აფეთქება ფილარმონიასთან

„ხელზე ცეცხლი ეკიდა“ თვითმხილველი აფეთქების შემდეგ პირველ წამებზე

159
(განახლებულია 20:31 04.09.2020)
„Sputnik–საქართველოს“ კორესპონდენტი საშინელი აფეთქების ადგილზე იმყოფებოდა და ესაუბრა თვითმხილველს, რომელიც მომხდარის შემდეგ დაშავებულების დახმარებას ცდილობდა.

თბილისი, 4 სექტემბერი – Sputnik. თბილისის კლუბ „დეჟავუში“ აფეთქების მსხვერპლი ახალგაზრდა მამაკაცი გახდა, სამი კი დაშავდა. საპატრულო პოლიციისა და სამაშველო სამსახურების მოსვლამდე დაშავებულებისთვის პირველი დახმარების აღმოჩენას ახლოს მყოფი თბილისელები ცდილობდნენ.

ერთი გარდაცვლილი და სამი დაშავებული: რამ გამოიწვია აფეთქება ფილარმონიასთან>>

აფეთქების თვითმხილველმა ლაშა ჩხაიძემ, რომელიც ტატუ-სალონში მუშაობს, „Sputnik–საქართველოს“ უამბო, როგორ ცდილობდა დაშავებულების დახმარებას.

„ერთ ადამიანს ხელზე, მხარზე ცეცხლი გაუჩნდა. შევეცადე ჩაქრობას, მაგრამ მერე, როცა გადავაბრუნე, მივხვდი, რომ საშინელ მდგომარეობაში იყო და უკვე ვეღარ შევძლებდი მის დახმარებას. არ მაქვს სამედიცინო განათლება“, – აღნიშნა ჩხაიძემ. შემდეგ მან სხვა დაშავებულები დაინახა – ისინი პირდაპირ ქუჩაში იწვნენ. მალე მოვიდნენ საპატრულო სამსახურის წარმომადგენლები და შემდეგ სასწრაფო დახმარების ბრიგადები.

ამჟამად ცნობილია, რომ სამიდან ერთი დაშავებული მძიმე მდგომარეობაშია. პერიმეტრი შემოსაზღვრულია. ადგილზე მუშაობენ კრიმინალისტები. ტრანსპორტის მოძრაობა კოსტავას ქუჩაზე შეზღუდულია.

კლუბი „დეჟავუ“ 2001 წლიდან მუშაობს. ის კინოთეატრ „ამირანის“ გვერდითაა, ფილარმონიის შენობაში. აქ, ძირითადად, ტარდება საბავშვო დღესასწაულები, ზეიმობენ დაბადების დღეებს. კორონავირუსის პანდემიის პერიოდში აქ ღონისძიებები არ იმართებოდა.

159
თემები:
აფეთქება კლუბში Dejavu (4)
დაკავება

მეტროსადგურ „დიდუბესთან“  სათამაშო აპარატების უკანონოდ განთავსებისთვის ერთი პირი დააკავეს

17
(განახლებულია 11:13 25.09.2020)
დაკავებულ პირს, რომელიც უკანონო საქმიანობას ეწეოდა, სამ წლამდე ვადით თავისუფლების აღკვეთა ემუქრება

თბილისი, 25 სექტემბერი – Sputnik. სამართალდამცველებმა უკანონო სამეწარმეო საქმიანობის განხორციელების ფაქტზე  ერთი პირი ამხილეს, იუწყება  ფინანსთა სამინისტროს საგამოძიებო სამსახური.

გამოძიებით დადგინდა, რომ ბრალდებულს თბილისის მეტროსადგურ „დიდუბის“ მიმდებარე ტერიტორიაზე  „ლიცენზიებისა და ნებართვების შესახებ“ საქართველოს კანონით გათვალისწინებული შესაბამისი ნებართვის გარეშე, განთავსებული ჰქონდა აზარტული თამაშებისთვის განკუთვნილი აპარატები.

უწყების ცნობით, ამოღებულია კანონდარღვევით მოქმედი ორი სათამაშო აპარატი.

გამოძიება მიმდინარეობს საქართველოს სისხლის სამართლის კოდექსის 192-ე მუხლის პირველი ნაწილით, რაც სასჯელის სახით ითვალისწინებს ერთიდან სამ წლამდე ვადით თავისუფლების აღკვეთას.

17
თემები:
კრიმინალი საქართველოში
სასწრაფო დახმარება რუსთავში

რუსთავში „კარფურის“ მშენებლობაზე მუშა დაშავდა

76
(განახლებულია 19:23 24.09.2020)
წინასწარი ინფორმაციით, მუშა სამშენებლო სამუშაოების შესრულებისას ამობრუნებულმა ამწემ ქვეშ მოიყოლა.

თბილისი, 24 სექტემბერი - Sputnik. რუსთავში,  სავაჭრო ცენტრ „კარფურის“ მშენებლობაზე მუშა დაშავდა, იუწყება საქართველოს „პირველი არხი“.

სამშენებლო სამუშაოს შესრულებისას ამწე ამობრუნდა და, სავარაუდოდ, მუშა ქვეშ მოიყოლა.

დაშავებული სასწრაფო სამედიცინო დახმარების ჯგუფმა კლინიკა „რუსთავში“ გადაიყვანა.

ადგილზე მობილიზებული იყო საპატრულო და კრიმინალური პოლიცია.

შინაგან საქმეთა სამინისტროს ცნობით, ფაქტზე გამოძიება სსკ-ს 170-ე მუხლით დაიწყო, რაც შრომის დაცვის წესების დარღვევას გულისხმობს.

საქართველოს გაერთიანებული პროფკავშირების მონაცემებით, წელიწად-ნახევარში (2018 წელი და 2019 წლის იანვარი-ივნისი) სამუშაო ობიექტებზე დაიღუპა 84 და დაშავდა 270 მუშა.

76
თემები:
შემთხვევები საქართველოში
პალატა

საქართველოში კორონავირუსით 27-ე პაციენტი გარდაიცვალა

0
(განახლებულია 11:32 25.09.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 265-ით გაიზარდა და 4644-ს მიაღწია,

თბილისი, 25 სექტემბერი — Sputnik. საქართველოში კორონავირუსით გარდაცვლილ პაციენტთა რაოდენობა 27-მდე გაიზარდა, შესაბამისი ინფორმაცია გავრცელდა ვებ-გვერდზე stopcov.ge.

გავრცელებული ინფორმაციით, 70 წლის მამაკაცი, რომელიც ბათუმის რესპუბლიკურ საავამყოფოში იყო მოთავსებული, თანმდევი დაავადებები აღენიშნებოდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 265-ით გაიზარდა და 4644-ს მიაღწია, გამოჯანმრთელდა 1759 ადამიანი, კარანტინის რეჟიმში იმყოფება 5584, სტაციონარებში ექიმების დაკვირვების ქვეშ კი 836 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში