ფეხშიშველი ბავშვები

ბავშვებს თამაშისას 8 წლის გოგონა შემოაკვდათ: უბედური შემთხვევა თუ მომზადებული დანაშაული?

512
(განახლებულია 21:00 25.08.2020)
შეშინებულმა მოზარდებმა ცხედრის თავიდან მოშორება გადაწყვიტეს და კვალის დაფარვის მიზნით ის მდინარეში გადააგდეს.

თბილისი, 25 აგვისტო — Sputnik. რვა წლის გოგონა, რომლის ცხედარიც გამვლელებმა მდინარეში აღმოაჩინეს, თანატოლებთან სახიფათო თამაშის დროს დაიღუპა საძილე არტერიაზე ზეწოლის შედეგად, იუწყება უფის (ბაშკირეთი) პოლიცია.

წინასწარი მონაცემებით, გოგონას დედამ პოლიციას 22 აგვისტოს მიმართა, მას შემდეგ, რაც მისი შვილი შინ არ დაბრუნდა.

„ბავშვებმა თამაშის დროს, სავარაუდოდ, საძილე არტერიას მძლავრად მოუჭირეს. როდესაც მიხვდნენ, რომ გოგონა მოკვდა, გადაწყვიტეს ცხედარი თავიდან მოეშორებინათ, მას ტანსაცმელი გახადეს და მდინარეში ჩააგდეს“, — იუწყება წყარო.

მოგვიანებით დაღუპული ბავშვის სრულიად შიშველი სხეული ჩერნიკოვკას რაიონში იპოვეს. ცხედარს ქვედა ყბისა და ყელის მიდამოებში სისხლნაჟღენთები და დაჟეჟილობა აღენიშნებოდა.

ტრაგედიაში დამნაშავე 13 წლის ბიჭი აღმოჩნდა, რომელიც უკვე ყველაფერში გამოუტყდა პოლიციას. მისი თქმით, თამაშში გართულმა ბავშვებმა ვერც კი შენიშნეს, როგორ შეწყვიტა სუნთქვა გოგონამ. როდესაც მიხვდნენ, რომ ის მკვდარი იყო, შეშინებულებმა გაქცევა გადაწყვიტეს, თუმცა მერე ისევ უკან დაბრუნდნენ და უბედური შემთხვევის ინსცენირება მოაწყვეს. მოზარდები ფიქრობდნენ, რომ წყალში დახრჩობის სცენარს დიდი დამაჯერებლობა ექნებოდა, ამიტომაც გახადეს ბავშვს ტანსაცმელი და მდინარეში გადააგდეს. 

როგორც დაღუპული ბავშვის დედა ამბობს, მის შვილს სხვაგვარი ძალადობის კვალი არ ეტყობოდა და ის სუფთად და აკურატულად გამოიყურებოდა, თუმცა მისი ოქროს საყურეები და მობილური ტელეფონი სადღაც დაიკარგა.

„საიდან იცოდა 13 წლის ბიჭმა, სად არის საძილე არტერია და სად უნდა მოეჭირა ხელი? ვფიქრობ, რომ ის ამისთვის მომზადებული იყო“, — განუცხადა მან ადგილობრივ ტელეარხს.

ამ დროისათვის პოლიცია თამაშის მონაწილე ყველა მოზარდის მიმართ აწარმოებს გამოძიებას.

512
სასწრაფო დახმარება

კასპში ხარმა თავისი პატრონი მოკლა

238
(განახლებულია 20:32 27.09.2020)
ახალგაზრდა მამაკაცმა საკუთარი ხარი საძოვარზე წაიყვანა, რამდენიმე ხნის შემდეგ მისი ცხედარი მწყემსმა იპოვა

თბილისი, 27 სექტემბერი – Sputnik. კასპის მუნიციპალიტეტის სოფელ ქვემო გომში უბედური შემთხვევა მოხდა - ახალგაზრდა მამაკაცი საკუთარმა ხარმა მოკლა.

ტელეარხ Formula-ს მონაცემებით, ახალგაზრდას ხარი საძოვარზე ჰყავდა გაყვანილი. გარკვეული დროის შემდეგ მისი ცხედარი მწყემსმა იპოვა.

როგორც შსს-ში განაცხადეს, სისხლის სამართლის საქმე სსკ-ის 116-ე მუხლის პირველი ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.

238
თემები:
შემთხვევები საქართველოში
პოლიციის ლენტი

თბილისში ახალგაზრდა მამაკაცი დაჭრეს

103
გამოძიება დაწყებულია სსკ-ის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს და სამ წლამდე ვადით თავისუფლების აღკვეთას ითვალისწინებს.

თბილისი, 27 სექტემბერი – Sputnik. ნაძალადევის რაიონში, დადიანის ქუჩაზე ახალგაზრდა მამაკაცი ცივი იარაღით დაჭრეს, იუწყება საზოგადოებრივი მაუწყებლის პირველი არხი.

შემთხვევა დღეს მოხდა. დაშავებულის მდგომარეობა სტაბილურია. ამ ეტაპზე ფაქტზე ჯერჯერობით არავინ არ დაუკავებიათ. ადგილზე ექსპერტ-კრიმინალისტები მუშაობენ.

გავრცელებული ინფორმაციით, მამაკაცი ირანის მოქალაქეა და დადიანის ქუჩაზე ქირით ცხოვრობდა. მისი დაჭრა კი ადგილობრივებთან სიტყვიერი კონფლიქტის შედეგად მოხდა.

გამოძიება დაწყებულია სსკ-ის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს და სამ წლამდე ვადით თავისუფლების აღკვეთას ითვალისწინებს.

103
თემები:
კრიმინალი საქართველოში
ნანიკო ხაზარაძე

„კარგად მაჭმევენ, წყნარად იყავი...“ - ნანიკო ხაზარაძის მამა პანსიონატიდან დედას მიმართავს

0
(განახლებულია 11:09 28.09.2020)
ყველასთვის საყვარელმა ტელეწამყვანმა ცოტა ხნის წინ სოციალურ ქსელში ქართული რეალობისთვის უჩვეულო განცხადება გაავრცელა

თბილისი, 28 სექტემბერი — Sputnik. ტელეწამყვანი ნანიკო ხაზარაძე მამის ვიდეოს აქვეყნებს, სადაც მისი მამა, ცნობილი პროფესორი დავით ხაზარაძე, რომელსაც ალცჰაიმერის დაავადება აქვს, პანსიონატიდან დედას მიმართავს.

ცნობილი ექიმი ვიდეოში დედას ეუბნება, რომ დაწესებულებაში კარგად კვებავენ და სანერვიულო არაფერი აქვს, ბაღში ვარჯიშობს კიდეც.

ტე­ლე­წამ­ყვან­მა ნა­ნი­კო ხა­ზა­რა­ძემ მამა, ცნობილი ექიმი და ლექტორი პან­სი­ო­ნატ­ში წა­იყ­ვა­ნა. ნა­ნი­კო ამის შე­სა­ხებ „ფე­ის­ბუქ­ის“ პირად გვერდზე წერდა და საზოგადოებას სთხოვდა, ამისთვის არ გაეკიცხათ.

ნა­ნი­კო აღ­ნიშ­ნავად, რომ მის მა­მას ალ­ცჰა­ი­მე­რის და­ა­ვა­დე­ბა აქვს და ოჯახმა გადაწყვიტა, რომ ის თავს უკეთ იგრძნობდა პანსიონატში, რადგან ამ მდგომარეობაში მისი თუნ­დაც მომ­ვლელ­თან ერ­თად სახ­ლში მარ­ტო და­ტო­ვე­ბა რის­კია.

სოციალური ქსელის მომხმარებლებისგან ტელეწამყვანმა მხოლოდ დადებითი გამოხმაურება მიიღო. საზოგადოების ნაწილმა საკუთარი გამოცდილებაც კი გაუზიარა ამ მძიმე სენთან ბრძოლაში და ნანიკოს გადაწყვეტილება შეუქო.

ნანიკო ხაზარაძე წლებია მედიასივრცის შეუცვლელი მუშაკია. კარიერა იმ პერიოდში დაიწყო, როდესაც საქართველოში მასმედია განვითარების პირველ საფეხურებს გადიოდა. პოპულარული ტელეწამყვანი ბევრი ადამიანის საყვარელ ტელესახედ იქცა. ცოტა ხნის წინ ტელეწამყვანმა ახალი საავტორო გადაცემა „საიმედო რეკომენდაციები“ დაიწყო. ტელესახე მხოლოდ საინტერესო რჩევებით არ შემოიფარგლება და მაყურებელს სხვადასხვა საყოფაცხოვრებო საკითხზე საკუთარ გამოცდილებას პირდაპირ ეთერში უზიარებს.

0
თემები:
სელებრითების ცხოვრება