სამგზავრო მიკროავტობუსი

შატილის გზაზე ხევში გადავარდნილ მიკროავტობუსს სერიოზული პრობლემები ჰქონდა

419
მოვლენებზე, რომლებიც შატილში მომხდარ ტრაგედიას უსწრებდა წინ, მიკროავტობუსის დაღუპული მძღოლის კოლეგამ ისაუბრა

თბილისი, 26 აგვისტო - Sputnik. მიკროავტობუსს, რომელიც შატილის გზაზე 80 მეტრის სიმაღლიდან გადაიჩეხა, შესაძლოა მუხრუჭებთან დაკავშირებით ჰქონდა პრობლემები, აღნიშნა დაღუპული მძღოლის კოლეგამ.

საგურამოს პოლიციის განყოფილებაში ავარიასთან დაკავშირებით დაკითხვები მიმდინარეობს. კერძოდ, მოვლენებზე, რომლებიც ტრაგედიას უსწრებდა წინ, რამაზ სებისკვერაძემ ისაუბრა, ადამიანმა, რომელმაც დუშეთის მუნიციპალიტეტში გზაზე გადაჩეხილი მიკროავტობუსის მძღოლს გზები ასწავლა.

მისი სიტყვებით, დაღუპული მძღოლი შატილის გზებს არ იცნობდა. გარდა ამისა, მიკროავტობუსს პრობლემები ჰქონდა მუხრუჭებთან.

სებისკვერაძე ამბობს, რომ იგი ტურისტების ჯგუფთან ერთად იმ დღეს ტურში იმყოფებოდა. გადავარდნილი მიკროავტობუსის მძღოლი მაშინ გამოტყდა, რომ არ იცნობდა გზებს, ამიტომ კოლეგამ შესთავაზა, მას გაჰყოლოდა.

„ამბობენ, რატომ გაუშვეს, წვიმა იყოო, ტალახიანი გზა არ ყოფილა, მტვერი ადიოდა. ჩემ წინ წამოვიდა, გაჩერდა და ისევ წამოვიდა. რომ ჩამოვედი, გაჩერებული იყო და ვკითხე, რა ხდება-მეთქი. არაფერი, „შიტოკს“ რაღაცა უჩხიკინებსო. შევეკითხე, მუხრუჭებმა ხომ არ გაგიცხელა-მეთქი, არაო. თუ გაგიცხელა, არ დამიმალო-მეთქი და არა არა, რა მუხრუჭი, წადიო. იძახიან, გამოცდილი მძღოლიაო, მე არ შევხვედრივარ“, – განაცხადა რამაზ სებისკვერაძემ.

ავტოსაგზაო შემთხვევის შედეგად 23 აგვისტოს 80-მეტრიანი სიმაღლიდან მიკროავტობუსი გადავარდა. დაიღუპა 17 ადამიანი, სამი კი მძიმე მდგომარეობაში თბილისის პირველ საუნივერსიტეტო კლინიკაში იმყოფება. მკურნალი ექიმის თქმით, შეინიშნება დადებითი დინამიკა.

შს სამინისტრომ გამოძიება სს კოდექსის 276-ე მუხლით დაიწყო - სატრანსპორტო საშუალების ექსპლუატაციის წესების დარღვევა, რამაც ადამიანის დაღუპვა გამოიწვია. დანაშაული ოთხიდან შვიდ წლამდე თავისუფლების აღკვეთას ითვალისწინებს.

419
თემები:
შემთხვევები საქართველოში (2128)
ხელბორკილი

13 წლის გოგონას გაუპატიურების საქმე: პროკურატურამ ბრალი მოზარდის დედას წარუდგინა

130
(განახლებულია 21:28 14.04.2021)
გავრცელებული ინფორმაციით, გოგონას დედისთვის ცნობილი გახდა მამაკაცის მიერ მისი შვილის გაუპატიურების ფაქტი, მაგრამ მან ამის შესახებ სამართალდამცველ ორგანოებს არ შეატყობინა.

თბილისი, 14 აპრილი – Sputnik. გორის მუნიციპალიტეტში მომხდარ სექსუალური ძალადობის ფაქტზე მიმდინარე გამოძიების ფარგლებში საქართველოს პროკურატურამ განსაკუთრებით მძიმე დანაშაულის შეუტყობინებლობის ფაქტზე არასრულწოვანი გოგონას დედას ბრალი წარუდგინა, ნათქვამია უწყების მიერ გავრცელებულ განცხადებაში. 

2021 წლის მარტში ცნობილი გახდა, რომ გორის მუნიციპალიტეტის ერთ-ერთ სოფელში 13 წლის მოზარდმა ბავშვი გააჩინა. საქმეზე პოლიციამ 50 წლის მამაკაცი დააკავა.

გამოძიებამ დაადგინა, რომ 2017 წლიდან 2020 წლამდე მამაკაცი არასრულწლოვანზე სისტემატურად ძალადობდა, შედეგად გოგონა დაორსულდა და ბავშვი გააჩინა.

გავრცელებული ინფორმაციით, გოგონას დედისთვის ცნობილი გახდა მამაკაცის მიერ მისი შვილის გაუპატიურების ფაქტი, მაგრამ მან ამის შესახებ სამართალდამცველ ორგანოებს არ შეატყობინა.

დაზარალებულის დედას ბრალი სსკ-ის 376-ე მუხლის მეორე ნაწილით წარედგინა (დანაშაულის შეუტყობინებლობა იმის მიერ, ვინც ნამდვილად იცის, რომ ჩადენილია განსაკუთრებით მძიმე დანაშაული), რაც სასჯელის სახედ სამიდან შვიდ წლამდე ვადით თავისუფლების აღკვეთას ითვალისწინებს.

სისხლის სამართლის საქმე ამ დროისათვის ძიების სტადიაშია. თავად მოძალადეს 8-დან 12 წლამდე პატიმრობა ემუქრება.

130
თემები:
კრიმინალი საქართველოში
სახანძრო

სენაკში ხანძარს შუახნის მამაკაცი ემსხვერპლა

32
(განახლებულია 21:17 14.04.2021)
ჯერჯერობით უცნობია, თუ რა გახდა საცხოვრებელ სახლში ხანძრის გაჩენის მიზეზი. შემთხვევის ადგილზე ოთხი სახანძრო–სამაშველო ბრიგადა იყო მობილიზებული.

თბილისი, 14 აპრილი – Sputnik. სენაკის მუნიციპალიტეტში ხანძრის შედეგად შუახნის მამაკაცი დაიღუპა, იუწყება „Sputnik-საქართველოს“ კორესპონდენტი.

გავრცელებული ინფორმაციით, საცხოვრებელ სახლში, სადაც ხანძარი გაჩნდა, მამაკაცი მარტო ცხოვრობდა.

შემთხვევის ადგილზე მისულ სახანძრო–სამაშველო ბრიგადებს, სამწუხაროდ, მამაკაცი გარდაცვლილი დახვდათ.

ამ დროისთვის ხანძარი ლიკვიდირებულია. ადგილზე ოთხი სახანძრო–სამაშველო ბრიგადა იყო მობილიზებული.

ხანძრის მიზეზს გამოძიება დაადგენს.

ნიკა ლატარია

32
თემები:
შემთხვევები საქართველოში (2128)
აშშ-ის დროშა

აშშ-ის ახალი ანტირუსული სანქციები სუვერენულ ვალს შეეხება

0
(განახლებულია 09:09 15.04.2021)
შეერთებული შტატები ახალი ანტირუსული სანქციების დაწესების თაობაზე სავარაუდოდ ხუთშაბათს გამოაცხადებს

თბილისი, 15 აპრილი — Sputnik. აშშ–ის ახალი ანტირუსული სანქციები ქვეყნის სუვერენული ვალის წინააღმდეგ იქნება მიმართული, იუწყება გაზეთი New York Times–ი წყაროებზე დაყრდნობით.

მანამდე სააგენტო „ბლუმბერგმა“ გავრცელა ინფორმაცია, რომ ვაშინგტონი შეზღუდვებს დაუწესებს რუსეთის თორმეტამდე მოქალაქესა და ოც ორგანიზაციას. გარდა ამისა, ქვეყნიდან გააძევებს ათ დიპლომატს.

ახალი სანქციები აშშ–ის არჩევნებში მოსკოვის სავარაუდო ჩარევისა და  SolarWinds–ის მეშვეობით განხორციელებული კიბერთავდასხმის გამო წესდება, რაც ასევე მიეწერება რუსი ჰაკერებს.

გამოცემის წყაროს ცნობით, შეზღუდვებს შეერთებული შტატები ხუთშაბათს გამოაცხადებს.

თავის მხრივ გაზეთი Wall Street Journal–ი წერს, რომ აშშ–ის პრეზიდენტი ჯო ბაიდენი გამოსცემს ბრძანებულებას სავაჭრო ოპერაციების აკრძალვების გაფართოების შესახებ ამერიკული ბანკების მიერ რუსეთის სახელმწიფო ობლიგაციებზე მომსახურების კუთხით.

მიმდინარე წლის იანვრის დასაწყისში აშშ-ის კიბერ- და ინფრასტრუქტურული უსაფრთხოების სააგენტომ (CISA), გამოძიების ფედერალურმა ბიურომ და სხვა ამერიკულმა სტრუქტურებმა ერთობლივი განცხადება გაავრცელეს, რომლის თანახმად, კომპიუტერული უსაფრთხოების ფირმა SolarWinds-ის კლიენტებზე ჰაკერული თავდასხმის უკან დიდი ალბათობით რუსეთი იდგა.

ვაშინგტონის ვარაუდით, შეტევის მიზანი, რომელიც სამთავრობო დაწესებულებებზე, მათ შორის, იუსტიციის სამინისტროზე, სახელმწიფო დეპარტამენტზე, უსაფრთხოების ეროვნულ ბიუროსა და ასევე ოთხას მსხვილ კომპანიაზე მიიტანეს, სადაზვერვო მონაცემების მიღება იყო. თუმცა მოგვიანებით გავრცელდა ინფორმაცია, რომ თავდასხმის ორგანიზატორებმა მიზანს ვერ მიაღწიეს.

0
თემები:
საერთაშორისო პანორამა