მცხეთის სასამართლოს შენობა

შაქარაშვილის საქმეზე დაკავებულები პატიმრობაში დარჩებიან

69
(განახლებულია 09:42 15.09.2020)
მცხეთის რაიონულმა სასამართლომ არ დააკმაყოფილა დაცვის მხარის შუამდგომლობა ბრალდებულთა გირაოთი გათავისუფლების თაობაზე და მხარი პროკურატურის პოზიციას დაუჭირა.

თბილისი, 14 სექტემბერი – Sputnik. ფეხბურთელ გიორგი შაქარაშვილის საქმეზე დაკავებული 11 პირი საპატიმროში დარჩება, ასეთი გადაწყვეტილება მიიღო მცხეთის რაიონული სასამართლოს მოსამართლე ნინო ჩახნაშვილმა.

საუბარია ძალადობის, ჯგუფური ძალადობის ორგანიზებასა და მასში მონაწილეობაში, ასევე სხეულის მსუბუქ დაზიანებასა და თავისუფლების უკანონო აღკვეთაში 11 სრულწლოვან ბრალდებულზე. ესენი არიან: საბა ჩხარტიშვილი, საბა გოგშელიძე, ირაკლი წაქაძე, არჩილ გაგნიძე, ვასილ მახარაძე, ვახო ჩიქოვანი, ნიკოლოზ რევაზიშვილი, ნიკა ჟვანია, ირაკლი მუმლაძე, თენგიზ ბარბაქაძე და გიგა ტატიაშვილი.

არც ერთი დაკავებული ბრალს არ აღიარებს და დღევანდელ პროცესზეც მათ დუმილის უფლება გამოიყენეს.

სასამართლოზე ბრალდების მხარემ დაკავებულების პატიმრობაში დატოვება მოითხოვა, ვინაიდან მიიჩნევს, რომ კვლავაც არსებობს მიმალვის, მოწმეებზე ზემოქმედებისა და მტკიცებულებების განადგურების საფრთხე.

თავის მხრივ, დაცვის მხარე თავისი დაცვის ქვეშ მყოფთათვის 5-დან 10 ათას ლარამდე  გირაოთი გათავისუფლებას ითხოვდა.

გიორგი შაქარაშვილის მეგობარი სტუდიაში ატირდა
გიორგი შაქარაშვილის მეგობარი სტუდიაში ატირდა

გიორგი შაქარაშვილის საქმეს სასამართლო სამ ნაწილად იხილავს: მკვლელობამდე ჩხუბის ეპიზოდები არასრულწლოვნების მონაწილეობით, ჩხუბის ეპიზოდები სრულწლოვნების მონაწილეობით და უშუალოდ მკვლელობის ფაქტი. აღნიშნულ საქმეზე 17 პირია დაკავებული.

დღეს სასამართლოში მეორე ნაწილის განხილვა შედგა – ჩხუბის ეპიზოდები სრულწლოვნების მონაწილეობით.

17 პირიდან ხუთ პირს ბრალი შაქარაშვილის განზრახ მკვლელობაში ედება, მათგან ორი არასრულწლოვანია. გამოძიების მტკიცებით, მათ თავიდან სცემეს შაქარაშვილი, შემდეგ კი მდინარეში გადააგდეს, სადაც ის დაიხრჩო. 19 წლის ფეხბურთელის ცხედარი ოთხდღიანი ძებნის შემდეგ მდინარე არაგვში იპოვეს.

69
თემები:
19 წლის გიორგი შაქარაშვილის მკვლელობის საქმე (72)
ციხის პერიმეტრი

მკვლელობა ხაშურში: თანამშრომლის მკვლელობაში ბრალდებული მენეჯერი პატიმრობაშია

49
ყოფილი თანამშრომელი სახელფასო დავალიანების გადახდას მოითხოვდა. ოფისში აგრესიული შეჭრა მკვლელობით დასრულდა

თბილისი, 20 სექტემბერი – Sputnik. გორის რაიონულმა სასამართლომ ყოფილი კოლეგის მკვლელობაში ბრალდებულ მენეჯერს პატიმრობა შეუფარდა, იუწყება ტელეარხი Rustavi2.

მედიის ინფორმაციით, ინციდენტი ხაშურში პარასკევს საღამოს მოხდა. სამშენებლო მასალების მწარმოებელ კომპანიაში სახელფასო დავალიანების გადახდის მოთხოვნით მივიდა ყოფილი თანამშრომელი და ერთ-ერთ ხელმძღვანელ პირს დანით დაემუქრა. მუქარებზე საპასუხოდ მენეჯერმა მას ცეცხლსასროლი იარაღიდან ესროლა. 40 წლის მამაკაცი საავადმყოფოში მიყვანისთანავე გარდაიცვალა.

პროკურატურამ დაკავებულს ბრალი წარუდგინა ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვა-ტარებაში.

ბრალდებულის ადვოკატი სასამართლოს გადაწყვეტილების გასაჩივრებას აპირებს.

დღევანდელი პროცესი დისტანციურ რეჟიმში მიმდინარეობდა.

49
თემები:
კრიმინალი საქართველოში
საპატრულო პოლიცია

მკვლელობა კასპში: 62 წლის მამაკაცი ცხელ კვალზე დააკავეს  

82
ბრალის დამტკიცების შემთხვევაში, დაკავებულს სასჯელის სახით შვიდიდან 15 წლამდე ვადით თავისუფლების აღკვეთა ემუქრება

თბილისი, 20 სექტემბერი - Sputnik. სამართალდამცველებმა განზრახ მკვლელობის, ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის უკანონო შეძენა-შენახვის ბრალდებით კასპში ცხელ კვალზე 62 წლის მამაკაცი დააკავეს, ნათქვამია საქათველოს შინაგან საქმეთა სამინისტროს მიერ გავრცელებულ განცხადებაში.

გამოძიების მიხედვით, ბრალდებულმა საკუთარ საცხოვრებელ სახლში ურთიერთშელაპარაკების ნიადაგზე ცეცხლსასროლი იარაღიდან გასროლით ადგილზე მოკლა მასთან სტუმრად მისული 42 წლის მამაკაცი, ხოლო 71 წლის მამაკაცი დაჭრა. დაშავებული სამედიცინო დაწესებულებაში გადაიყვანეს. უწყების ცნობით, მის სიცოცხლეს საფრთხე არ ემუქრება.

დანაშაულის ჩადენის იარაღი ნივთმტკიცების სახითაა ამოღებული. ბრალდებული დანაშაულს აღიარებს.

მედიაში გავრცელებული ინფორმაციით, დაკავებული მანქანის ხელოსანია, გარდაცვლილი კი მისი კლიენტი იყო. დაჭრილი კი მისი თანხმლები პირია.

მკვლელობა შაბათს მოხდა.

გამოძიება საქართველოს სსკ-ის  108-ე, 118-ე და 236-ე მუხლებით მიმდინარეობს, რაც განზრახ მკვლელობას, ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვას გულისხმობს.

დანაშაული შვიდიდან 15 წლამდე ვადით თავისუფლების აღკვეთას ითვალისწინებს.

82
თემები:
კრიმინალი საქართველოში
მარი მალაზონია

მალაზონია: დღეს კაცობრიობას ნიღბის ტარების და სუფთა ხელების  გარდა სხვა გამოსავალი არ აქვს

0
(განახლებულია 19:49 20.09.2020)
ექიმი-ნუტრიციოლოგი, კვების ეროვნული ცენტრის დირექტორი მარი მალაზონია საუბრობს, დღევანდელ სიტუაციაში რა არის გამოსავალი და როგორ დავიცვათ თავი კორონავირუსისგან.
მალაზონია: დღეს კაცობრიობას ნიღბის ტარების და სუფთა ხელების გარდა სხვა გამოსავალი არ აქვს

„დოიჩე ველე“ ავრცელებს ინტერვიუს ევროპის ერთ-ერთ ყველაზე ცნობილ ვირუსოლოგთან, რომელიც გერმანიაში ცხოვრობს. ეს გახლავთ კრისტიან დროსტენი. სწორედ მისი მოსაზრებით, დღეს კაცობრიობას ნიღბის ტარების, სუფთა ხელების გარდა სხვა არჩევანი არ აქვს. უფრო მეტიც, მან ძალიან სერიოზული პროგნოზები გააკეთა. ვარაუდობს, რომ შესაძლოა ეს ტაქტიკა დაგვჭირდეს მომავალი წლის ბოლომდე. მტკიცებულებებზე დაყრდნობით, ის კიდევ ერთხელ გვარწმუნებს, რომ დღეს კაცობრიობას სჭირდება ნიღბის სწორი ტარება, ჰიგიენის წესების დაცვა, რაც არის ჩვენი უსაფრთხოების ერთადერთი არჩევანი“, - ამბობს მალაზონია.

მალაზონია ადამიანებს ურჩევს დედანში მოისმინონ ეს საკმაოდ ვრცელი ინტერვიუ და რჩევები გაითვალისწინონ.

 

 

0