Руки в наручниках. Задержание преступника

ტრაგედია თერჯოლაში: გარდაცვლილი ბავშვის მამას ბრალი ორი მუხლით წარედგინა

177
(განახლებულია 14:19 26.08.2020)
ბრალდებული არასრულწლოვან შვილზე სისტემატურად ძალადობდა, რამაც, სავარაუდოდ, მოზარდის თვითმკვლელობა გამოიწვია.

თბილისი, 26 აგვისტო – Sputnik. პროკურატურამ თერჯოლაში გარდაცვლილი 11 წლის მოზარდის მამას ბრალი თვითმკვლელობამდე მიყვანისა და ოჯახში ძალადობის მუხლებით წარუდგინა, ნათქვამია საქართველოს პროკურატურის მიერ გავრცელებულ განცხადებაში. 

23 აგვისტოს თერჯოლის მუნიციპალიტეტის სოფელ ძევრში 11 წლის მოზარდი საკუთარი სახლის ეზოში ხეზე ჩამომხრჩვალი იპოვეს.

გამოძიების ინფორმაციით, ალკოჰოლური თრობის ქვეშ მყოფი მამაკაცი არასრულწლოვან შვილზე სისტემატურად ძალადობდა, აყენებდა შეურაცხყოფას და ემუქრებოდა. მამის მხრიდან განხორცილებული ქმედებების შედეგად ბავშვი მუდმივი სტრესისა და შიშის ქვეშ იმყოფებოდა.

არასრულწლოვნის მამა სამართალდამცველებმა იმავე დღეს, 23 აგვისტოს დააკავეს.

დაკავებულს ბრალდება სისხლის სამართლის კოდექსის 126'-ე (ოჯახში ძალადობა წინასწარი შეცნობით არასრულწლოვნის მიმართ) და 11'.115-ე (თვითმკვლელობამდე მიყვანა) მუხლებით წარედგინა.

მოზარდის გარდაცვალებას გამოეხმაურა სახალხო დამცველი ნინო ლომჯარია, რომელმაც ტრაგედიაზე პასუხისმგებლობა დააკისრა ყველას, ვინც იცოდა ძალადობის ფაქტის შესახებ და არანაირი ზომა ამის აღსაკვეთად არ მიიღო.

177
თემები:
კრიმინალი საქართველოში (1109)
კაცი პისტოლეტით ხელში

ხაშურში კომპანიის მენეჯერმა ყოფილი თანამშრომელი მოკლა

45
(განახლებულია 16:03 19.09.2020)
ინციდენტის დროს მაღაზიის მენეჯერმა ჯერ ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა

თბილისი, 19 სექტემბერი – Sputnik. ხაშურის მუნიციპალიტეტში დანით შეიარაღებული მამაკაცი სამშენებლო კომპანიის ოფისში შეიჭრა - ის ამავე კომპანიის მენეჯერმა მოკლა, იუწყება „პირველი არხი“.

ტელეარხის ინფორმაციით, მენეჯერმა ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა. დაჭრილი მამაკაცი საავადმყოფოში მიყვანისთანავე გარდაიცვალა.

მოკლული ამავე კომპანიის ყოფილი თანამშრომელია.

შემთხვევა პარასკევს მოხდა.

გამოძიება სსკ-ის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით მიმდინარეობს.

45
თემები:
კრიმინალი საქართველოში (1109)
მგზავრები პირბადეებით

რამდენი ადამიანი დაჯარიმდა პირბადის ტარების წესის დარღვევისთვის

41
დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა 20 ლარიანი ჯარიმით ისჯება, იურიდიული პირი კი პირბადის გარეშე ადამიანის დაშვებისთვის 500 ლარით ჯარიმდება

თბილისი, 19 სექტემბერი — Sputnik. კორონავირუსის პანდემიის განმავლობაში, საქართველოში პირბადის ტარების წესის დარღვევის 9 884 შემთხვევა დაფიქსირდა, იუწყება საზოგადოებრივი მაუწყებლის პირველი არხი შსს-ზე დაყრდნობით.

აღნიშნული სტატისტიკა 2020 წლის 12 ივნისიდან 2020 წლის 31 აგვისტოს პერიოდს მოიცავს.

აღნიშნულ პერიოდში 5 107 ფიზიკური და ერთი იურიდიული პირი დაჯარიმდა, 4 776 პირს კი სიტყვიერი შენიშვნა ან გაფრთხილება მიეცა.

ადმინისტრაციულ სამართალდარღვევათა კოდექსში შესაბამისი ცვლილებები 12 ივნისს შევიდა. 42(11) მუხლის თანახმად, დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა ფიზიკური პირისთვის 20 ლარიან ჯარიმას ითვალისწინებს.

ხოლო დახურულ საჯარო სივრცეში პირბადის არმქონე პირის დაშვება აღნიშნული სივრცის მფლობელი იურიდიული პირის/ინდივიდუალური მეწარმის 500 ლარით დაჯარიმებას გამოიწვევს.

41
თემები:
COVID-19 საქართველოში
ილო ბეროშვილი ანი ბებია

„დიდი თავკომბალა ვყოფილვარ“ - ანი ბებიას შოკისმომგვრელი პოსტი

0
ერთ-ერთმა გამორჩეულმა მსახიობმა საკუთარ თავს თავკომბალა უწოდა და სკოლის პერიოდის სურათი გამოაქვეყნა. როგორ გამოიყურებოდა ილო ბეროშვილის მეუღლე პატარა ასაკში?

ანი ბებიას გულახდილობამ რამდენიმე მეგობრის კრიტიკა დაიმსახურა. ულამაზეს მსახიობს საკუთარი თავი ბავშვობაში არ მოსწონს და ძველი ფოტო მოულოდნელი სიტყვებით აღწერა. „ჰოი, დიდი თავკომბალა ბავშვი ვყოფილვარ“, - წერს პოპულარული მსახიობი. უმცროსი შვილის, ჯერი ბეროშვილის დაბადების შემდეგ, ანი ბებია ტელევიზიას დაუბრუნდა. ეს მისი კარიერის მანძილზე ერთ-ერთი გამორჩეულად სკანდალური განცხადებაა. ანი ბებია შეუდარებელი თვალებითა და გარეგნობით გამოირჩევა, თუმცა როგორც ჩანს, ყველაფერი არც ისე იდეალურადაა.

„მთავარი არხის“ დილის გადაცემის წამყვანმა ფეხმძიმობის პერიოდი არც ისე მარტივად გადალახა. თუმცა, ილო ბეროშვილისა და მათი მეგობრების წყალობით, ანის უამრავი დამხმარე ძალა გამოუჩნდა. ილო ბეროშვილის უფროსი ქალიშვილებიც არიან ძმის გაზრდაში აქტიურად ჩართულნი. ამის ამსახველი ფოტოები ანი ბებიამ რამდენიმე კვირის წინ გამოაქვეყნა. ჯერი პირველად „მთავარი არხის“ ოფიციალურ გვერდზე გამოჩნდა. ილო და ანი ამ არხის თანამშრომლები არიან. მათთვის ჯერი პირველი საერთო შვილია. ანის პირველი ქორწინებიდან შვილი არ ჰყოლია. ილოს კი პირველ ქორწინებაში ჟურნალისტ ნელი აგირბასთან ორი გოგონა ჰყავს. აპრილის ბოლოს მესამე ქორწინებიდან ნელი აგირბასაც შეეძინა მესამე შვილი.

ანი ბებიამ ბავშვობის სხვა ფოტოც გააზიარა. ამ სურათზე ის რამდენიმე თვის არის. დედასთან და უფროს ძმასთან ნიკა ბებიასთან ერთად პოზირებს. „ის პატარა რაღაც მე ვარ...“- დაწერა სერიალ „ხელოვნური სუნთქვის“ მსახიობმა. ამ ფოტოზე ჯერი ბეროშვილს ანი ბებიას ამსგავსებენ, თუმცა ანი საკუთარ ვაჟს საყვარელ მამაკაცს უფრო ადარებს.

ანი და ილო ოფიციალურ ქორწინებაში არ იმყოფებიან, თუმცა ცხოვრების მნიშვნელოვან ეტაპზე გადავიდნენ. ფეხმძიმობის შესახებ ანიმ პირველად ტელეპროექტ „მხოლოდ ქართულში“ განაცხადა. ილო ბეროშვილმა ორსულ მეუღლეს პირდაპირ ეთერში მუცელზე აკოცა და მაყურებელთან პირობა დადო, რომ „მხოლოდ ქართულის“ ოცდამესამე სეზონზე მის შვილს პროექტში იხილავდნენ. ანი ბებიამ პირდაპირ ეთერში განაცხადა, რომ პატარას სახელი მშობლებს უკვე შერჩეული აქვთ. „ბავშვს სახელი დიდი ხნის წინ შევურჩიეთ. არ ჰქონდა მნიშვნელობა გოგო იქნებოდა თუ ბიჭი, მას მაინც ამ სახელს დავარქმევდით. ჩემი გადაწყვეტილებით მას დავარქმევთ ჯერის, არაქართული სახელია და მე ძალიან მომწონს“, – განაცხადა ბებიამ.

0
თემები:
სელებრითების ცხოვრება