ერთ-ერთ ლაბორატორიაში

დნმ-ის ექსპერტიზამ დაადასტურა - აღმოჩენილი ცხედარი თამარ ბაჩალიაშვილს ეკუთვნის

169
დღეს ცნობილი გახდა, რომ აშშ-ის გამოძიების ფედერალური ბიურო (Federal Bureau of Investigation, FBI) არ არის მზად ჩაერთოს 23 წლის პროგრამისტის გარდაცვალების გარემოებათა გამოძიებაში

თბილისი, 3 სექტემბერი — Sputnik. დნმ-ის ტესტის შედეგები ადასტურებს, რომ ავტომობილში ნამდვილად 23 წლის თამარ ბაჩალიაშვილის ცხედარი აღმოაჩინეს, განაცხადა პროკურორმა დავით გუმბერიძემ.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.

დნმ-ის კვლევის შედეგებს ბაჩალიაშვილის ოჯახის წევრები გაეცნენ.

„დნმ-თან დაკავშირებით, ის ეჭვები, რაც ოჯახს ჰქონდა გამოირიცხა. დადგინდა, რომ გარდაცვლილი წარმოადგენს მათ შვილს“, – განუცხადა ჟურნალისტებს დავით გუმბერიძემ.

ამასთან, გუმბერიძემ აღნიშნა, რომ ბაჩალიაშვილის ოჯახი გაეცნო ქიმიო-ტოქსიკოლოგიური ექსპერტიზის დასკვნას და პროკურატურა ამასთან დაკავშირებით კომენტარს უახლოეს დროს გააკეთებს.

თბილისის საქალაქო სასამართლოში დაღუპული გოგონას დედა გამოიკითხა. თეონა თამაზაშვილი გამოკითხეს მის განცხადებასთან დაკავშირებით, რომელიც მან 30 აგვისტოს გააკეთა. მისი განცხადებით, მისი ქალიშვილის გარდაცვალება უკავშირდება მთიან ყარაბაღში იარაღის მიწოდების სქემის გაშიფვრას.

მისი თქმით, თამარ ბაჩალიაშვილმა შეაღწია სამი მაღალჩინოსნის ფაილებში, რომლებიც კომპრომატებს შეიცავდა. ამ განცხადების შემდეგ თეონა თამაზაშვილი პროკურატურაში გამოკითხვაზე დაიბარეს, რაზეც მან უარი განაცხადა და გამოკითხვაზე მხოლოდ მაგისტრი მოსამართლის თანდასწრებით დათანხმდა.

გუმბერიძის თქმით, თეონა თამაზაშვილს დაუსვეს კითხვები, რომლებიც მის მიერ გაკეთებულ განცხადებებს და ინფორმაციის წყაროს ეხებოდა.

„დღევანდელი დაკითხვის მთავარი თემა გახდა ის განცხადება, რაც 30 აგვისტოს გააკეთა ქალბატონმა თეონა თამაზაშვილმა. ჩვენ დავუსვით კონკრეტული კითხვები, თუმცა მან ვერ დაასახელა კონკრეტული წყარო და საბოლოოდ მივიღეთ პასუხი, რომ ეს არის მისი ვარაუდი და ეჭვები ამ კონკრეტულ სისხლის სამართლის საქმეზე“, – აღნიშნა პროკურორმა.

თეონა რამაზაშვილი სასამართლოში ადვოკატ მიხეილ რამიშვილთან ერთად იმყოფებოდა.

დღესვე ცნობილი გახდა, რომ გამოძიების ფედერალური ბიურო (Federal Bureau of Investigation, FBI) არ არის მზად ჩაერთოს 23 წლის პროგრამისტის, თამარ ბაჩალიაშვილის გარდაცვალების გარემოებათა გამოძიებაში, ამის შესახებ საქართველოს სახალხო დამცველმა ნინო ლომჯარიამ გენერალურ პროკურატურაში შეხვედრის შემდეგ განაცხადა.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა“ და „თვითმკვლელობამდე მიყვანა“.

შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

169
თემები:
გახმაურებული სასამართლო პროცესები (128)
კაცი პისტოლეტით ხელში

ხაშურში კომპანიის მენეჯერმა ყოფილი თანამშრომელი მოკლა

49
(განახლებულია 16:03 19.09.2020)
ინციდენტის დროს მაღაზიის მენეჯერმა ჯერ ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა

თბილისი, 19 სექტემბერი – Sputnik. ხაშურის მუნიციპალიტეტში დანით შეიარაღებული მამაკაცი სამშენებლო კომპანიის ოფისში შეიჭრა - ის ამავე კომპანიის მენეჯერმა მოკლა, იუწყება „პირველი არხი“.

ტელეარხის ინფორმაციით, მენეჯერმა ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა. დაჭრილი მამაკაცი საავადმყოფოში მიყვანისთანავე გარდაიცვალა.

მოკლული ამავე კომპანიის ყოფილი თანამშრომელია.

შემთხვევა პარასკევს მოხდა.

გამოძიება სსკ-ის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით მიმდინარეობს.

49
თემები:
კრიმინალი საქართველოში
მგზავრები პირბადეებით

რამდენი ადამიანი დაჯარიმდა პირბადის ტარების წესის დარღვევისთვის

46
დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა 20 ლარიანი ჯარიმით ისჯება, იურიდიული პირი კი პირბადის გარეშე ადამიანის დაშვებისთვის 500 ლარით ჯარიმდება

თბილისი, 19 სექტემბერი — Sputnik. კორონავირუსის პანდემიის განმავლობაში, საქართველოში პირბადის ტარების წესის დარღვევის 9 884 შემთხვევა დაფიქსირდა, იუწყება საზოგადოებრივი მაუწყებლის პირველი არხი შსს-ზე დაყრდნობით.

აღნიშნული სტატისტიკა 2020 წლის 12 ივნისიდან 2020 წლის 31 აგვისტოს პერიოდს მოიცავს.

აღნიშნულ პერიოდში 5 107 ფიზიკური და ერთი იურიდიული პირი დაჯარიმდა, 4 776 პირს კი სიტყვიერი შენიშვნა ან გაფრთხილება მიეცა.

ადმინისტრაციულ სამართალდარღვევათა კოდექსში შესაბამისი ცვლილებები 12 ივნისს შევიდა. 42(11) მუხლის თანახმად, დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა ფიზიკური პირისთვის 20 ლარიან ჯარიმას ითვალისწინებს.

ხოლო დახურულ საჯარო სივრცეში პირბადის არმქონე პირის დაშვება აღნიშნული სივრცის მფლობელი იურიდიული პირის/ინდივიდუალური მეწარმის 500 ლარით დაჯარიმებას გამოიწვევს.

46
თემები:
COVID-19 საქართველოში
პაატა თედიაშვილი

„ჩემ ძმაკაცთან ვიყავი ორი დღე...“ რატომ ატირა პაატა თედიაშვილმა დედა

0
(განახლებულია 13:02 19.09.2020)
მომღერალი პაატა თედიაშვილი, რომელიც განსაკუთრებით პოპულარული გახდა სიმღერით „უნდა შემოვიდე ამაღამ შენში“, საზოგადოების გაოცებას არ წყვეტს.

მომღერალმა პაატა თედიაშვილმა „ფეისბუქზე” პიკანტური ფოტოსესია გამოაქვეყნა, რაც დღემდე საზოგადოების განსჯის საგანია.

View this post on Instagram

A post shared by Paata TediaSvili (@paatatediasvili) on

მომღერალმა გადაცემა „პროფილში“ განაცხადა, რომ როდესაც დედამისმა მისი ეს პიკანტური ფოტოები ნახა, ტირილი დაიწყო.

„დედას არ ჰქონდა ნანახი ეს ფოტოები და წინასწარ არ ვუთანხმდები ხოლმე, რადგან მისი აზრი ჩემთვის ძალიან მნიშვნელოვანია და შეიძლება ჩემი აზრიც კი შემაცვლევინოს. ამ პროვოკაციებს შემდეგ ნახულობს ხოლმე. ეს ფოტო რომ ნახა, ტირილი დაიწყო. მე ჩემ ძმაკაცთან ვიყავი ორი დღე, რომ გამენეიტრალებინა ეს ყველაფერი“, – ამბობს პაატა თედიაშვილი.

View this post on Instagram

A post shared by Paata TediaSvili (@paatatediasvili) on

ფოტოები სახელწოდებით – „პასო დობლე” ფოტოხელოვანმა დავით ტრაპაიძემ გადაიღო, შიშველი მომღერალი კი მარაოთი და „პასო დობლეს” ქუსლიანი ფეხსაცმლით პოზირებს.

0
თემები:
სელებრითების ცხოვრება