ნინო ლომჯარია

FBI უარს აცხადებს თამარ ბაჩალიაშვილის საქმის გამოძიებაში ჩართვაზე

208
საქართველოს სახალხო დამცველი გენერალურ პროკურორს შეხვდა და ყველა იმ კითხვაზე პასუხის მიღებას შეეცადა, რომელიც გარდაცვლილი გოგონას ოჯახს გააჩნია

თბილისი, 3 სექტემბერი — Sputnik. გამოძიების ფედერალური ბიურო (Federal Bureau of Investigation, FBI) არ არის მზად ჩაერთოს 23 წლის პროგრამისტის, თამარ ბაჩალიაშვილის გარდაცვალების გარემოებათა გამოძიებაში, განუცხადა ჟურნალისტებს საქართველოს სახალხო დამცველმა ნინო ლომჯარიამ გენერალურ პროკურატურაში შეხვედრის შემდეგ.

საქართველოს პროკურატურა ბაჩალიაშვილის საქმეზე ომბუდსმენთან თანამშრომლობისთვის მზად არის >>

ომბუდსმენი დღეს გენპროკურორ ირაკლი შოთაძეს შეხვდა. ლომჯარიამ მას დაუსვა რამდენიმე შეკითხვა, რომელიც ბაჩალიაშვილის მშობლებს მათი ქალიშვილის გარდაცვალების გამოძიებასთან დაკავშირებით აინტერესებს.

კერძოდ, ოჯახმა გამოძიებაში FBI-ს ჩართვა მოითხოვა. სწორედ ეს საკითხი განიხილა ლომჯარიამ შოთაძესთან ერთად.

„FBI აცხადებს, რომ ამ საქმის გამოძიება არ არის მათი კომპეტენცია. როგორც ვიცი, FBI-ს მხრიდან ამ ეტაპზე არ არის მზაობა, რომ გამოძიებაში ჩაერთოს. თუმცა, როგორც გენერალური პროკურატურა აცხადებს, მათ საერთაშორისო სამართლებრივი დახმარების ფარგლებში აქვთ მიმართული Google-თვის, Facebook-თვის და სხვა კომპანიისთვის“, - განაცხადა ლომჯარიამ.

ლომჯარიამ ასევე გაარკვია პროკურატურაში, შეუძლია თუ არა ოჯახს გოგონას ავტომობილის გადაადგილების თანამგზავრით გადაღებული ვიდეოკადრები მიიღოს.

„მათ განგვიცხადეს, რომ დაწყებულია მთელი რიგი მოქმედებები და ქმედებები, რომ მოპოვებული იყოს სატელიტის სურათები, თქვეს, რომ იყო გაგზავნილი მოთხოვნები და კვლავ გრძელდება ამ მიმართულებით მუშაობა“, - განაცხადა ომბუდსმენმა.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა“ და „თვითმკვლელობამდე მიყვანა“.

ადრე შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

208
თემები:
გახმაურებული სასამართლო პროცესები (128)
სამძებრო–სამაშველო ოპერაცია

ხობში 58 წლის მამაკაცი მდინარეში  დაიხრჩო

18
(განახლებულია 16:20 18.09.2020)
ცხედარი რამდენიმესაათიანი ძებნის შემდეგ მდინარე მუნჩიაში დღეს დილით იპოვეს. ამ დროისათვის ცხედარს ექსპერტიზა უტარდება.

 

თბილისი, 18 სექტემბერი - Sputnik. სამეგრელოში ხობის რაიონის სოფელ პირველ მაისში მდინარეში მამაკაცი დაიხრჩო, იუწყება ტელეკომპანია Rustavi 2.

გავრცელებული ინფორმაციით, 58 წლის მამაკაცი  მდინარეზე გუშინ წავიდა. სავარაუდოდ, ნასვამ მდგომარეობაში მყოფი მამაკაცი მდინარის დინებას ვერ გაუმკლავდა და დაიხრჩო. წინასწარი ინფორმაციით, მას გულის შეტევა დაემართა.

ცხედარი რამდენიმესაათიანი ძებნის შემდეგ მდინარე მუნჩიაში დღეს დილით იპოვეს.

ამ დროისათვის ცხედარს ექსპერტიზა უტარდება. მომხდარ ფაქტზე დაწყებულია გამოძიება.

18
თემები:
შემთხვევები საქართველოში
საქართველოს პროკურატურა

პროკურორი: ჩანაწერში ბაჩალიაშვილი ტყეში თვითმკვლელობით სიცოცხლის დასრულებაზე საუბრობს

65
(განახლებულია 15:42 18.09.2020)
ადრე შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა

თბილისი, 18 სექტემბერი - Sputnik. ვადასტურებთ, რომ თამარ ბაჩალიაშვილის საქმეში ნამდვილად მოიპოვება ვიდეო და აუდიომასალა, სადაც ის ტყეში თვითმკვლელობით სიცოცხლის დასრულებაზე საუბრობს, განაცხადა ბრიფინგზე პროკურორმა ამირან გულუაშვილმა.

დღეს პროკურატურაში გამართულ ბრიფინგზე განაცხადეს, რომ თამარ ბაჩალიაშვილის სიკვდილის მიზეზი მედიკამენტოზური ინტოკსიკაციაა და მის ცხედარს მექანიკური დაზიანების რამე ნიშნები, მათ შორის, ინექციის კვალი არ აღენიშნება. ექსპერტიზის შედეგების თანახმად კი დადგინდა, რომ პრეპარატების მოხვედრა თამარ ბაჩალიაშვილის კუჭ-ნაწლავის ტრაქტში შესაძლებელი იყო მხოლოდ საყლაპავი გზით და არა – ინექციის გზით.

პროკურორის განცხადებით, ის ვიდეომასალა, რომელიც ბაჩალიაშვილის  მობილური ტელეფონიდანაა მოპოვებული, მის მძიმე ფსიქოლოგიურ მდგომარეობას ასახავს.

„საქმეში ნამდვილად მოიპოვება როგორც ვიდეო, ისე აუდიომასალა, რომელიც საკმაოდ მძიმე საყურებელი და მოსასმენია. საქმეში ნამდვილად არსებობს აუდიოჩანაწერი, განხორციელებული თამარ ბაჩალიაშვილის მიერ, როდესაც ის განიხილავს ტყეში თვითმკვლელობის სიცოცხლის დასრულების შესაძლებლობას“, – განაცხადა პროკურორმა.

თამარ ბაჩალიაშვილის საქმეში არსებული ვიდეო-აუდიომასალების ჩანაწერები პროკურატურაში, დახურულ დარბაზში დღეს ჟურნალისტებს მოასმენინეს.

თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა. მათ მიაჩნიათ, რომ ეს მკვლელობა იყო, რომელიც თამარის სამსახურს უკავშირდება, რადგან მას ხელში გარკვეული კომპრომატი ჩაუვარდა.

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა" და „თვითმკვლელობამდე მიყვანა".

ადრე შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

65
თემები:
შემთხვევები საქართველოში
არჩილ თალაკვაძე

თალაკვაძე: არჩევნებზე დავამტკიცებთ, რომ საქართველო დემოკრატიული ფასეულობების ერთგულია

0
(განახლებულია 16:46 18.09.2020)
სწავლებაში, რომელიც ვაზიანის სამხედრო ბაზაზე 7 სექტემბრიდან მიმდინარეობდა, ხუთი ქვეყნის 2,8 ათასი სამხედრო მოსამსახურე მონაწილეობდა

თბილისი, 18 სექტემბერი - Sputnik. 2020 წლის სამართლიან და გამჭვირვალე საპარლამენტო არჩევნებზე კიდევ ერთხელ დავამტკიცებთ, რომ საქართველო ერთგულია დემოკრატიული ფასეულობების და სამართლიანად იმსახურებს ევროპული და ევროატლანტიკური სივრცის ღირსეულ და სრულფასოვან წევრობას, განაცხადა საქართველოს პარლამენტის თავმჯდომარე არჩილ თალაკვაძემ მრავალეროვნული სასარდლო–საშტაბო სწავლების „ღირსეული პარტნიორი 2020“ დასრულების ოფიციალურ ცერემონიაზე. 

თალაკვაძის განცხადებით,  საქართველოს ხელისუფლება მნიშვნელოვანი გამოწვევების წინაშე დგას –  გლობალური პანდემიით დაზარალებული ეკონომიკის აღდგენა,  ახალი სამუშაო ადგილების შექმნა და  მოქალაქეების კეთილდღეობის გაუმჯობესება.

„უსაფრთხოების დაცვით, დემოკრატიის გაძლიერებით და ეკონომიკის განვითარებით ჩვენ ვქმნით ჩვენი ქვეყნისა  და ჩვენი შვილების უკეთეს მომავალს! ეს არ არის მარტივი მისია, მაგრამ ჩვენ ერთად შევძლებთ ამის გაკეთებას“, - განაცხადა პარლამენტის თავმჯდომარემ.

დღეს  სამხედრო ბაზა „ვაზიანის“ ტერიტორიაზე რიგით მეხუთე მრავალეროვნული სასარდლო–საშტაბო სწავლება „ღირსეული პარტნიორის“ (Noble Partner)  საზეიმო დახურვის ცერემონია გაიმართა. სწავლება ნატოს ეგიდით 7 სექტემბერს დაიწყო – საქართველომ აშშ-სა და პარტნიორ ქვეყნებს შორის თავსებადობის სრულყოფაზე იმუშავა.  სწავლებაში ხუთი ქვეყნის 2,8 ათასი სამხედრო მოსამსახურე მონაწილეობდა.

მრავალეროვნული სამხედრო სწავლება „ღირსეული პარტნიორის" იზანია საქართველოს, აშშ-ის და პარტნიორ ქვეყნებს შორის მზადყოფნის და თავსებადობის ამაღლება. ასევე, სტაბილურობის, თავდაცვითი და შეტევით ოპერაციებში უნარ-ჩვევების გაუმჯობესება და შავი ზღვის აუზში უსაფრთხოების გარემოს შექმნაში წვლილის შეტანა.

ნატოსთან ერთობლივი წვრთნები „ღირსეული პარტნიორი“ ბოლოს 2019 წლის 27 ივლისი – 9 აგვისტოს ჩატარდა. რუსეთის საგარეო საქმეთა სამინისტროში არაერთხელ განაცხადეს, რომ მოსკოვი არ ეთანხმება თბილისის პოზიციას იმის თაობაზე, რომ სწავლება შავი ზღვის რეგიონში სტაბილურობას უწყობს ხელს.

0