღებული თავდასხმა მოხდა ზუგდიდში მდებარე „საქართველოს ბანკის“ ერთ–ერთ ფილიალზე.  შეიარაღებულმა პირმა 40–ზე მეტი ადამიანი მძევლად აიყვანა.

თბილისი, 22 ოქტომბერი – Sputnik. ქობულეთის მუნიციპალიტეტში აღმაშენებლის ქუჩაზე მდებარე „საქართველოს ბანკის“ ფილიალში ინკასაციის სამსახურის თანამშრომელზე თავდასხმა მოხდა. 

ადგილობრივი მცხოვრებლების თქმით, ახალგაზრდა მამაკაცი, რომელიც ბანკის შესასვლელთან რიგში იდგა, ინკასაციის სამსახურის წარმომადგენელს ბანკში შეჰყვა, თავს დაესხა, ფულით სავსე ჩანთა ხელიდან გამოსტაცა და შემთხვევის ადგილიდან მიიმალა.

ჯერჯერობით უცნობია, წაღებული თანხის კონკრეტული ოდენობა.

ამ დროისთვის მიმდებარე ტერიტორია სფეციალური ლენტითაა შემოსაზღვრული და მიმდინარეობს საგამოძიებო ღონისძიებები.

თავდასხმის ფაქტს არ ადასტურებს „საქართველოს ბანკი“. მათი განცხადებით, დაყაჩაღებული ინკასატორი მათი ბანკის თანამშრომელი არ არის.

„ეს არ არის „საქართველოს ბანკის“  კუთვნილი ინკასაციის მანქანა. როგორც ჩვენთვის ცნობილია, მანქანა ეკუთვნის  კომპანია DDG-ს“,  - განუცხადეს „Sputnik საქართველოს“ ბანკის საზოგადოებასთან ურთიერთობის სამსახურში.

კომპანია DDG-ს მიერ გავრცელებული ინფორმაციით, თავდასხმა მათ კუთვნილ მანქანაზე მოხდა და თავდახმის შედეგად არავინ დაშავებულა.

გუშინ შეიარაღებული თავდასხმა მოხდა ზუგდიდში მდებარე „საქართველოს ბანკის“ ერთ–ერთ ფილიალზე.  შეიარაღებულმა პირმა 40–ზე მეტი ადამიანი მძევლაად აიყვანა.  ბოროტმოქმედი  ხელისუფლებისგან ნახევარ მილიონ დოლარს, ვერტმფრენს ან მანქანას, ასევე მისი უსაფრთხოების გარანტიებს ითხოვდა. მოთხოვნების შეუსრულებლობის შემთხვევაში კი დამნაშავე მძევლების დახოცვით იმუქრებოდა.

მძევლების გათავისუფლების სპეცოპერაცია შვიდ საათზე მეტხანს გაგრძელდა. ხანგრძლივი მოლაპარაკების შემდეგ, რომელშიც ქვეყნის შს მინისტრი ვახტანგ გომელაური მონაწილეობდა, სამართალდამცავი ორგანოების თანამშრომლებმა დამნაშავეს ფული გადასცეს. შედეგად დამნაშავემ სამი მძევლისა და ერთი პოლიციელის თანხლებით გვიან ღამით ბანკის შენობა დატოვა. ამჟამად ყველა მძევალი გათავისუფლებულია, თავდამსხმელი კი იძებნება.

34
თემები:
შემთხვევები საქართველოში
პოლიცია შემთხვევის ადგილზე

მარტყოფში არასრულწლოვანმა ახალგაზრდა მამაკაცი მოკლა

43
მკვლელობაში ეჭვმიტანილი პირი სამართალდამცავებმა უკვე დააკავეს. მკვლელობის მოტივი ამ დროისთვის უცნობია

თბილისი, 22 ოქტომბერი – Sputnik. გარდაბნის მუნიციპალიტეტის სოფელ მარტყოფში ფიზიკურ დაპირისპირებას ახალგაზრდა მამაკაცის სიცოცხლე ემსხვერპლა, იუწყება შსს–ს პრეს–სამსახური.

არსებული ინფორმაციით, 2001 წელს დაბადებულ მამაკაცს ცივი იარაღით სასიკვდილო ჭრილობა არასრულწლოვანმა, 16 წლის თანასოფლელმა მიაყენა. დაჭრილი საავადმყოფოში მიყვანისთანავე გარდაიცვალა.

მკვლელობის მოტივი ამ დროისთვის უცნობია. მასმედიაში გავრცელებული ინფორმაციით, დაპირისპირებულებს კამათი ადრეც მოსვლიათ.

პოლიციამ ბრალდებული ცხელ კვალზე დააკავა.

გამოძიება დაწყებულია სსკ-ის 108-ე მუხლით, რაც განზრახ მკვლელობას გულისხმობს და ითვალისწინებს შვიდიდან 15 წლამდე ვადით პატიმრობას.

43
თემები:
შემთხვევები საქართველოში
გიორგი გახარია

გახარია: თუ მოქალაქეების 90% ატარებს პირბადეს, ინფიცირების გავრცელება შემცირდება

26
(განახლებულია 14:53 22.10.2020)
საქართველოში კორონავირუსით დაავადებულთა რაოდენობა ბოლო დღე-ღამეში რეკორდულად გაიზარდა და საერთო რიცხვმა 22803-ს მიაღწია

თბილისი, 22 ოქტომბერი - Sputnik. ყველას უნდა გვესმოდეს, რომ ვირუსთან ადაპტაციისა და მართვის ეტაპი, რომელზეც ჩვენ დღეს ვიმყოფებით, თითოეული ჩვენგანისგან მეტ პასუხისმგებლობას მოითხოვს, განაცხადა საქართველოს პრემიერ-მინისტრმა გიორგი გახარიამ მთავრობის სხდომის დაწყებამდე. 

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო დღეებში ყოველდღიური მაჩვენებელი ათასს გადასცდა.

მთავრობის მეთაურის განცხადებით,  საქართველოში კორონავირუსის შემთხვევების მნიშვნელოვანი ზრდა ფიქსირდება და ამიტომ, ყველა მოქალაქემ უნდა გამოიჩინოს მეტი პასუხისმგებლობა, დაიცვას რეკომენდაციები, რომელთა შორის უმთავრესია პირბადე, სოციალური დისტანცია და ჰიგიენური წესების შესრულება.

„დღესაც გვქონდა ჩვენ საუბარი ეპიდემიოლოგებთან. იმ შემთხვევაში, თუ ჩვენი მოქალაქეების 90 % ატარებს პირბადეს, ინფიცირების გავრცელება 70%-ით შემცირდება. კიდევ ერთხელ გავიმეორებ, ამ ეტაპზე გლობალური პანდემიის წინააღმდეგ  ბრძოლაში უფრო ეფექტური ინსტრუმენტი არაფერია ვიდრე პირბადე, სოციალური დისტანცია და ჰიგიენური წესების დაცვა“, - განაცხადა გახარიამ.

როგორც პრემიერმა აღნიშნა, რეკომენდაციების შეუსრულებლობის შემთხვევაში, ვირუსის გავრცელების ზრდა იქნება სწრაფი და დიდ ზიანს მიაყენებს როგორც  ქვეყნის ეკონომიკას, ისე მოქალაქეებს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად – 1595-ით გაიზარდა და საერთო რიცხვმა 22803-ს მიაღწია, ამ დროისათვის სულ გამოჯანმრთელდა 9401 ადამიანი, გარდაიცვალა - 178 პაციენტი.

კარანტინის რეჟიმში იმყოფება 4408, სტაციონარებში ექიმების დაკვირვების ქვეშ 3155 პაციენტია, ხოლო კოვიდ–სასტუმროებში 1848 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

26
თემები:
COVID-19 საქართველოში