რაგბის ბურთი

სროლა რაგბის კავშირში: მერაბ ბესელიას პატიმრობა შეეფარდა

79
(განახლებულია 17:22 19.09.2020)
დაცვის მხარე წარდგენილ ბრალდებას არ ეთანხმება და 20 ათას ლარიანი გირაოს შეფარდებას მოითხოვდა. ბრალდებული წარდგენილი ბრალდებაში თავს დამნაშავედ არ ცნობს

თბილისი, 19 სექტემბერი - Sputnik. თბილისის საქალაქო სასამართლომ რაგბის კავშირის ვიცე-პრეზიდენტს მერაბ ბესელიას აღკვეთის ღონისძიებად პატიმრობა შეუფარდა, იუწყება „პირველი არხი“.

16 სექტემბერს თბილისში, რაგბის კავშირის შენობაში მერაბ ბესელიამ რაგბი-7-ის ნაკრების ყოფილი კაპიტანი რამაზ ხარაზიშვილი დაჭრა. პოლიციამ 51 წლის ბესელია იმავე დღეს მცხეთაში დააკავა. გამოძიების ინფორმაციით, ბრალდებულმა 32 წლის ხარაზიშვილი ცეცხლსასროლი იარაღიდან გასროლით ურთიერთშელაპარაკების ნიადაგზე დაჭრა.

რაგბის კავშირში ბოლო პერიოდში საკმაოდ დაძაბული ვითარებაა. პრობლემები დაიწყო აგვისტოს დასაწყისში, როდესაც 31 კლუბის წარმომადგენლებისგან შემდგარი საინიციატივო ჯგუფი კავშირის ხელმძღვანელობას სთხოვდა ბოლო ოთხი წლის ფინანსური ანგარიში ჩაებარებინა.

პროკურორის განცხადებით, დაკავებულის მხრიდან არსებობს მტკიცებულებების განადგურების, მიმალვისა და მოწმეებზე ზემოქმედების საფრთხეები.

დაცვის მხარე წარდგენილ ბრალდებას არ ეთანხმება და 20 ათას ლარიანი გირაოს შეფარდებას მოითხოვდა. ბრალდებული წარდგენილი ბრალდებაში თავს დამნაშავედ არ ცნობს.

პროცესზე თავად ბრალდებულიც ჩაერთო დისტანციურად. როგორც მერაბ ბესელიამ განაცხადა, მან ემოციურ ფონზე იატაკს ესროლა და ფეხში სროლის განზრახვა არ ჰქონია.

„არ მისვრია მისთვის დასაჭრელად, ვისროლე იატაკზე. იმას, რომ მე საშიში ვიქნები თავისუფლებაზე, არ ვეთანხმები. ჩავბარდი თვითონ. ნასვამ მდგომარეობაში ვიყავი“, – განაცხადა ბრალდებულმა.

ბრალდებულის ადვოკატი სასამართლოს გადაწყვეტილების გასაჩივრებას აპირებს.

საქმეზე წინასასამართლო სხდომა 5 ნოემბერს 11:00 საათზე ჩაინიშნა.

79
თემები:
კრიმინალი საქართველოში (1173)
ინკასატორების მიკროავტობუსი

ინკასატორის დაყაჩაღება: ქობულეთში ძარცვის ფაქტი გახსნილია

19
სამართალდამცველებმა  ნაძარცვი თანხა, 55 000-მდე ლარი დაკავებულის სახლის ჩხრეკისას ნივთმტკიცების სახით ამოიღეს.

თბილისი, 24 ოქტომბერი - Sputnik. ქობულეთში მომხდარი, ინკასატორის გაძარცვის ფაქტი გახსნილია, ნათქვამია შსს-ს მიერ გავრცელებულ განცხადებაში.

უწყების ცნობით, ძარცვის ბრალდებით, 1986 წელს დაბადებული გ.მ. სამართალდამცველებმა ქობულეთში დააკავეს.

როგორც გამოძიებით დადგინდა, ბრალდებული მიმდინარე წლის 22 ოქტომბერს, ქალაქ ქობულეთში, „საქართველოს ბანკის" სერვისცენტრის მიმდებარედ, თავს დაესხა შპს „დაირექტ დებიტ ჯორჯიას" ინკასატორს, რომელსაც ამავე კომპანიის კუთვნილი ფული - 55 000-მდე ლარი ძალის გამოყენებით გასტაცა და შემთხვევის ადგილიდან მიიმალა.

სამართალდამცველებმა  ნაძარცვი თანხა დაკავებულის სახლის ჩხრეკისას ნივთმტკიცების სახით ამოიღეს.

ქობულეთში ინკასატორი დააყაჩაღეს >>

ძარცვის ფაქტზე გამოძიება საქართველოს სისხლის სამართლის კოდექსის 178-ე მუხლის მე-3 და მე-4 ნაწილებით მიმდინარეობს, რაც 7-დან 11 წლამდე ვადით თავისუფლების აღკვეთას ითვალისწინებს.

19
თემები:
კრიმინალი საქართველოში (1173)
ბათუმის პორტი

პანამის დროშის ქვეშ მცურავი გემი საქართველოში ზღვის დაბინძურებისთვის დააჯარიმეს

14
(განახლებულია 17:05 24.10.2020)
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის მონაცემებით, გემიდან ზღვაში ნავთობშემცველი წყლები ჩაიღვარა

თბილისი, 24 ოქტომბერი — Sputnik. პანამის დროშის ქვეშ მცურავი გემი საქართველოს აკვატორიაში შავი ზღვის დაბინძურებისთვის 65 ათასი ლარით დააჯარიმეს, ნათქვამია გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის განცხადებაში.

დეპარტამენტის მონაცემებით, გემიდან ზღვაში ნავთობშემცველი წყლები ჩაიღვარა. ადმინისტრაციული სამართალდარღვევის ფაქტზე შედგა ოქმი, და გემის კაპიტანს ჯარიმის გადახდა დაეკისრა.

გემს თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა.

14
თემები:
შემთხვევები საქართველოში
ჯანეტ ქერდიყოშვილი და ნოე სულაბერიძე

ჯანეტ ქერდიყოშვილის გლამურული იმიჯი და ტრენდული ლუქი - როგორ გამოიყურება ვარსკვლავი?

0
(განახლებულია 19:08 24.10.2020)
„სტილი და კომფორტი ერთ კაფსულაში“- ჯანეტ ქერდიყოშვილის ჩაცმულობის საიდუმლო. მუდამ მოდის ეპიცენტრში მყოფი მოდელის უახლესი ფოტოები და ტრენდული სტილი. როგორ გამოიყურება და რით ჩაანაცვლა კლასიკური ტანსაცმელი მშობიარობის შემდეგ მოდელმა?

„მისს საქართველო 2011“ თვალწარმტაცი გარეგნობითა და დახვეწილი მანერებით გამოირჩევა. ახალგაზრდა მოდელი და ახალბედა დედა განსაკუთრებულად საინტერესოდ ფეხმძიმობის პერიოდში გამოიყურებოდა. ჯანეტს უყვარს ფერთა გამებით თამაში. სწორედ ამიტომ, ორსულობისას საკუთარი ატელიე დააარსა, სადაც ქალბატონებს დახვეწილ სამოსს სთავაზობს. იტალიაში ერთ-ერთ წამყვან დიზაინერების სკოლაში ჭრა-კერვის გარდა, სტილის შეგრძნებაც შეისწავლა. საქართველოში დაბრუნებულ მოდელს ახალი შესაძლებლობები მეორე ნახევარმა ჩაუგდო ხელთ.

View this post on Instagram

A post shared by Janeta Ker (@janet__kerdikoshvili) on

ულამაზესი მოდელი ჯანეტ ქერდიყოშვილი თავისი გარეგნობით საზოგადოებას დიდი ხანია აღაფრთოვანებს. ამჟამად, მოდელი ტელეწამყვან ნოე სულაბერიძეზეა დაოჯახებული.

ჩვენ ჯანეტის „ინსტაგრამიდან" შევარჩიეთ მისი საინტერესო "ლუქები". მოდით, ვნახოთ, როგორია მოდელის ჩაცმის სტილი.

View this post on Instagram

𝘚𝘵𝘺𝘭𝘦 𝘢𝘯𝘥 𝘤𝘰𝘮𝘧𝘰𝘳𝘵 𝘪𝘯 𝘰𝘯𝘦 𝘸𝘰𝘳𝘥 #refind #WeekendMaxMaraFW20

A post shared by Janeta Ker (@janet__kerdikoshvili) on

ალბათ, შენიშნავდით, რომ მშვენიერი ქალბატონი ყოველთვის სადად და ორიგინალურად იცვამს. ფეხმძიმობის პერიოდში მისი ჩაცმის სტილი ოდნავ შეიცვალა. ჯანეტი ახლა თავისუფალი სტილის მოსაცმელებს ანიჭებს უპირატესობას. ზოგჯერ მისი მაისურიც, მოსაცმელიც და ჩანთაც ერთ ფერშია გადაწყვეტილი, რის გამოც მისი სტილი მეტად მოდური ჩანს.

View this post on Instagram

A post shared by Janeta Ker (@janet__kerdikoshvili) on

ჯანეტი და ნოე ერთობლივად და ცალ-ცალკე დიდი პოპულარობით სარგებლობენ. ცნობილი პროდიუსერი და რეიტინგული გადაცემის ავტორი, უმშვენიერესი მოდელი და დიზაინერი ჯანეტ ქერდიყოშვილი შეუდარებლად გამოიყურებიან. მათი სიყვარულის ისტორია სწრაფად განვითარდა და გრანდიოზული ქორწილით დაგვირგვინდა. წყვილს ქალიშვილი 28 იანვარს გაუჩნდა.

0
თემები:
სელებრითების ცხოვრება