ელექტრონული სამაჯური

ოჯახური ტირანებისთვის ელექტრონული სამაჯურები მოქმედებაშია: ვინ იყო პირველი

74
(განახლებულია 18:38 12.09.2020)
პირველ კანონდამრღვევს სამაჯური უკვე დაუმაგრეს და ახლი ყველა მისი გადაადგილება მკაცრად კონტროლდება.

თბილისი, 12 სექტემბერი - Sputnik. პირველი ოჯახური ტირანი, რომელსაც მისი გადაადგილების გასაკონტროლებლად ელექტრონული სამაჯური დაუმაგრეს, გახდა 35 წლის მამაკაცი, რომელმაც თავის მეუღლეს სცემა, ნათქვამია შსს-ს ვებგვერდზე გავრცელებულ განცხადებაში.

ელექტრონული სამაჯურების გამოყენება შემაკავებელი ორდერის პირობების დაცვის უზრუნველსაყოფად საქართველოში 1 სექტემბერს ამოქმედდა.

შსს-ს მონაცემებით, პირველმა ასეთი სამაჯური „მოირგო“ მარნეულის მკვიდრმა, რომელიც ჯერ ფიზიკურად გაუსწორდა თავის მეუღლეს, შემდეგ კი მას მოკვლით დაემუქრა.

ოჯახური ძალადობისა და მუქარის საქმის გამოძიების ფარგლებში მას შემაკავებელი ორდერი გამოუწერეს და ფეხზე ელექტრონული სამაჯური დაუმაგრეს.

ახლა ყველა მისი გადაადგილება მკაცრად კონტროლდება. თუ ის სამაჯურის მოშორებას შეეცდება, მას სისხლის სამართლის პასუხისმგებლობა უკვე ახალი მუხლით დაემუქრება.

74
თემები:
კრიმინალი საქართველოში (1245)

პოლიციამ ბათუმში ინტერპოლის მიერ წითელი ცირკულარით ძებნილი დააკავა - ვიდეო

18
კრიმინალური პოლიციის დეპარტამენტის თანამშრომლებმა, ჩატარებული ოპერატიული და სამძებრო ღონისძიებების შედეგად, ინტერპოლის მიერ წითელი ცირკულარით ძებნილი, რუსეთის ფედერაციის მოქალაქე, 1987 წელს დაბადებული ა.ლ. ბათუმში, დროებით საცხოვრებელ სახლში დააკავეს

გამოძიებით დადგენილია, რომ ძებნილი პირი საქართველოში 2020 წლის იანვრიდან იმყოფება.

რუსეთის ფედერაციამ ა.ლ.-ზე ძებნა ეროვნულ დონეზე 2020 წლის 19 აგვისტოდან გამოაცხადა, ხოლო 2020 წლის 9 ნოემბრიდან ინტერპოლის გენერალური სამდივნოს მიერ მასზე საერთაშორისო ძებნა წითელი ცირკულარით გამოცხადდა.

აღნიშნული პიროვნება იძებნებოდა რუსეთის ფედერაციის სისხლის სამართლის კოდექსის 112-ე მუხლის მე-2 ნაწილით; 126-ე მუხლის მე-3 ნაწილით, 163-ე მუხლის მე-3 ნაწილით, 210-ე მუხლის 1-ლი ნაწილით, 240-ე მუხლის მე-3 ნაწილით (8 ეპიზოდი) და 241-ე მუხლის მე-2 ნაწილით განსაზღვრული დანაშაულებისთვის, რაც დანაშაულებრივი ორგანიზაციის შექმნას და მართვას, ადამიანის გატაცებას, მუქარით გამოძალვას, ძალის გამოყენებით ან ძალის გამოყენების მუქარით პროსტიტუციის ორგანიზებას, პროსტიტუციაში არასრულწლოვნების ჩართვას, ორგანიზებული დაჯგუფების მიერ არასრულწლოვნის მიმართ გარყვნილ ქმედებას, ასევე, საშუალო სიმძიმის სხეულის განზრახ დაზიანებას გულისხმობს.

დაკავებული პირი გადაყვანილია პენიტენციურ დაწესებულებაში.

18
საპატრულო პოლიცია

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

17
(განახლებულია 11:02 21.01.2021)
შექმნილი ეპიდვითარების გამო საქართველოში 28 ნოემბრიდან ახალი რეგულაციები მოქმედებს, რომელთა დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს.

თბილისი, 21 იანვარი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.020 ფაქტი გამოავლინა, იუწყება შინაგან საქმეთა სამინისტრო. 

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იქნება ძალაში.

პოლიციამ იზოლაციისა და კარანტინის წესის დარღვევისთვის 104 პირი დააჯარიმა.

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 916 ფიზიკური პირია დაჯარიმებული.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

17
თემები:
კორონავირუსი საქართველოში: ბოლო ცნობები
თოვლი ხულოში

ვითარება საქართველოს გზებზე: სად მოქმედებს შეზღუდვები?

0
(განახლებულია 14:20 21.01.2021)
ყველაზე რთული ვითარება მაღალმთიან აჭარაშია, სადაც თოვლის სიმაღლე ცალკეულ ადგილებში ერთ მეტრს აღწევს.

 

თბილისი, 21 იანვარი – Sputnik.  მეტეოროლოგიური პირობების გამო საქართველოს გზების ცალკეულ მონაკვეთებზე ავტოტრანსპორტის გადაადგილებაზე შეზღუდვები მოქმედებს.

საავტომობილო გზების დეპარტამენტის ინფორმაციით, დაბალი ტემპერატურისა და თოვლის გამო შიდასახელმწიფოებრივი მნიშვნელობის გომი–საჩხერე–ჭიათური–ზესტაფონის საავტომობილო გზის 1–52 კილომეტრზე აკრძალულია მისაბმელიანი და ნახევრადმისაბმელიანი ავტოტრანსპორტის გადაადგილება, დანარჩენი სახის ტრანსპორტის მოძრაობა კი თავისუფალია. 

მესამე დღეა მაღალმთიან აჭარაში თოვს. ხულოსა და შუახევის მუნიციპალიტეტებში თოვლის საფარი  80 სმ–ს აღწევს, ქედაში კი თითქმის 1 მეტრია.

აჭარის საავტომობილო გზების დეპარტამენტის ინფორმაციით, გზის გაწმენდითი სამუშაოები, თითქმის 24–საათის განმავლობაში, ინტენსიურ რეჟიმში მიმდინარეობს.

ამ დროისთვის ცენტრალურ ავტომაგისტრალზე ტრანსპორტის მოძრაობა დაუბრკოლებლად ხორციელდება. ადმინისტრაციული ერთეულების მიმართულებით გადაადგილების შემთხვევაში კი დეპარტამენტი მძღოლებს მოცურების საწინააღმდეგო ჯაჭვების გამოყენებისკენ მოუწოდებს.

დიდთოვლობამ მთიან რაიონებს პრობლემები შეუქმნა. შუახევის მერიის ინფორმაციით, რამდენიმე სოფელს არ მიეწოდება ელექტროენერგია და ამ დროისთვის აღდგენითი სამუშაოები მიმდინარეობს.

შეზღუდვები მოქმედებს  საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზეც, სადაც აკრძალულია მისაბმელიანი და ნახევრადმისაბმელიანი ავტოტრანსპორტის გადაადგილება.

გზის აღნიშნულ მონაკვეთზე მსუბუქი ავტომობილების მოძრაობა დაშვებულია გაუჩერებლად, მხოლოდ ზვავდამცავი გვირაბების გავლით.
მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

0
თემები:
ტრანსპორტი საქართველოში