ნიკოლოზ ბასილაშვილი

ბასილაშვილს ბრალი არ დამძიმებია: გენპროკურატურა ინფორმაციას უარყოფს

201
(განახლებულია 10:40 22.08.2020)
ბასილაშვილის ადვოკატის თქმით, არასამთავრობო ორგანიზაციის მიერ გავრცელებული ინფორმაცია მორიგი ფსიქოლოგიური ზეწოლაა სპორტსმენზე მნიშვნელოვანი ტურნირის წინ

თბილისი, 22 აგვისტო ― Sputnik. საქართველოს გენერალურმა პროკურატურამ უარყო საერთაშორისო ორგანიზაცია „პარტნიორობა ადამიანის უფლებებისთვის“ მიერ გავრცელებული ინფორმაცია იმის შესახებ, რომ ჩოგბურთელ ნიკოლოზ ბასილაშვილს ბრალი დაუმძიმდა. აღნიშნული ორგანიზაცია სპორტსმენის ექს-მეუღლის, ნელი დოროყაშვილის ინტერესებს წარმოადგენს.

ორგანიზაცია იუწყებოდა, რომ ბასილაშვილს ბრალი დაუმძიმდა და ის ასევე დამნაშავედ ცნეს დოროყაშვილზე ფსიქოლოგიურ და ეკონომიკურ ძალადობაში. 

„ჩოგბურთელს 126-ე პრიმა მუხლის მეორე „ბე“ ქვეპუნქტით ედება ბრალი, რაც გულისხმობს ოჯახში ძალადობას არასრულწლოვნის თანდასწრებით, მისივე ოჯახის წევრის მიმართ“, – განაცხადეს პროკურატურაში.

რაც შეეხება ნელი დოროყაშვილის ინტერესების დამცველი ორგანიზაციის მიერ გავრცელებულ ინფორმაციას, მის სათაურში გამოტანილი სიტყვები, რომ ნიკოლოზ ბასილაშვილს ბრალი დაუმძიმდა, ტექსტის შინაარსს არ ემთხვეოდა. მასში საუბარი იყო არა ბრალის დამძიმებაზე, არამედ ბრალის დაზუსტებაზე.

„საქართველოს პროკურატურამ გაიზიარა „პარტნიორობა ადამიანის უფლებებისთვის“ მოთხოვნა და ნიკოლოზ ბასილაშვილის მიმართ გამოტანილი ბრალდების შესახებ დადგენილება დააზუსტა“, ― ნათქვამი იყო ტექსტში.

როგორც ბასილაშვილის ადვოკატმა ირმა ჭკადუამ განმარტა, დოროყაშვილის უფლებადამცველების მიერ ცინცინატის ღია პირველობამდე ორი დღით ადრე გავრცელებული „აბსურდული ინფორმაცია მორიგი ფსიქოლოგიური ზეწოლაა მსოფლიოს 27-ე ჩოგანზე“.

ნიკოლოზ ბასილაშვილის საქმეზე მორიგი სასამართლო პროცესი 20 ოქტომბერსაა ჩანიშნული.

201
თემები:
გახმაურებული სასამართლო პროცესები (129)
პატრული

ფონიჭალაში 11 ნარკორეალიზატორი დააკავეს

36
(განახლებულია 12:19 23.09.2020)
ბრალის დამტკიცების შემთხვევაში ნარკორეალიზატორებს 20 წლამდე ან უვადო თავისუფლების აღკვეთა ემუქრებათ

 

თბილისი, 23 სექტემბერი — Sputnik. სამართალდამცველებმა ნარკოტიკული საშუალების უკანონო შეძენა-შენახვა-გასაღების ბრალდებით ფონიჭალის დასახლებაში  11 ნარკორეალიზატორი დააკავეს, იუწყება შინგან საქმეთა სამინისტრო. 

გამოძიებით დადგინდა, რომ ბრალდებულები ნარკოტიკულ საშუალებებს სისტემატურად ყიდდნენ. სამართალდამცველებმა, მოსამართლის განჩინების საფუძველზე, რამდენჯერმე განახორციელეს ბრალდებულებისგან ნარკოტიკული საშუალება „ჰეროინის“ საკონტროლო შესყიდვა და აღნიშნული შესყიდვების ფარული აუდიო-ვიდეოჩაწერა.
პოლიციამ დაკავებულების პირადი და საცხოვრებელი სახლების ჩხრეკისას ნარკოტიკული საშუალება „ჰეროინი“,  თანხა და მობილური ტელეფონები ამოიღო.

ბრალის დამტკიცების შემთხვევაში  დაკავებულებს  8-დან 20 წლამდე ან უვადო თავისუფლების აღკვეთა ემუქრებათ.

განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღების ფაქტებზე გამოძიება სსკ-ის 260-ე მუხლის პირველი ნაწილით, მე-3 ნაწილის „ა“ ქვეპუნქტით, მე-4 ნაწილით, მე-5 და მე-6 ნაწილების „ა“ ქვეპუნქტით მიმდინარეობს.

36
თემები:
ნარკოდანაშაული საქართველოში
ოქროს ნაკეთობები

თურქეთის მოქალაქეს საქართველოში არადეკლარირებული ძვირფასეულობა შემოჰქონდა

30
(განახლებულია 15:45 23.09.2020)
ბრალის დამტკიცების შემთხვევაში დაკავებულს სასჯელის სახით ხუთიდან შვიდ წლამდე ვადით თავისუფლების აღკვეთა ემუქრება.

თბილისი, 23 სექტემბერი – Sputnik. ფინანსთა სამინისტროს საგამოძიებო სამსახურის თანამშრომლებმა საქართველოს საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ფაქტზე თურქეთის მოქალაქე დააკავეს, ნათქვამია უწყების მიერ გავრცელებულ განცხადებაში.

გამოძიების ცნობით, ბრალდებულმა საბაჟო-გამშვები პუნქტი „სარფის" გავლით მალულად შემოიტანა განსაკუთრებით დიდი ოდენობით არადეკლარირებული ოქროს ნაკეთობები. უწყების ცნობით, ამოღებულია 300 გრამამდე ძვირფასეულობა, რომლის საერთო საბაჟო ღირებულება 35 ათას ლარს აღემატება.

გამოძიება საქართველოს სსკ-ის 214-ე მუხლით მიმდინარეობს, რაც სასჯელის სახით ითვალისწინებს თავისუფლების აღკვეთას ხუთიდან შვიდ წლამდე ვადით.

30
თემები:
კრიმინალი საქართველოში
ირაკლი კობახიძე

კობახიძე: როგორც არ შეიძლება პედოფილი დააბრუნო საბავშვო ბაღის გამგედ, ასევე არ შეიძლება...

0
(განახლებულია 14:37 23.09.2020)
მმართველი პარტია „ქართული ოცნების“ დეპუტატი და აღმასრულებელი მდივანი ირაკლი კობახიძე  ოპოზიციურ სპექტრზე საუბრობს.
კობახიძე: როგორც არ შეიძლება პედოფილი დააბრუნო საბავშვო ბაღის გამგედ, ასევე არ შეიძლება...
„როდესაც ხარ სუსტი, ასეთ დროს იწყება რღვევა და ამის შედეგია მუდმივი კინკლაობა და დაპირისპირება არა მხოლოდ „ნაცმოძრაობის“ განშტოებებს შორის, არამედ თვითონ პარტიების შიგნითაც. „ნაცმოძრაობის“ შიგნით არის სამი განშტოება, რომლებიც ერთმანეთს იმაზე მეტად ვერ იტანენ, ვიდრე შეიძლებ სხვა ვერ იტანდეს მათ. შიგნით მიდის მძიმე პროცესები და ეს იმის შედეგია, რომ მძიმე მდგომარეობაში არიან საარჩევნო კუთხით“, -ამბობს კობახიძე.

მისი თქმით,  არსებობს გარკვეული ტიპის დანაშაულები, რომლებიც პოლიტიკოსს არა მხოლოდ იმიტომ არ უნდა ეპატიოს, რომ მას პოლიტიკაში დარჩენის უფლება არ ჰქონდეს, არამედ ეს დანაშაულები მეტყველებს იმაზე, რომ ასეთი ადამიანები ასეთ დანაშაულებს აუცილებლად გაიმეორებენ.

 

0