ლევან რატიანი

ყველაფერს ვაკეთებთ, რომ პაციენტები გამოჯანმრთელდნენ ლევან რატიანი შატილში დაშავებულებზე

297
(განახლებულია 18:23 26.08.2020)
პირველი საუნივერსიტეტო კლინიკის დირექტორის განცხადებით, პაციენტებთან ჩატარებული კლინიკურ-ლაბორატორიული კვლევების შედეგად უარყოფითი დინამიკა არ ვლინდება.

თბილისი, 26 აგვისტო – Sputnik. შატილის გზაზე 23 აგვისტოს მომხდარი ავტოსაგზაო შემთხვევის შემდეგ  გადარჩენილი სამი ახალგაზრდა ქალის ჯანმრთელობის ზოგადი მდგომარეობა სტაბილურია, განაცხადა ჟურნალისტებთან პირველი საუნივერსიტეტო კლინიკის გენერალურმა დირექტორმა ლევან რატიანმა.

პატრიარქმა შატილში დაღუპულთა ოჯახები გაამხნევა: უნუგეშობას არ უნდა მიეცნენ>>

დუშეთის მუნიციპალიტეტში, შატილისკენ მიმავალ გზაზე კვირა საღამოს ავტოკატასტროფაში 17 ადამიანი დაიღუპა, ხოლო სამი მძიმედ დაშავდა. ისინი ამჟამად პირველ საუნივერსიტეტო კლინიკაში იმყოფებიან.

„რამდენიმე დღის წინ სამი ქალბატონი პოლიტრავმით შემოიყვანეს ჩვენს კლინიკაში, ჩატარდა ყველა საჭირო კვლევა, კლინიკურად სამივესთან იდენტური დიაგნოზები დაისვა. პაციენტებთან ჩატარდა ინტერვენციული ოპერაცია, აქედან გამომდინარე, ლიკვიდირებულ იქნა პოლიტრავმის შედეგად გამოწვეული ტრავმული დაზიანებები. ამ ეტაპზე პაციენტების ზოგადი მდგომარეობა სტაბილურია. დადებითი დინამიკა გვაქვს მიღწეული სამივე მათგანთან გეოდინამიკის მართვის მხრივ“, – განაცხადა ლევან რატიანმა.

რატიანის თქმით, ორ პაციენტს ტრავმის შედეგად დაზიანებული ჰქონდა გულ-მკერდის ღრუ, ფილტვის ქსოვილი. შემოყვანისას სამივე მათგანთან იყო ღრმა კომა, ამ ეტაპზე კი სამივე მათგანთან გამოვლინდა ნევროლოგიური სტატუსის გაუმჯობესება, გამოჩნდა გუგის და ტრაქეის რეფლექსი, რქოვანას რეფლექსი, რაც იმას ნიშნავს, რომ ნევროლოგიური სტატუსის მხრივ პაციენტებთან დადებითი დინამიკა გაჩნდა.

„ჩატარებული კლინიკურ-ლაბორატორიული კვლევების შედეგად არ ვლინდება არც ერთთან უარყოფითი დინამიკა. ვიმედოვნებთ და ყველაფერს ვაკეთებთ იმისთვის, რომ ამ რთულ გზაზე, რაც მათ უნდა გაიარონ გამოჯანმრთელებამდე, არანაირი პრობლემა არ შეექმნათ და ყველაფერს ვაკეთებთ, რომ პაციენტები გამოჯანმრთელდნენ“, – განაცხადა რატიანმა.

შატილში მომხდარი ტრაგედიის გამო 25 აგვისტო საქართველოში გლოვის დღედ გამოცხადდა.

297
თემები:
შემთხვევები საქართველოში (1797)
სასწრაფო დახმარება

კასპში ხარმა თავისი პატრონი მოკლა

238
(განახლებულია 20:32 27.09.2020)
ახალგაზრდა მამაკაცმა საკუთარი ხარი საძოვარზე წაიყვანა, რამდენიმე ხნის შემდეგ მისი ცხედარი მწყემსმა იპოვა

თბილისი, 27 სექტემბერი – Sputnik. კასპის მუნიციპალიტეტის სოფელ ქვემო გომში უბედური შემთხვევა მოხდა - ახალგაზრდა მამაკაცი საკუთარმა ხარმა მოკლა.

ტელეარხ Formula-ს მონაცემებით, ახალგაზრდას ხარი საძოვარზე ჰყავდა გაყვანილი. გარკვეული დროის შემდეგ მისი ცხედარი მწყემსმა იპოვა.

როგორც შსს-ში განაცხადეს, სისხლის სამართლის საქმე სსკ-ის 116-ე მუხლის პირველი ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.

238
თემები:
შემთხვევები საქართველოში (1797)
პოლიციის ლენტი

თბილისში ახალგაზრდა მამაკაცი დაჭრეს

103
გამოძიება დაწყებულია სსკ-ის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს და სამ წლამდე ვადით თავისუფლების აღკვეთას ითვალისწინებს.

თბილისი, 27 სექტემბერი – Sputnik. ნაძალადევის რაიონში, დადიანის ქუჩაზე ახალგაზრდა მამაკაცი ცივი იარაღით დაჭრეს, იუწყება საზოგადოებრივი მაუწყებლის პირველი არხი.

შემთხვევა დღეს მოხდა. დაშავებულის მდგომარეობა სტაბილურია. ამ ეტაპზე ფაქტზე ჯერჯერობით არავინ არ დაუკავებიათ. ადგილზე ექსპერტ-კრიმინალისტები მუშაობენ.

გავრცელებული ინფორმაციით, მამაკაცი ირანის მოქალაქეა და დადიანის ქუჩაზე ქირით ცხოვრობდა. მისი დაჭრა კი ადგილობრივებთან სიტყვიერი კონფლიქტის შედეგად მოხდა.

გამოძიება დაწყებულია სსკ-ის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს და სამ წლამდე ვადით თავისუფლების აღკვეთას ითვალისწინებს.

103
თემები:
კრიმინალი საქართველოში
ნანიკო ხაზარაძე

„კარგად მაჭმევენ, წყნარად იყავი...“ - ნანიკო ხაზარაძის მამა პანსიონატიდან დედას მიმართავს

0
(განახლებულია 11:09 28.09.2020)
ყველასთვის საყვარელმა ტელეწამყვანმა ცოტა ხნის წინ სოციალურ ქსელში ქართული რეალობისთვის უჩვეულო განცხადება გაავრცელა

თბილისი, 28 სექტემბერი — Sputnik. ტელეწამყვანი ნანიკო ხაზარაძე მამის ვიდეოს აქვეყნებს, სადაც მისი მამა, ცნობილი პროფესორი დავით ხაზარაძე, რომელსაც ალცჰაიმერის დაავადება აქვს, პანსიონატიდან დედას მიმართავს.

ცნობილი ექიმი ვიდეოში დედას ეუბნება, რომ დაწესებულებაში კარგად კვებავენ და სანერვიულო არაფერი აქვს, ბაღში ვარჯიშობს კიდეც.

ტე­ლე­წამ­ყვან­მა ნა­ნი­კო ხა­ზა­რა­ძემ მამა, ცნობილი ექიმი და ლექტორი პან­სი­ო­ნატ­ში წა­იყ­ვა­ნა. ნა­ნი­კო ამის შე­სა­ხებ „ფე­ის­ბუქ­ის“ პირად გვერდზე წერდა და საზოგადოებას სთხოვდა, ამისთვის არ გაეკიცხათ.

ნა­ნი­კო აღ­ნიშ­ნავად, რომ მის მა­მას ალ­ცჰა­ი­მე­რის და­ა­ვა­დე­ბა აქვს და ოჯახმა გადაწყვიტა, რომ ის თავს უკეთ იგრძნობდა პანსიონატში, რადგან ამ მდგომარეობაში მისი თუნ­დაც მომ­ვლელ­თან ერ­თად სახ­ლში მარ­ტო და­ტო­ვე­ბა რის­კია.

სოციალური ქსელის მომხმარებლებისგან ტელეწამყვანმა მხოლოდ დადებითი გამოხმაურება მიიღო. საზოგადოების ნაწილმა საკუთარი გამოცდილებაც კი გაუზიარა ამ მძიმე სენთან ბრძოლაში და ნანიკოს გადაწყვეტილება შეუქო.

ნანიკო ხაზარაძე წლებია მედიასივრცის შეუცვლელი მუშაკია. კარიერა იმ პერიოდში დაიწყო, როდესაც საქართველოში მასმედია განვითარების პირველ საფეხურებს გადიოდა. პოპულარული ტელეწამყვანი ბევრი ადამიანის საყვარელ ტელესახედ იქცა. ცოტა ხნის წინ ტელეწამყვანმა ახალი საავტორო გადაცემა „საიმედო რეკომენდაციები“ დაიწყო. ტელესახე მხოლოდ საინტერესო რჩევებით არ შემოიფარგლება და მაყურებელს სხვადასხვა საყოფაცხოვრებო საკითხზე საკუთარ გამოცდილებას პირდაპირ ეთერში უზიარებს.

0
თემები:
სელებრითების ცხოვრება