საზოგადოებრივი მაუწყებლის შენობა

„პირველი არხის“ ხელმძღვანელობა ბომბის შესახებ ზართან დაკავშირებით გამოკითხეს

72
(განახლებულია 16:02 25.08.2020)
პოლიცია გამოძიებას შეუდგა, რომელმაც უნდა დაადგინოს, ვინ და რა მიზნით ცდილობდა ტელეარხის მუშაობის ჩაშლას.

თბილისი, 25 აგვისტო — Sputnik. საზოგადოებრივი მაუწყებლის შენობაში ბომბის შესახებ ცრუ შეტყობინებასთან დაკავშირებით პოლიციამ არხის გენერალური დირექტორის მოვალეობის შემსრულებელი თინათინ ბერძენიშვილი და მიმდინარე ამბების ბლოკის დირექტორი გიორგი გვიმრაძე გამოკითხა, იუწყება „პირველი არხი“.

„პირველი არხის“ შენობაში, შესაძლოა, ბომბია>>

პირველი არხის „ცხელ ხაზზე“ უცნობმა პირმა დარეკა და განაცხადა, რომ შენობაში ბომბია. ტელეკომპანიის ადმინისტრაციამ სასწრაფოდ გაიყვანა შენობიდან თანამშრომლები და ზარის შესახებ შსს-ს აცნობა. ფაქტზე გამოძიება ტერორიზმის შესახებ ცრუ შეტყობინების მუხლით დაიწყო.

„გამოძიება დაიწყო ამ ფაქტზე. დეტალურად მოვუყევით, რა მოხდა ზარის შემოსვლის მერე, შემდეგ განვითარებული პროცესები. შენობის დათვალიერებას და შემოწმებას ვგულისხმობ. ჩვენი მხრიდან ყველა ინფორმაცია იყო მიწოდებული, ასევე ამოღებულია ჩანაწერი ტელეფონიდან, სადაც ეს შეტყობინება შემოვიდა“, – განაცხადა ბერძენიშვილმა.

გვიმრაძის განცხადებით, ჯერჯერობით არ არის იდენტიფიცირებული პირი, რომელმაც არხის „ცხელ ხაზზე“ დარეკა.

„აინტერესებდათ, რა ინფორმაციას ვფლობთ მიღებულ შეტყობინებასთან დაკავშირებით, რა დროს გავიგე ამ შეტყობინების შესახებ. გამოძიება დაწყებულია და მიმდინარეობს ტერორიზმის შესახებ ცრუ შეტყობინების მიმართულებით. ამ დროისთვის, სამწუხაროდ, ჯერ არ არის იდენტიფიცირებული ზარის განმახორციელებლის ვინაობა, თუმცა ვიმედოვნებთ, რომ უახლოეს ხანებში გახდება ცნობილი“, – განაცხადა გვიმრაძემ.

გამოკითხვა ერთ საათზე მეტხანს გაგრძელდა.

სამართალდამცველები შენობაში ოთხ საათზე მეტხანს მუშაობდნენ. ადგილზე იმყოფებდნენ გამნაღმველები. მიუხედავად საგამოძიებო მოქმედებებისა, საზოგადოებრივი მაუწყებლის ტელევიზია და რადიო შეუფერხებლად მუშაობდა.

72
თემები:
შემთხვევები საქართველოში (1791)
სასწრაფო დახმარება რუსთავში

რუსთავში „კარფურის“ მშენებლობაზე მუშა დაშავდა

71
(განახლებულია 19:23 24.09.2020)
წინასწარი ინფორმაციით, მუშა სამშენებლო სამუშაოების შესრულებისას ამობრუნებულმა ამწემ ქვეშ მოიყოლა.

თბილისი, 24 სექტემბერი - Sputnik. რუსთავში,  სავაჭრო ცენტრ „კარფურის“ მშენებლობაზე მუშა დაშავდა, იუწყება საქართველოს „პირველი არხი“.

სამშენებლო სამუშაოს შესრულებისას ამწე ამობრუნდა და, სავარაუდოდ, მუშა ქვეშ მოიყოლა.

დაშავებული სასწრაფო სამედიცინო დახმარების ჯგუფმა კლინიკა „რუსთავში“ გადაიყვანა.

ადგილზე მობილიზებული იყო საპატრულო და კრიმინალური პოლიცია.

შინაგან საქმეთა სამინისტროს ცნობით, ფაქტზე გამოძიება სსკ-ს 170-ე მუხლით დაიწყო, რაც შრომის დაცვის წესების დარღვევას გულისხმობს.

საქართველოს გაერთიანებული პროფკავშირების მონაცემებით, წელიწად-ნახევარში (2018 წელი და 2019 წლის იანვარი-ივნისი) სამუშაო ობიექტებზე დაიღუპა 84 და დაშავდა 270 მუშა.

71
თემები:
შემთხვევები საქართველოში (1791)
სასწრაფო დახმარება

გურიაში ყურძნით დატვირთული მიკროავტობუსი ხევში გადავარდა

93
(განახლებულია 21:21 24.09.2020)
ჩოხატაურის უღელტეხილზე მომხდარი ავტოსაგზაო შემთხვევის შედეგად, რომლის მიზეზი ჯერჯერობით უცნობია, ორი ადამიანი დაშავდა.

თბილისი, 24 სექტემბერი — Sputnik. ლანჩხუთის რაიონში მიკროავტობუსი დაახლოებით 8-მეტრიან ხევში გადავარდა.

ავტოსაგზაო შემთხვევის შედეგად, რომელიც ჩოხატაურის უღელტეხილზე მოხდა, ორი ადამიანი დაშავდა. მიკროავტობუსი ყურძნით იყო დატვირთული.

ექვსი თვის საშიში სტატისტიკა: რამდენი ადამიანი დაიღუპა საქართველოში ავარიების შედეგად>>

რა გახდა ავარიის მიზეზი უცნობია.

შინაგან საქმეთა სამინისტროს ინფორმაციით, მომხდარზე გამოძიება სსკ-ის 276-ე მუხლით დაიწყო.

93
თემები:
შემთხვევები საქართველოში (1791)
მოალერსე წყვილი

ზოდიაქოს სამი იღბლიანი ნიშანი ვის გაუმართლებს სასიყვარულო ასპარეზზე ოქტომბერში

0
(განახლებულია 11:53 24.09.2020)
ზოდიაქოს ზოგიერთი თანავარსკვლავედის წარმომადგენლებისთვის შემოდგომის შუა პერიოდი ძალზე ხელსაყრელი იქნება სიყვარულის თვალსაზრისით

ამ სამი ნიშნის წარმომადგენლებს ელოდება საბედისწერო შეხვედრა, რომელიც მათ დიდ სიყვარულსა და ბედნიერებას მოუტანს. ისინი სიყვარულის „მორევში“ ჩაიძირებიან.

როგორ ამჟღავნებენ სიყვარულს ზოდიაქოს ნიშნები>>

კურო

კუროები ოქტომბერში შეხვდებით ადამიანს, რომელიც თქვენს გულს დაიპყრობს. დიდი ხანია, ასეთ სიყვარულს ეძებთ და ამ თვეში მიაღწევთ საწადელს – თქვენს გულში რომანტიკული გრძნობებისა და ემოციების ქარცეცხლი დატრიალდება. კუროების ცხოვრებაში ასეთი შეხვედრები ხშირად არ ხდება – მეორე ნახევარს თვითონ სამყარო გამოგიგზავნით, თქვენ კი ეს შანსი ხელიდან არ უნდა გაუშვათ.

სასწორი

ოქტომბერში სასწორის ნიშნის წარმომადგენლებმა საკუთარ ინტუიციას გულდასმით უნდა მოუსმინოთ. სწორედ ის მიგანიშნებთ, როგორ უნდა იმოქმედოთ და რას უნდა მიაქციოთ ყურადღება. შემდეგ კი თქვენი გადასაწყვეტი იქნება – მოიპოვოთ ბედნიერება, თუ მარტო დარჩეთ. სასწორებისთვის ეს შეხვედრა საბედისწერო იქნება, ამიტომ დიდხანს ფიქრი არ ღირს.

როგორი სიყვარული იციან ზოდიაქოს ნიშნებმა>>

მერწყული

მერწყულები ხშირად იძირებით საკუთარ ფიქრებში. ამ დროს კი ნამდვილად ღირს, აქეთ–იქით გაიხედოთ. ამ შემთხვევაში დაინახავთ, რომ თქვენი მეორე ნახევარი სულაც არაა შორს, არამედ გვერდით დგას. ეს ადამიანი შეიძლება თქვენი ახლო გარემოცვიდან იყოს. შესაძლოა, ის არ გამოირჩევა სხვა ადამიანებისგან, მაგრამ სწორედ მას უწერია, თქვენი ბედი გახდეს. თუ ასტროლოგების რჩევებს გაითვალისწინებთ, ოქტომბერში საოცარი ბედნიერება გელოდებათ.

0