წყალდიდობის შედეგები ბათუმში

ბათუმში ქუჩები და სახლები დაიტბორა - გზებზე კილომეტრიანი საცობებია

223
(განახლებულია 17:06 23.08.2020)
სინოპტიკოსების მონაცემებით, რამდენიმე საათში აჭარაში ნალექის ექვსთვიანი ნორმა მოვიდა, რამაც ქუჩების დატბორვა გამოიწვია

თბილისი, 23 აგვისტო - Sputnik. ბათუმში ორდღიანი გადაუღებელი წვიმების გამო დატბორილია რამდენიმე ქუჩა, იუწყება საზოგადოებრივი მაუწყებლის პირველი არხი.

კომპანია „ბათუმის წყლის“ ინფორმაციით, პრობლემები შეიქმნა ხიმშიაშვილის, ლერმონტოვის, შავშეთის, გრიბოედოვისა და ჭავჭავაძის ქუჩებზე. ასევე, გრიბოედოვისა და ბაგრატიონის ქუჩებზე რამდენიმე საცხოვრებელი სახლი დაიტბორა. დაზიანებულია საყოფაცხოვრებო ნივთები.

პარალიზებულია ბათუმი-მახინჯაურის დამაკავშირებელი გზა, რის გამოც მრავალკილომეტრიანი საცობი შეიქმნა. ადგილზე პოლიციის თანამშრომლებია მობილიზებული.

ბათუმის მერიის ინფორმაციით, საგანგებო რეჟიმში მუშაობს მერიის ყველა სამსახური. მობილიზებულია „ბათუმის წყლის“ სპეცტექნიკა და სანიაღვრე ქსელის ჯგუფები.

მთელი ღამის განმავლობაში ინტენსიურად მიმდინარეობდა ამოტუმბვითი სამუშაოები. სამუშაოები ამ წუთებშიც გრძელდება. სანიაღვრე წყლების შეუფერხებლად გადინების მიზნით, ზღვაში გამსვლელი არხები ინტენსიურად იწმინდება.

კომპანია „ბათუმის წყალში“ აცხადებენ, რომ სანიაღვრე არხები წინასწარ იყო გაწმენდილი და გახსნილი, მაგრამ იმ რაოდენობით ნალექი მოვიდა, რომ შეუძლებელი იყო ჭებს გაეტარებინა. მობილიზებულია ბათუმის წყლის სპეციალური ტექნიკა, სანიაღვრე ქსელის ჯგუფები და ამ წუთებში მიმდინარეობს სამუშაოები.

„ჭების თავზე დაგროვილმა ნაგავმა რომ არ შექმნას გამტარუნარიანობის მხრივ პრობლემა, ვასუფთავებთ. 24 საათის განმავლობაში ჯგუფები მობილიზებული გვეყოლება იმ ადგილებში, სადაც პრობლემაა“, – განაცხადეს „ბათუმის წყალში“.

შუადღის მონაცემებით, ცხელ ხაზზე 16 შეტყობინება შევიდა. აჭარაში ახლაც წვიმს.

სინოპტიკოსების მონაცემებით, რამდენიმე საათში აჭარაში ნალექის ექვსთვიანი ნორმა მოვიდა, რამაც ქუჩების დატბორვა გამოიწვია. თუმცა 5-ბალიანი შტორმის შესახებ ინფორმაციას უარყოფენ. ხვალ ბათუმსა და ქობულეთში მზიანი ამინდია მოსალოდნელი.

223
თემები:
უამინდობა საქართველოში (299)
გაზის მილები

„თბილისი ენერჯი": საცხოვრებელი კორპუსი დიდ აფეთქებას გადაურჩა - იყავით ყურადღებით

349
თემქაზე მდებარე კორპუსის ერთ-ერთ საცხოვრებელ ბინაში გაზის დანადგარები რემონტის გამო იყო მოხსნილი, ბუნებრივი აირი კი ღიად დატოვებული მილებიდან ჟონავდა

თბილისი, 20 იანვარი - Sputnik. თემქაზე მდებარე კორპუსის ერთ-ერთ ბინაში გაზი დაგროვდა და მაღალი კონცეტრაციის შემდეგ სადარბაზოში გაჟონა, თუმცა სწრაფი რეაგირების შედეგად სადარბაზო აფეთქებას გადაურჩა. ინფორმაციას „თბილისი ენერჯი“ ავრცელებს.

კომპანიაში განმარტავენ, რომ თემქის მე-11 მიკრორაიონიდან გაზის გაჟონვის შესახებ ცხელ ხაზზე ზარი შევიდა, რის შემდეგაც ადგილზე „თბილისი ენერჯის“ სწრაფი რეაგირების სამსახურის თანამშრომლები მივიდნენ.

„სწრაფი რეაგირების სამსახურის თანამშრომლებს ერთ-ერთ საცხოვრებელ ბინაში ასეთი სურათი დახვდათ - აღმოჩნდა, რომ ფართში გაზის დანადგარები რემონტის გამო მოუხსნიათ, ცენტრალური ონკანი კი არავის გადაუკეტავს. გაზი ღიად დატოვებული მილებიდან ჟონავდა“, - აცხადებენ კომპანიაში.

ინფორმაციაში ნათქვამია, რომ ბინაში შემთხვევით შუქის ან ასანთის ანთების შედეგად შესაძლოა მთელი კორპუსი აფეთქებულიყო.

„რომ არა მეზობლების ყურადღება, რომლებმაც ცხელ ხაზზე დარეკეს, ახლა ჩვენ ქალაქში ერთი უპასუხისმგებლო ადამიანის ქმედების გამო ტრაგედია დატრიალდებოდა“, - ნათქვამია გავრცელებულ ინფორმაციაში.

„თბილისი ენერჯი“ - თბილისში ერთ დღეში აფეთქებას სამი კორპუსი გადაურჩა>>

გაზმომარაგების კომპანია მოსახლეობას მოუწოდებს, რომ დანადგარები უყურადღებოდ არ დატოვონ და დარწმუნდნენ გაზგაყვანილობის გამართულობაში.

349
თემები:
შემთხვევები საქართველოში
თურქეთის პოლიცია

თურქეთში საქართველოს მოქალაქე დააკავეს

58
(განახლებულია 14:35 20.01.2021)
გავრცელებული ინფორმაციით, დაზარალებული პირი ასაკოვანი მამაკაცია, რომელსაც მეხსიერების პრობლემები აქვს.

თბილისი, 20 იანვარი – Sputnik. თურქეთში საქართველოს მოქალაქე 100-ზე მეტი ერთეული უძრავი ქონების უკანონოდ მითვისების ბრალდებით დააკავეს, იუწყება ტელეკომპანია „რუსთავი 2“.

გავრცელებული ინფორმაციით, ექვსმა პირმა, მათ შორის საქართველოს მოქალაქემ, მუღლის პროვინციაში მცხოვრები 84 წლის მამაკაცის საკუთრებაში არსებული ქონება მიითვისა. დაზარალებულ მოხუცს მეხსიერების პრობლემები აქვს.

პოლიციამ დაკავებულთა ნაწილი ჩვენების მიცემის შემდეგ გაათავისუფლა, ხოლო სამი პირის, მათ შორის, საქართველოს მოქალაქის საქმე სასამართლოს გადაეცა.

58
პლიტვიცეს ჩანჩქერი

მერწყული რთული, ორიგინალური, თავისუფლებისმოყვარე ზოგადი დახასიათება

0
(განახლებულია 10:42 20.01.2021)
მერწყული ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლებიც მუდამ ახალი შეგრძნებების ძიებაშია არიან

მერწყულის ნიშნით იბადებიან 21 იანვარი – 19 თებერვლის პერიოდში.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

მერწყული (Aquarius) – ჰაერის სტიქიის ნიშანია, რომელსაც ერთდროულად ორი პლანეტა – ურანი და სატურნი მართავს. ის ზოდიაქოს თანავარსკვლავედის ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლები მუდამ ახალი შეგრძნებების ძიებაშია არიან. თავად მერწყულის ნიშანშია ჩადებული შინაგანი კონფლიქტი – ისინი მუდმივად ისწრაფვიან თავისუფლებისკენ, ახალი გამოცდილების, ახალი ინფორმაციის მიღებისკენ. ამ ნიშნის წარმომადგენლები იდეური ადამიანები არიან, რომლებიც თავისი იდეალიზმის პრიზმაში ატარებენ ამორალურ საქციელსაც, ან ყველაზე წარმოუდგენელი სექსუალური გამოცდილების ფორმებსაც კი. სხვათა შორის, სწორედ ამ ნიშის წარმომადგენლები ადვილად მეგობრობენ ყოფილ საყვარლებთან, რადგან სექსს ურთიერთობების ბუნებრივად ბაზად მიიჩნევენ.

მერწყულები, ერთი შეხედვით, კეთილი, რბილი და მერყევი ადამიანები ჩანან. ისინი ყოველთვის მზად არიან დახმარებისთვის, დიდად აფასებენ მეგობრობას და ძალიან უყვართ ყოფის, ადამიანის არსებობის საიდუმლოებების შესწავლა – მათი ნატურის ფილოსოფიური შემადგენელი სამყაროზე მათ არასტანდარტულ შეხედულებას განსაზღვრავს. მერწყულები, გამოხატავენ რა სიძულვილს მატერიალური ფასეულობების, პათოსისა და ფუფუნების მიმართ, გულის სიღრმეში ძალზე დამოკიდებული არიან კონფორტსა და ფულზე, თუმცა, მათი ძირითადი იდეოლოგია ეხება ადამიანთა თანასწორობისა და დემოკრატიის იდეას, როგორც უმაღლეს ფასეულობას.

მერწყულები ყოველთვის ორიგინალობისკენ ისწრაფვიან, რომელიც, პირდაპირი მნიშვნელობით, ყველაფერში გამოიხატება – აზროვნების სტილიდან დაწყებული, ცხოვრების სტილამდე დამთავრებული. მათ თავიანთი მიღწევების სახალხოდ ჩვენება არ უყვართ, თუმცა ძალიან უყვართ, როცა მათი ინდივიდუალობა ღირსეულად ფასდება. ამ ნიშნის წარმომადგენლების მთავარი სულიერი პრობლემაა მთელი ინფორმაციის „შესრუტვა“ და ამის აღქმა, როგორც უმაღლესი ფასეულობისა, მაგრამ ამ ინფორმაციას ყოველთვის არა აქვს სათანადო და ღირსეული გამოყენება. ხშირად, ეზოთერულისა და ირაციონალურისადმი მიდრეკილებას მერწყულები მიჰყავს ისეთ პროფესიებთან, როგორიცაა ფოკუსების ოსტატი და მსახიობი. ამას გარდა, ისინი ძალიან კარგად შეიგრძნობენ ხელოვნებას და ხასიათის რომანტიკული წყობით გამოირჩევიან.

ზოდიაქოს ამ სამი ნიშნით ყველაზე ცოტა ადამიანი იბადება>>

მერწყულების სუსტი მხარეებია: ინფანტილიზმი, ჩანაფიქრის ბოლომდე მიყვანის უუნარობა, ნებისმიერი სოციალური ზღუდისა და ჩარჩოს უარყოფის სურვილი, სასოწარკვეთილების დროს და მაშინ, როდესაც ვერ უგებენ, დემონსტრირება იმისა, რომ ისინი უარყოფილნი არიან და სხვებს არ ჰგვანან.

მერწყული მამაკაცი

მამაკაცი მერწყულები ზეპასუხისმგებლიანი ადამიანები არიან, ამავდროლად, არასტანდარტული აზროვნებით გამოირჩევიან. მათ უყვართ გარისკვა, ექსპერიმენტები, გამოირჩევიან იუმორის ორიგინალური გრძნობით.

ურთიერთობებში მერწყული ზედაპირული ჩანს, თუმცა ხანდახან მისი ექსტრავაგანტულობა და რევოლუციონერობა არ გამორიცხავს წყნარი ნავსაყუდელისკენ სწრაფვას. ლამაზი ქალის დაპყრობის ფაქტი ხანდახან მისთვის ფიზიკურ ტკბობაზე მნიშვნელოვანია.

მერწყული მამაკაცი სამუშაოს თავდადებით ეკიდება, სანამ ის მისი თავისუფლების შეზღუდვას არ იწყებს – მერწყული თავს თავდაჯერებულად და კომფორტულად გრძნობს, როდესაც თავს არ ახვევენ პირობითობებსა და სტანდარტულ სქემებს.

ზოდიაქოს ყველაზე გულწრფელი ნიშნები>>

მერწყული ქალი

ქალი მერწყულები უშუალო, კომუნიკაბელური არიან, შეუძლიათ შთაბეჭდილების მოხდენა და სიმყუდროვის ატმოსფეროს შექმნა. კარგად ეხერხებათ მრავაფეროვნების შეტანა ინტიმურ ცხოვრებაში, ძნელია მათი შოკირება უხამსი წინადადებებით ან გამოუვალ სიტუაციაში ჩაყენება – მერწყული ქალები, არიან რა ყოველდღიურობაში მშვიდი და ყურადღებიანი, ძალზე კრეატიულნი არიან ეროტიკული თვალსაზრისით.

ქალი მერწყულები იცვამენ ორიგინალურად და ექსტრავაგანტულად და მოდას ძალზე მწვავედ შეგრძნობენ – ეს მათი ერთ–ერთი ძლიერი მხარეა. მათ უყვართ ხმაურიანი კომპანიები, ყურადღება, განსაკუთრებული ადგილები მოცალეობის ჟამს და იმ ადამიანების გარემოცვაში ყოფნა, ვისთანაც დროს მხიარულად და საინტერესოდ გაატარებენ.

სიყვარულში მერწყული ქალი მთლიანად იხარჯება, თავგანწირვით ხატავს იდეალისტურ სურათს. ამავდროულად, ძალზე მომთხოვნია და გულწრფელობასა და ერთგულებას მოითხოვს. ის ძალზე გულნატკენი რჩება საყვარელი მამაკაცის უყურადღებით მაშინ, როცა თვითონ, თუნდაც ყურებამდე იყოს შეყვარებული, ინტრიგაზე უარს არ ამბობს. მერწყულ ქალებს ბრუტალური, უხეში მამაკაცები არ იზიდავს, ჩვეულებრივ, მათთვის მნიშნელოვანია სულიერი კავშირი საყვარელ ადამიანთან.

2021 წლის ჰოროსკოპი: მერწყული – ფინანსები, სიყვარული, ჯანმრთელობა>>

მერწყულის შეთავსება სხვა ნიშნებთან

მერწყულისთვის საუკეთესო იქნება კავშირი კირჩხიბთან, ტყუპთან და სასწორთან – ამ ნიშნების წარმომადგენლები ურთიერთობებში ასევე აფასებენ დახვეწილობასა და დეტალებს.

რთული, მაგრამ ცეცხლოვანი კავშირია მოსალოდნელი ვერძებთან და თავისივე ნიშნის წარმომადგენლებთან.

ასტროლოგების მოსაზრებით, ცუდია მერწყულის კავშირი მორიელთან და ლომთან, რომელთა საქმიანობა და აქტიურობა რამდენადმე მისტიკურ და იდუმალ მერწყულში გამოძახილს ვერ ჰპოვებს.

მერწყულის ნიშნით დაიბადნენ გამოჩენილი ადამიანები:

ვოლფგანგ ამადეუს მოცარტი, ჩარლზ დიკენსი, ვირჯინია ვულფი, აბრაამ ლინკოლნი, ანტონ ჩეხოვი, ანა პავლოვა, კრისტიან დიორი, პაკო რაბანი, კლარკ გეიბლი, ანჯელა დევისი, იოკო ონო, ჯონ ტრავოლტა, ჯასტინ ტიმბერლეიკი, ეშტონ კატჩერი, ჯენიფერ ენისტონი და სხვა.

0