საპატრულო პოლიცია

თბილისში უკანონო შენობა-ნაგებობის დემონტაჟი ერთი პირის დაკავებით დასრულდა

119
(განახლებულია 20:53 15.09.2020)
თბილისის მუნიციპალური ინსპექციის ცნობით, აღნიშნულ მისამართზე ოთხი შენობა-ნაგებობა უნებართვოდ იყო განთავსებული.

თბილისი, 15 სექტემბერი – Sputnik. ნაძალადევის რაიონში, სადაც შენობა-ნაგებობის დემონტაჟი მიმდინარეობდა, ადმინისტრაციული სამართალდარღვევის ფაქტზე ერთი პირი დააკავეს, იუწყება საზოგადოებრივი მაუწყებლის „პირველი არხი“. 

დღეს თბილისის მუნიციპალურმა ინსპექციამ ნაძალადევის რაიონში, კერძოდ, პირველი რუხის ქუჩის მიმდებარე ტერიტორიაზე რეკრეაციულ ზონაში უკანონოდ აშენებული რამდენიმე შენობა-ნაგებობის დემონტაჟი დაიწყო, რომელიც ადგილობრივი მოსახლეობის პროტესტის ფონზე მიმდინარეობდა.

უწყების ცნობით, აღნიშნულ მისამართზე ოთხი შენობა-ნაგებობა უნებართვოდ იყო განთავსებული და მუნიციპალურმა ინსპექციამ, კანონის შესაბამისად, მათი დემონტაჟის შესახებ დადგენილება გამოსცა.

შსს-ს ინფორმაციით, მოქალაქე ადმინისტრაციული სამართალდარღვევის ფაქტზე, 173-ე მუხლის საფუძველზე დააკავეს.

119
თემები:
შემთხვევები საქართველოში (1806)
ხელბორკილი

შვილის თვითმკვლელობამდე მიმყვან მამას ბრალდება დაუმძიმდა: პროკურატურის განცხადება

76
(განახლებულია 19:43 30.09.2020)
გამოძიების მონაცემებით, დაკავებული არასრულწლოვან შვილს  სისტემატურად ემუქრებოდა მოკვლით, ცემით, სახლისა და მისი ნივთების დაწვით

თბილისი, 30 სექტემბერი — Sputnik. საქართველოს პროკურატურამ 11 წლის მოზარდის თვითმკვლელობამდე მიყვანის ფაქტზე დაკავებულ  ფ.ა.-ს ბრალდება დაუმძიმა, ნათქვამია უწყების განცხადებაში.

პროჯურატურის განმარტებით, დაკავებულს „ბრალდება  არასრულწლოვანი  შვილის არაადამიანურ მდგომარეობაში ჩაყენებისა და მეუღლის სისტემატური შეურაცხყოფის და დამცირების ფაქტებზე წარედგინა“.

„ფ.ა.-ს  დაზუსტებული ბრალდება საქართველოს სისხლის სამართლის კოდექსის 11 პრიმა, 115-ე მუხლის პირველი ნაწილით  (თვითმკვლელობამდე მიყვანა), 126-ე პრიმა მუხლის მე-2 ნაწილის „ბ“ ქვეპუნქტით (ოჯახის წევრის მიმართ სისტემატური შეურაცხყოფა და დამცირება, ჩადენილი არასრულწლოვნის თანდასწრებით), 11 პრიმა, 144-ე ტერცია მუხლის მე-2 ნაწილის „ზ“ ქვეპუნქტით (პირის არაადამიანურ მდგომარეობაში ჩაყენება, ჩადენილი არასრულწლოვნის მიმართ) წარედგინა, რაც  სასჯელის სახედ და ზომად 5-დან 10 წლამდე თავისუფლებას აღკვეთას ითვალისწინებს“, — ნათქვამია პროკურატურის განცხადებაში.

ტრაგედია თერჯოლის რაიონის სოფელ ძევრში 23 აგვისტოს მოხდა, როდესაც ბიჭუნა საკუთარი სახლის ეზოში იპოვეს გარდაცვლილი.

გამოძიებამ დაადგინა, რომ ნასვამ მდგომარეობაში მყოფი მამა არასრულწლოვან შვილს სისტემატურად ემუქრებოდა მოკვლით, ცემით, სახლისა და მისი ნივთების დაწვით. გარდა ამისა, ფ.ა. ბიჭის თანდასწრებით შეურაცხყოფას აყენებდა საზღვარგარეთ მყოფ მეუღლეს ტელეფონით საუბრისას. საბოლოოდ, 11 წლის მოზარდმა ვერ გაუძლო გამუდმებულ შიშსა და სტრესს და თავი მოიკლა.

სამართალდამცველებმა ფ.ა.ტრაგედიის დღესვე დააკავეს.  აღკვეთის ღონისძიების სახით მას პატიმრობა შეეფარდა.

 

 

76
თემები:
კრიმინალი საქართველოში
თამარ ჟვანია

თამარ ჟვანია: საარჩევნო ადმინისტრაცია გმობს ძალადობას

25
(განახლებულია 17:04 30.09.2020)
ჟვანია საარჩევნო პროცესებში ჩართულ მხარეებს სიმშვიდის შენარჩუნების, არაეთიკური ქცევისა და ძალადობისგან თავშეკავებისკენ მოუწოდებს.

თბილისი, 30 სექტემბერი – Sputnik. საარჩევნო ადმინისტრაციისთვის მიუღებელია 29 სექტემბრის ღამით მარნეულში განვითარებული მოვლენები და დაპირისპირება საარჩევნო პროცესებში ჩართულ მხარეებს შორის, წერს ცენტრალური საარჩევნო კომისის (ცესკო) თავმჯდომარე თამარ ჟვანია სოციალურ ქსელში.

გუშინ მარნეულში „ქართული ოცნება - დემოკრატიული საქართველოსა“ და „ერთიანი ნაციონალური მოძრაობის“ აქტივისტებს შორის სიტყვიერი და ფიზიკური დაპირისპირება მოხდა. დაშავდა რამდენიმე ადამიანი. ფიზიკურად გაუსწორდნენ „პირველი არხის“ ოპერატორსა და ტელეკომპანია „მთავარი არხის“ ჟურნალისტებსა და ოპერატორებს. დამტვრეულია აპარატურაც. დღეს, დილით თავს დაესხნენ მარნეულში პარტია „ქართული ოცნება - დემოკრატიული საქართველოს“ ადგილობრივი შტაბის ერთ-ერთ წევრსაც.

ჟვანია საარჩევნო პროცესებში ჩართულ მხარეებს სიმშვიდის შენარჩუნებისკენ, არაეთიკური ქცევისა და ძალადობისგან თავის შეკავებისკენ მოუწოდებს, პასუხისმგებელ ორგანოებს კი მიმართავს, მომხდარზე რეაგირება დაუყოვნებლივ მოახდინონ.

„აღნიშნული კონფლიქტის შედეგად დაშავდნენ, მათ შორის, მარნეულის საოლქო საარჩევნო კომისიის წევრი და მისი ოჯახის წევრი, რაც ჩვენთვის განსაკუთრებით შემაშფოთებელია. ამ ძალადობის დროს დაშავდნენ მედიის წარმომადგენლები. დაუშვებელია ამ ფორმებით ჟურნალისტების საქმიანობის ხელის შეშლა“, – წერს ცესკოს თავმჯდომარე.

როგორც ჟვანია აღნიშნავს, ცესკო გმობს ძალადობას და ნებისმიერ ისეთ ქმედებას, რაც აზიანებს ქვეყანაში დემოკრატიული საარჩევნო პროცესების წარმართვას.

მარნეულში მომხდარი ინციდენტის საქმეში სახალხო დამცველი ჩაერთო>>

მარნეულში მომხდართან დაკავშირებით გამოძიება დაწყებულია ჯანმრთელობის დაზიანებისა და ჟურნალისტურ საქმიანობაში ხელის შეშლის ფაქტებზე. ჯერჯერობით დაკავებული არავინ არ არის.

25
თემები:
საქართველოს საპარლამენტო არჩევნები 2020
ვალუტის გაცვლის პუნქტი

ლარის კურსი 1 ოქტომბერს

0
(განახლებულია 17:39 30.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0819 ლარით გამყარდა.

თბილისი, 1 ოქტომბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2059 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0819 ლარით გამყარდა.

ლარის კურსი 1 ოქტომბერს
ლარის კურსი 1 ოქტომბერს
0
თემები:
ლარის კურსი დღეს