პოლიციის ლენტი

მკვლელობა გორში - ახალგაზრდა მამაკაცი გამვლელების თვალწინ გარდაიცვალა

252
(განახლებულია 23:03 13.09.2020)
იმ ქუჩის მცხოვრებლები, სადაც მკვლელობა მოხდა, ამბობენ, რომ არ იცნობენ მოკლულს. ის შემთხვევის ადგილზე ავტომობილით მივიდა, შემდეგ რა მოხდა, არ იციან

თბილისი, 13 სექტემბერი - Sputnik. გორში ანწუხელიძის ქუჩაზე მკვლელობა მოხდა, იუწყება Rustvai2.

მოკლულია 30 წლამდე მამაკაცი.

ანწუხელიძის ქუჩის მცხოვრებლები ამტკიცებენ, რომ მოკლული მათ ქუჩაზე არ ცხოვრობს. მათ ხმაური არ გაუგიათ, თუმცა ბევრმა დაინახა მამაკაცი, რომელიც მიწაზე იწვა და გვერდში დანა ჰქონდა ჩარტყმული.

თვითმხილველების თქმით, მამაკაცი წაიქცა და ადგილზე დაიღუპა. ისინი ამბობენ, რომ ის შემთხვევის ადგილზე ავტომობილით მივიდა, შემდეგ რა მოხდა, არ იციან.

ადგილზე კრიმინალური პოლიცია მუშაობს.

252
თემები:
კრიმინალი საქართველოში (1211)
საპროტესტო აქცია ბათუმში

რა გახდა ბათუმში მიმდინარე აქციაზე ორი პირის დაკავების მიზეზი

17
(განახლებულია 15:23 02.12.2020)
აჭარის მთავრობის სახლთან საპროტესტო აქციები 8 ნოემბრიდან მიმდინარეობს. აქციის მონაწილეთა ნაწილი ღამეს მთავრობის სახლთან კარვებში ათენებს.

თბილისი, 2 დეკემბერი – Sputnik. სამართალდამცველებმა აჭარის მთავრობის სახლთან მიმდინარე აქციაზე წვრილმანი ხულიგნობის მუხლით ორი პირი დააკავეს, იუწყება ტელეკომპანია „რუსთავი2“.

გავრცელებული ინფორმაციით, ისინი ოპოზიციური პარტია „ერთიანი ნაციონალური მოძრაობის“ წევრებს სიტყვიერად დაუპირისპირდნენ.

„ცალსახად პროვოკაციაზე მოდიოდნენ. ჩვენ ვთხოვეთ პოლიციას, რომ აღნიშნული პირები დაეკავებინათ და მოვუწოდეთ აქციის სხვა მონაწილეებს, რომ პროვოკაციას არ აჰყოლოდნენ", – განაცხადა ბათუმის მუნიციპალიტეტის საკრებულოს ფრაქცია „ერთიანი ნაციონალური მოძრაობის" თავმჯდომარემ მირდატ ქამადაძემ.

პოლიციამ სიტუაცია მალევე განმუხტა. ორივე მოქალაქე ადმინისტრაციული სამართალდარღვევისთვის, წვრილმანი ხულიგნობის მუხლით დააკავეს.

ბათუმში საპროტესტო აქციები უწყვეტ რეჟიმში 8 ნოემბრიდან ტარდება. აქციის მონაწილეების მოთხოვნებია რიგგარეშე საპარლამენტო არჩევნები, ახალი საარჩევნო ადმინისტრაცია და პოლიტპატიმრების გათავისუფლება. 

უფრო ადრე ოპოზიციის ლიდერებმა განაცხადეს, რომ რეგიონში სოციალურ–ეკონომიკური საკითხების მოგვარებას თავად აპირებენ. კვირას საპროტესტო აქციის მონაწილეებმა მთავრობის სახლთან გადასატანი სავაჭრო კიოსკი მიიტანეს და შეკრებილებს დაჰპირდნენ, რომ არ დაემორჩილებიან კორონავირუსის გავრცელების გამო დაწესებულ ახალ შეზღუდვებს და „დაუმორჩილებლობის უბანს" მოაწყობენ.

17
პაატა იმნაძე

იმნაძე: 19 წლის გოგონას გარდაცვალების საკითხს სპეციალური კომისია განიხილავს

47
(განახლებულია 15:20 02.12.2020)
ქვეყნის ერთ-ერთი მთავარი ინფექციონისტის განცხადებით, ახალგაზრდების გარდაცვალების შემთხვევები საქართველოში ავადობის მაღალ მაჩვენებელთან არის დაკავშირებული.

თბილისი, 2 დეკემბერი – Sputnik. 19 წლის გოგონას გარდაცვალების შემთხვევას ჯანდაცვის სამინისტროში შექმნილი სპეციალური კომისია განიხილავს, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

„ჩვენ ჯომოლუნგმაზე ავდივართ“ – იმნაძე საქართველოში შექმნილ ეპიდვითარებაზე>>

მისი თქმით, ამჟამად 20 ათასზე მეტი აქტიური შემთხვევაა და ეს ქვეყანაში არსებულ მძიმე მდგომარეობაზე მიანიშნებს.

„სამწუხაროდ, მოხდება ასეთი ამბები... ყველაფერი აქედან მოდის – რაც მეტი ადამიანი არის ავად, პროპორციულად მეტი იქნება გარდაცვალებაც“, – განაცხადა იმნაძემ.

პაატა იმნაძემ საქართველოში კორონავირუსის შემთხვევების მოსალოდნელ ზრდაზე ისაუბრა და აღნიშნა, რომ დაწესებული შეზღუდვები იმისთვისაა საჭირო, რომ დღეში 4, 6 და 8 ათასი ახალი შემთხვევა არ გამოვლინდეს.

საქართველოში ორშაბათს კორონავირუსისგან 19 წლის გოგონა გარდაიცვალა. ის დიაბეტით იყო ავად, მკურნალობას კოვიდ-სასტუმროში გადიოდა. რამდენიმე დღის წინ მისი მდგომარეობა დამძიმდა და ის დედაქალაქის გერმანულ ჰოსპიტალში გადაიყვანეს. მაგრამ, ექიმის თქმით, კლინიკაში შეყვანის მომენტში პაციენტის მდგომარეობა უკვე კრიტიკული იყო და მისი გადარჩენა ვერ მოხერხდა.

ამასთან, გარდაცვლილი გოგონას ოჯახი მომხდარში ხელისუფლებას ადანაშაულებს. მათი თქმით, ისინი ხუთი დღის განმავლობაში ითხოვდნენ მის გადაყვანას კლინიკაში, მაგრამ ამას ვერ მიაღწიეს. ანუ მათ ქალიშვილს დროული და სათანადო სამედიცინო დახმარება არ აღმოუჩინეს.

საქართველოში ახალი კორონავირუსით დაავადებულთა რაოდენობამ ბოლო მონაცემებით 143.376-ს მიაღწია, გარდაიცვალა 1.342 ადამიანი.

47
თემები:
COVID-19 საქართველოში
ეპიდემია საქართველოში

ტიკარაძე: ქვეყანაში კოვიდ–შეზღუდვები არ გადაიხედება

0
(განახლებულია 15:55 02.12.2020)
კორონავირუსის პანდემიამ ქვეყნის ეკონომიკას სერიოზული დარტყმა მიაყენა – შექმნილი მძიმე მდგომარეობიდან გამოსავლის მოძიების მიზნით, ხელისუფლებამ ბიზნეს–სექტორთან არაერთი შეხვედრა გამართა

 

თბილისი, 2 დეკემბერი – Sputnik. კორონავირუსის პანდემიასთან დაკავშირებით ქვეყანაში მოქმედი შეზღუდვები არ გადაიხედება, განაცხადა ჯანდაცვის მინისტრმა ეკატერინე ტიკარაძემ ოთხშაბათს გამართულ ბრიფინგზე. 

მისი თქმით, ბიზნეს–სექტორის წარმომადგენლებთან არაერთი შეხვედრა გაიმართა, რომელშიც მონაწილეობდა ჯანდაცვის სამინისტრო, ეპიდემიოლოგები და საერთაშორისო ექსპერტები.

 „ყველა შეზღუდვის თაობაზე დეტალურად მოხდა საუბარი, ასევე გაკეთდა ახსნა-განმარტება თუ რატომ არის  მნიშვნელოვანი სწორედ ასეთი ტიპის შეზღუდვების შემოღება. რაც შეეხება შეღავათებს, ეკონომიკური გუნდი მუშაობს და მათ უკვე განუმარტეს თუ რა შეღავათების საშუალება არსებობს და რა შემთხვევაში შეძლებენ ისინი დახმარების მიღებას“, – განაცხადა ტიკარაძემ.

როგორც მან აღნიშნა, ბიზნეს–სექტორის წარმომადგენლები ხელისუფლებას სთხოვენ 24 დეკემბრის ნაცვლად, საქმიანობის განახლების უფლება 15 დეკემბრიდან მიეცეთ.

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი 4 ათასს აღწევს. კორონავირუსით გამოწვეული გართულებების შედეგად ქვეყანაში 1.300–ზე მეტი ადამიანი გარდაიცვალა.

ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან რიგი შეზღუდვები დააწესა. ყველაზე სერიოზული შეზღუდვები შვიდ დიდ ქალაქში მოქმედებს – არ მუშაობს მუნიციპალური ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრისა), ფიტნეს–დარბაზები და აუზები და ა.შ. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

0
თემები:
COVID-19 საქართველოში