საქართველოს მთავარი პროკურატურის შენობა

ბაჩალიაშვილის გარდაცვალების მიზეზი პროკურატურამ ექსპერტიზის შედეგები გაასაჯაროვა

173
(განახლებულია 20:22 04.09.2020)
ექსპერტიზის შედეგები მიუთითებს, რომ 23 წლის გოგონამ ძლიერი სამკურნალო პრეპარატების დიდი რაოდენობის მიღებით თავი მოიკლა.

თბილისი, 4 სექტემბერი – Sputnik. ქიმიურ-ტოქსიკოლოგიურმა ექსპერტიზამ თამარ ბაჩალიაშვილის ორგანიზმში ტკივილგამაყუჩებელი, ჰიპოტენზიური და საძილე პრეპარატების შემცველი ნივთიერებები აჩვენა, იუწყება საქართველოს პროკურატურა.

გოგონას ორგანიზმში აღმოჩენილი მედიკამენტები დასაშვებ ნორმას ასჯერ აღემატება. ამავე დროს, ერთობლივად მიღებისას ეს მედიკამენტები ორგანიზმზე უარყოფით ზეგავლენას აძლიერებს.

ქიმიური ექსპერტიზის თანახმად, ბაჩალიაშვილის ორგანიზმში აღმოჩენილი მედიკამენტები შეესაბამება იმ წამლების შეფუთვებს, რომლებიც დაღუპული გოგონას ავტომობილში აღმოაჩინეს.

გამოძიებამ ასევე დაადგინა, რომ ბაჩალიაშვილი 17 ივლისს Google-ის სერვისით ეძებდა გარკვეულ მედიკამენტებს: „საძილე აბები ურეცეპტოდ“, „სად იყიდება ფსიქოტროპული აბები ურეცეპტოდ“. საძიებო სერვისის მეშვეობით გოგონამ ამ ტიპის მედიკამენტები და მათი ანოტაციები იპოვა.

ამავე დღეს ბაჩალიაშვილი თავისი პირადი ავტომობილით იმყოფებოდა რუსთავის გზატკეცილზე, სადაც რამდენიმე ქსელურ აფთიაქში დიდი რაოდენობის – 150-ზე მეტი აბი სხვადასხვა მედიკამენტი შეიძინა.

ბიოლოგიურმა ექსპერტიზამ აჩვენა, რომ გარდაცვლილის ავტომობილის ზედაპირსა და პირად ნივთებზე აღმოჩენილი გენეტიკური მასალა თამარ ბაჩალიაშვილს ეკუთვნის.

თამარ ბაჩალიაშვილის ავტომობილზე მექანიკური ზემოქმედების კვალი არ აღმოჩნდა>>

ტრასოლოგიური ექსპერტიზის თანახმად, თამარის ტანსაცმელზე არ არის აღმოჩენილი დაზიანებები ან ფიზიკური ზემოქმედების კვალი.

ჩატარდა ბიოლოგიურ-გენეტიკური ექსპერტიზა, რომლის შედეგებმა აჩვენა, რომ ავტომობილში ნაპოვნი გარდაცვლილი თამარ ბაჩალიაშვილია.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა" და „თვითმკვლელობამდე მიყვანა".

ადრე შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

173
თემები:
შემთხვევები საქართველოში (1787)
დაკავება

ბიზნეს–დავა და ოთხი დაკავებული: შსს საქმის დეტალებს ასაჯაროებს

46
(განახლებულია 13:15 21.09.2020)
სამართალდამცველებმა ნივთმტკიცებად ამოიღეს CZ-ს მარკის ორი ცეცხლსასროლი იარაღი, ვაზნები, ორი აირის პისტოლეტი, ერთი ცალი დანა, ბეისბოლის სამი ხელკეტი და 68 ათას 900 დოლარი

 

თბილისი, 21 სექტემბერი  — Sputnik. სამართალდამცველებმა  თავისუფლების უკანონო აღკვეთისა და თანხის გამოძალვის ბრალდებით ოთხი პირი დააკავეს, ნათქვამია უწყების მიერ გავრცელებულ განცხადებაში. 

გამოძიებით დადგინდა, რომ ბრალდებულებმა ტაჯიკეთის რესპუბლიკის მოქალაქეებს, რომლებიც საქართველოში ბიზნეს–საქმიანობას ეწევიან, უკანონოდ აღუკვეთეს თავისუფლება და თანხის გამოძალვის მიზნით ფიზიკურად გაუსწორდნენ.

სამართალდამცველებმა ერთ–ერთი ბრალდებულის  კუთვნილი  LEXUS GX-ის მარკის ავტომობილის ჩხრეკისას, ნივთმტკიცებად ამოიღეს CZ-ს მარკის ორი ცეცხლსასროლი იარაღი, ვაზნები, ერთი  დანა, ბეისბოლის სამი ხელკეტი და 68 ათას 900 დოლარი.

გამოძიება დაწყებულია სსკ-ის 143-ე მუხლის მესამე ნაწილით და 181-ე და 150-ე მუხლის მეორე ნაწილებით, რაც თავისუფლების უკანონო აღკვეთას, გამოძალვასა და იძულებას გულისხმობს და ითვალისწინებს შვიდიდან 10 წლამდე ვადით თავისუფლების აღკვეთას.

46
თემები:
კრიმინალი საქართველოში
ციხის პერიმეტრი

მკვლელობა ხაშურში: თანამშრომლის მკვლელობაში ბრალდებული მენეჯერი პატიმრობაშია

79
ყოფილი თანამშრომელი სახელფასო დავალიანების გადახდას მოითხოვდა. ოფისში აგრესიული შეჭრა მკვლელობით დასრულდა

თბილისი, 20 სექტემბერი – Sputnik. გორის რაიონულმა სასამართლომ ყოფილი კოლეგის მკვლელობაში ბრალდებულ მენეჯერს პატიმრობა შეუფარდა, იუწყება ტელეარხი Rustavi2.

მედიის ინფორმაციით, ინციდენტი ხაშურში პარასკევს საღამოს მოხდა. სამშენებლო მასალების მწარმოებელ კომპანიაში სახელფასო დავალიანების გადახდის მოთხოვნით მივიდა ყოფილი თანამშრომელი და ერთ-ერთ ხელმძღვანელ პირს დანით დაემუქრა. მუქარებზე საპასუხოდ მენეჯერმა მას ცეცხლსასროლი იარაღიდან ესროლა. 40 წლის მამაკაცი საავადმყოფოში მიყვანისთანავე გარდაიცვალა.

პროკურატურამ დაკავებულს ბრალი წარუდგინა ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვა-ტარებაში.

ბრალდებულის ადვოკატი სასამართლოს გადაწყვეტილების გასაჩივრებას აპირებს.

დღევანდელი პროცესი დისტანციურ რეჟიმში მიმდინარეობდა.

79
თემები:
კრიმინალი საქართველოში
ნანა ჯორჯაძე

ნანა ჯორჯაძის ფილმმა „ბოცვერის თათი“ რუსეთში ჯილდო მოიპოვა

0
(განახლებულია 14:59 21.09.2020)
ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში  ეპიდუსაფრთხოების ყველა ნორმის დაცვით გაიმართება.

თბილისი, 21 სექტემბერი  — Sputnik.  ქართველი რეჟისორის ნანა ჯორჯაძის ფილმ „ბოცვერის თათის“ (Кроличья лапа) ოპერატორმა მიხეილ კვირიკაძემ რუსეთის კინოსა და თეატრის XVIII ფესტივალზე „ამურის შემოდგომა“  საუკეთესო ოპერატორული ნამუშევრის ჯილდო მოიპოვა, ნათქვამია ფესტივალის Facebook-გვერდზე.

ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში  ეპიდუსაფრთხოების ყველა ნორმის დაცვით გაიმართება. 

ტრადიციულად „ამურის შემოდგომის“ ფარგლებში გაიმართა სრულმეტრაჟიანი და მოკლემეტრაჟიანი ფილმების, თეატრალური სპექტაკლების კონკურსებიი, ასევე მასტერ-კლასები და შემოქმედებითი საღამოები, კონცერტები და გამოფენები.

ფესტივალის სტუმრები და მონაწილეები იყვნენ რუსი კინემატოგრაფისტები, საზოგადო მოღვაწეები, მუსიკოსები, მხატვრები და ა.შ.

ანა ჯორჯაძის ფილმი „ბოცვერის თათი“ სამი ქვეყნის კოპროდუქციაა – რუსეთის, ბელგიისა და ფინეთის. ფილმში როლებს ასრულებენ პიერ რიშარი, ნიკოლა დუვოშელი, ევგენი ტკაჩუკი.

ფილმში მოქმედება ხდება 1990-იან წლებში, ე.წ. „პერესტროიკის“ პერიოდში. მთავარი პერსონაჟები არიან ფრანგი არქიტექტორი ნიკა და საბჭოთა ინტელიგენტი ალია, რომელთა შეხვედრა მათ ცხოვრებას მთლიანად ცვლის.

0
თემები:
ქართული კინო