წყალდიდობა სვანეთში

სვანეთში ექვსი სოფელი გარესამყაროსაა მოწყვეტილი

112
(განახლებულია 12:45 23.08.2020)
გუშინ ლენტეხის მუნიციპალიტეტში უხვი ნალექის გამო სამი მდინარე - ლასკადურა, ჩორშურა და მუხრა ადიდდა, რის შედეგადაც გარესამყაროს ხუთი სოფელი მოწყდა

თბილისი, 22 აგვისტო - Sputnik. სტიქიისა და უხვი ნალექის შედეგად სვანეთში ექვსი სოფელი გარესამყაროს მოწყდა.

მდინარის ადიდების შედეგად გარესამყაროს მოწყდა მესტიის მუნიციპალიტეტის სოფელი ადიში. წაღებულია 400-მეტრიანი სამანქანე გზა. ასევე, ადიდდა და კალაპოტიდან გადავიდა ოთხი ღელე.

სტიქიის შედეგად, გზები დაიტბორა ლენჯერის თემსა და სოფელ მულახშიც. ამ დროისთვის ლენჯერსა და მულახში გზის გაწმენდითი სამუშაოები მიმდინარებს. გზის აღსადგენად სპეციალური ტექნიკა მუშაობს სოფელ ადიშთანაც.

გუშინ ლენტეხის მუნიციპალიტეტში უხვი ნალექის გამო სამი მდინარე - ლასკადურა, ჩოლშურა და მუხრა ადიდდა, რის შედეგადაც გარესამყაროს მოწყდა ხუთი სოფელი - დურაში, საყდარი, ესიერი, ტვიდი და მუცდი.

ლენტეხის მუნიციპალიტეტის მერის ბადრი ლიპარტელიანის განცხადებით, სოფლებთან დამაკავშირებელ გზებზე  დაწყებულია სამუშაოები, თუმცა უცნობია, როდის მოხდება მიმოსვლის აღდგენა.

„ორ ოჯახს დასჭრიდა დახმარება მედიკამენტების კუთხით. მათთვის საჭირო წამლები უკვე შევიძინეთ და მოქალაქეებს სამაშველო ჯგუფების დახმარებით მივაწვდით, რომლებსაც დროებითი საბაგიროები აქვთ გაჭიმული.  ასევე, გზაშია მძიმე ტექნიკა, რომელიც გზის გაწმენდის სამუშაოებში ჩაერთვება”, – განაცხადა  ლიპარტელიანმა.

ამ დროისთვის ხუთივე სოფლის მოსახლეობას ელექტროენერგია მიეწოდება.

საქართველოში უამინდობა 24 აგვისტომდეა მოსალოდნელი.

112
თემები:
უამინდობა საქართველოში (309)
პოლიციის ლენტი

კახეთში დაკარგული პენსიონერის ცხედარი იპოვეს

80
(განახლებულია 22:45 24.02.2021)
ხანდაზმული მამაკაცის ცხედარი მისი გარდაცვალების მიზეზების დასადგენად ექსპერტიზის ბიუროში გადაასვენეს.

თბილისი, 24 თებერვალი – Sputnik. პოლიციამ კახეთში რამდენიმე დღის წინ უგზოუკვლოდ დაკარგული 69 წლის მამაკაცის ცხედარი იპოვა, იუწყება ტელეარხი „იმედი“.

პენსიონერის ცხედარი სარწყავ არხში ნახეს. ის უკვე გადასვენებულია გურჯაანში, სამხარაულის სახელობის სასამართლო-სამედიცინო ექსპერტიზის ბიუროში.

თელავის მუნიციპალიტეტის სოფელ ფშაველის მკვიდრი ანზორ პეტროსიანი სახლიდან რამდენიმე დღის წინ გავიდა, მას შემდეგ ის აღარავის უნახავს.

შსს-მ გამოძიება „თვითმკვლელობამდე მიყვანის“ მუხლით დაიწყო.

80
საქართველოს პროკურატურა

შატილის გზაზე მომხდარი საზარელი ავარია: რა დაადგინა გამოძიებამ

43
შსს-ს ინფორმაციით, დაკავებულებს ბრალი ედებათ ტექნიკურად გაუმართავი ტრანსპორტის საექსპლუატაციოდ გაშვებაში, რამაც ორი ან მეტი ადამიანის სიცოცხლის მოსპობა გამოიწვია

თბილისი, 24 თებერვალი – Sputnik. შატილის გზაზე, სოფელ ბისოს მიმდებარე ტერიტორიაზე მომხდარ ავტოსაგზაო შემთხვევასთან დაკავშირებით დაკავებულ ორ პირს ბრალი წარედგინა, ნათქვამია საქართველოს პროკურატურის მიერ გავრცელებულ განცხადებაში.

2020 წლის 23 აგვისტოს ხევსურეთის გაზე, დუშეთის მუნიციპალიტეტის სოფელ ბისოს მიმდებარე ტერიტორიაზე ავტოავარიის შედეგად საექსკურსიო მიკროავტობუსი, რომელშიც 20 მგზავრი იმყოფებოდა, 80 მეტრის სიმაღლიდან გადავარდა. ადგილზე დაიღუპა 17 ადამიანი, მათ შორის მძღოლი და გიდი. სამი ადამიანი კი მძიმედ დაშავდა.

სამართალდამცველებმა ტურისტული კომპანია შპს „თრეველ ჯის“ დირექტორი - 1986 წელს დაბადებული შ.ბ. და ამავე კომპანიის მიერ დაქირავებული სამგზავრო მიკროავტობუსის მესაკუთრე - 1966 წელს დაბადებული გ.გ. დღეს დააკავეს.

როგორც გამოძიებით დადგინდა, მიკროავტობუსის მესაკუთრემ გ.გ-მ და ტურისტული კომპანიის დირექტორმა შ.ბ.-მა, როგორც სატრანსპორტო საშუალების ტექნიკური მდგომარეობისთვის პასუხისმგებელმა პირებმა, ექსპლუატაციაში გაუშვეს ტექნიკურად გაუმართავი მიკროავტობუსი, რამაც საგზაო-სატრანსპორტო შემთხვევა გამოიწვია.

ასევე, მოპოვებული მტკიცებულებების საფუძველზე დადგინდა, რომ მიკროავტობუსის წინა სამუხრუჭე სისტემა ტექნიკურად გაუმართავი იყო. მიკროავტობუსის ტექნიკური მახასიათებლით დადგენილი 15 მგზავრის ნაცვლად კი კუსტარულად დამონტაჟებული სავარძლებით, სატრანსპორტო საშუალებას, მძღოლის გარდა, 19 მგზავრი გადაჰყავდა.

  • „მგზავრთა უსაფრთხოების ღვედები დამონტაჟებული იყო მავთულებით, კუსტარულად, მიკროავტობუსს გავლილი არ ჰქონდა ტექნიკური ინსპექტირება. სწორედ მითითებული დარღვევებიდან გამომდინარე, სატრანსპორტო საშუალება არ აკმაყოფილებდა ტექნიკური ინსპექტირებისთვის საჭირო მოთხოვნებს“, - ნათქვამია განცხადებაში.

დაკავებულებს ბრალდება ტექნიკურად გაუმართავი ტრანსპორტის საექსპლუატაციოდ გაშვებისთვის წარაედგინათ, რამაც 17 პირის სიცოცხლის მოსპობა და სამი პირის ჯანმრთელობის მძიმე დაზიანება გამოიწვია.

საქმე საქართველოს სისხლის სამართლის კოდექსის 277-ე მუხლის პირველი და მე-3 ნაწილებით მიმდინარეობს, რაც სასჯელის სახედ და ზომად 6-დან 10 წლამდე თავისუფლების აღკვეთას ითვალისწინებს.

შატილის გზაზე ხევში გადავარდნილ მიკროავტობუსს სერიოზული პრობლემები ჰქონდა>>

საქართველოს პროკურატურა უსამძიმრებს გარდაცვლილთა ოჯახებს, თანაგრძნობას გამოხატავს დაზარალებულების მიმართ და აცხადებს, რომ სახელმწიფო ბრალდების მხარდაჭერა მათი კანონიერი ინტერესების დასაცავად იქნება მიმართული.

43
თემები:
კრიმინალი საქართველოში

თოვლი და ლიპყინული თბილისის გზებზე: მძღოლებს სიფრთხილე მართებთ - ვიდეო

0
თბილისის ქუჩები თოვლით დაიფარა, დაბალი ტემპერატურის გამო კი გზები მოიყინა. იხილეთ Sputnik-საქართველოს ვიდეოში, როგორ გამოიყურებოდა დედაქალაქის ერთ-ერთი ქუჩა ღამით

მძღოლებს ასეთ ამინდში მაქსიმალური სიფრთხილე მართებთ. ლიპყინული და თოვლი გამოცდილი მძღოლებისთვისაც კი საშიშია, საქართველოში კი ზამთრის საბურავებს დიდი ნაწილი არ იყენებს და მთელი წლის განმავლობაში ზაფხულის საბურავებით გადაადგილდება.

ამიტომ ოთხშაბათს საღამოს ქალაქის სხვადასხვა წერტილებში უამრავი ავარია მოხდა. ღამით თბილისში -6 გრადუსი იქნება, ხოლო დღისით 0 - +1, მოსალოდნელია თოვაც. კვირის ბოლოს კი კარგი ამინდია მოსალოდნელი.

 

0