სამხარაულის სახელობის სასამართლო ექსპერტიზის ცენტრი

ექსპერტიზა:  ბაჩალიაშვილის სისხლში ოთხი სახის მედიკამენტი გამოვლინდა

362
(განახლებულია 19:24 21.08.2020)
იმ ოთხი  სახეობის პრეპარატიდან, რომლებიც გარდაცვლილი გოგონას სისხლში გამოვლინდა, ერთი ქართულ სააფთიაქო ქსელში არ იყიდება

თბილისი, 21 აგვისტო - Sputnik. 23 წლის თამარ ბაჩალიაშვილის ცხედრის ექსპერტიზის შუალედური დასკვნის მიხედვით, მის სისხლში ალკოჰოლის, ნარკოტიკული და ფსიქოტროპული საშუალებების კვალი არ ფიქსირდება, განაცხადა თამარ ბაჩალიაშვილის ოჯახის ადვოკატმა მიხეილ რამიშვილმა.

23 წლის პროგრამისტი თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. ოჯახი გოგონას დაღუპვას მის საქმიანობას უკავშირებს და ძირითადი ვერსიის – თვითმკვლელობის არ სჯერა.

რამიშვილის განცხადებით,  დასკვნაში ასახულია, რომ თამარ ბაჩალიაშვილის სხეულში ანთების საწინააღმდეგო საშუალებების კვალია აღმოჩენილი.

„ეს არის ექსპერტიზის შუალედური დასკვნა, რომელიც ასახავს თამუნას ორგანიზმში მედიკამენტების არსებობა/არ არსებობას. დასკვნაში ასახულია, თუ რა მედიკამენტები იყო მის ორგანიზმში. ესენია ანთების საწინააღმდეგო საშუალებები და ეს ალბათ, ასახული იქნება საბოლოო დასკვნაში, რამაც უნდა დაადგინოს, რამ გამოიწვია სიკვდილი, რა დოზით არის ესა თუ ის მედიკამენტი და მთავარი, სად არის ეს მედიკამენტი – კუჭში თუ სისხლში“, -განაცხადა ადვოკატმა.

მედიაში გავრცელებული ინფორმაციით, ბაჩალიაშვილის სისხლში აღმოჩენილია გარკვეული მედიკამენტების კვალი, მათ შორისაა წნევის დამწევი საშუალების, ანთებისა და ალერგიის საწინააღმდეგო პრეპარატები.  შუალედურ დასკვნაში მედიკამენტების დოზა მითითებული არ არის და ის სავარაუდოდ, დოკუმენტის საბოლოო პასუხში ჩაიწერება, თუმცა დასახელებულია ოთხი  სახეობის პრეპარატი, მათ შორის ერთი ქართულ სააფთიაქო ქსელში არ იყიდება.

ბაჩალიაშვილის იდუმალებით მოცული გარდაცვალება: ახალი სკანდალი საქმეში>>

ბაჩალიაშვილის საქმეზე გამოძიება მიმდინარეობს ორი მუხლით: „თავისუფლების უკანონო აღკვეთა“ და „თვითმკვლელობამდე მიყვანა“.

რამდენიმე დღის წინ შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა. გარდა ამისა, მის ცხედართან ნაპოვნია ბარათი ჩანაწერით, რომ საბანკო ანგარიშზე თანხაა. ამ ანგარიშზე 75 ათასი ლარი აღმოჩნდა.

362
თემები:
კრიმინალი საქართველოში (1124)
კომპიუტერის მომხმარებელი

ბაჩალიაშვილის საქმე: სკანდალური ფოტოების გამომგზავნი პატიმრობაშია

53
ბრალდების ვერსიით, ფურცხვანიძემ ადვოკატისგან შემთხვევის ადგილის კოორდინატები შეიტყო, მოიპოვა ძველი სატელიტური ფოტოები და მათი გადაღების თარიღი გააყალბა.

თბილისი, 25 სექტემბერი – Sputnik. თბილისის საქალაქო სასამართლომ შეუფარდა პატიმრობა დავით ფურცხვანიძეს, რომელსაც ბრალად ედება გარდაცვლილი პროგრამისტის, თამარ ბაჩალიაშვილის საქმის სამხილების გაყალბება და კომპიუტერულ სისტემაში უკანონო შეღწევა, იუწყება პირველი არხი.

სასამართლომ სრულად დააკმაყოფილა პროკურატურის შუამდგომლობა, რომელიც აცხადებდა, რომ თავისუფლებაზე მყოფმა დაკავებულმა შეიძლება ქვეყანა დატოვოს, რადგან მას აქვს ნაყიდი ავიაბილეთი და უცხოურ ბანკში ანგარიშზე თანხაც გააჩნია.

ადვოკატები გირაოს მოითხოვდნენ და აცხადებდნენ, რომ ფურცხვანიძე აპირებდა წასვლას მივლინებაში, და არა სამუდამოდ.

ფურცხვანიძე პარასკევს დააკავეს. იყო დაღუპული პროგრამისტის თამარ ბაჩალიაშვილის ოჯახის ადვოკატის მიხეილ რამიშვილის წყარო. საუბარია ე.წ. სატელიტურ ფოტოებზე, რომლებიც რამიშვილმა გაავრცელა. ფოტოებზე, რომლებიც 19–22 ივლისითაა დათარიღებული, ჩანს, რომ გოგონას ავტომობილი იმ ადგილზე არ იდგა, სადაც გარდაცვლილი 22 ივლისს აღმოაჩინეს.

დაკითხვა საპროტესტო აქციის ფონზე - სკანდალი ბაჩალიაშვილის საქმის ირგვლივ არ წყდება >>

პროკურატურამ დაადგინა, რომ ფურცხვანიძემ, რომელიც ხელმძღვანელობს არასამთავრობო ორგანიზაცია „უსაფრთხოების პრობლემების ანტიკრიზისულ ცენტრს“, საკუთარი ორგანიზაციის რეკლამირებისა და დაფინანსების მიღების მიზნით გააყალბა მტკიცებულებები, რომლებიც გაამყარებდა ოჯახის ვერსიას იმის შესახებ, რომ დაღუპული გოგონას ავტომობილი იმ ადგილზე იმ დღეს მიიყვანეს, როცა გარდაცვლილი იპოვეს.

ბრალდების ვერსიით, ფურცხვანიძე დაუკავშირდა რამიშვილს და სთხოვა შემთხვევის ადგილის კოორდინატების მიწოდება. 7 სექტემბერს დავით ფურცხვანიძემ სოციალურ ქსელ „სკაიპის” მეშვეობით მიიღო პროგრამა zoom.earth-ის 2019 წლის ნოემბრის შესაბამისი კოორდინატების სატელიტური ფოტოსურათები და განიზრახა აღნიშნული ფოტოების გაყალბება.

ამ მიზნით ზემოხსენებული ფოტოები ელექტრონული ფოსტის გამოყენებით გადაუგზავნა თავის შვილს და სთხოვა დაემუშავებინა ისე, რომ შთაბეჭდილება შექმნილიყო, თითქოსდა აღნიშნული სატელიტური ფოტო გადაღებულია 2020 წლის 19 ივლისს და მასზე თამარ ბაჩალიაშვილის ავტომანქანა არ არის ასახული. 

დაკავებულმა გაყალბებული სურათები სოციალურ ქსელ WhatsApp-ის საშუალებით გადაუგზავნა მიხეილ რამიშვილს, რომელმაც, თავის მხრივ, აღნიშნული ფოტოები წარუდგინა გამოძიებას მტკიცებულების სახით.

დაკითხვისას ფურცხვანიძემ განაცხადა, რომ ეს ფოტოები ავთენტურია, თუმცა ექსპერტიზამ მათი გაყალბების ფაქტი დაადგინა.

ახლა მას 2-დან 6 წლამდე ვადით თავისუფლების აღკვეთა ემუქრება.

 

53
თემები:
გახმაურებული სასამართლო პროცესები
შატილი

შატილის გზაზე საშინელ ავარიაში გადარჩენილები კლინიკას ტოვებენ

66
იმ კოშმარულ ავარიაში გადარჩენილებს მრავალრიცხოვანი ტრავმები ჰქონდათ, მხოლოდ ორი კვირის შემდეგ მათ დამოუკიდებლად სუნთქვა შეძლეს

თბილისი, 26 სექტემბერი — Sputnik. პირველი საუნივერსიტეტო კლინიკიდან ხევსურეთში მომხდარ ავარიაში ერთ-ერთი დაშავებული გაეწერა, კიდევ ორი პაციენტი კლინიკას დღის ბოლომდე დატოვებს, იუწყება ტელეკომპანია Imedi.

23 აგვისტოს ხევსურეთის გაზე ავტოავარიის შედეგად საექსკურსიო მიკროავტობუსი, რომელშიც 20 მგზავრი იმყოფებოდა, 80 მეტრის სიმაღლიდან გადავარდა. ადგილზე დაიღუპა 17 ადამიანი, მათ შორის მძღოლი და გიდი.

რაც შეეხება დაშავებულებს, მათ აღენიშნებოდათ მრავალრიცხოვანი ტრავმები, ისინი მძიმე მდგომარეობაში იყვნენ, დამოუკიდებლად სუნთქვა მათ მხოლოდ ორი კვირის შემდეგ შეძლეს.

ავარიაში დაღუპულების უმრავლესობა 30 წლამდე ახალგაზრდები არიან. იმ საბედისწერო დღეს ისინი შატილში ექსკურსიიდან ბრუნდებოდნენ. ავარიის მიზეზები შესწავლა დღემდე მიმდინარეობს.

66
თემები:
შემთხვევები საქართველოში
შემოდგომის ფოთოლი ნაწვიმარ ჭიშკარზე

27 სექტემბერს დაბადებულები ზოდიაქო, დახასიათება, რჩევები

0
(განახლებულია 20:35 26.09.2020)
გაეცანით 27 სექტემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

24 სექტემბერი - 3 ოქტომბრის პერიოდი

24 სექტემბერი - 3 ოქტომბრის პერიოდი სასწორის ნიშნის პირველ დეკადას განეკუთვნება.

მნიშვნელოვანი წლებია: 8,16, 24, 32, 40, 48, 56, 64, 72.

ამ პერიოდში დაბადებულთა სიმბოლოა მანანა.

24 სექტემბერი - 3 ოქტომბრის პერიოდში დაბადებულებს პლანეტა ვენერა მფარველობს და ზემოქმედებს მათ ემოციებზე, ვნებებზე, ინსტიქტებზე. ამ დეკადაში დაბადებულები მუდამ ისწრაფვიან ჰარმონიისკენ, არიან პატიოსანი, გულმოწყალე ადამიანები, უყვართ ყველაფერი მშვენიერი. აქვთ ძლიერი ინტუიცია, რაც ზერელე საქციელისგან იცავს და საკუთარი თავის რეალიზებაში ეხმარება მათ.

27 სექტემბერს დაბადებულები

27 სექტემბერს კეთილმოსურნე, მეგობრული, კომუნიკაბელური, სხვების განცდების მიმართ მგრძნობიარე ნატურები იბადებიან. ასევე, ისინი გამოირჩევიან თავაზიანობით. იციან კომპრომისების მოძიება; ვერ იტანენ უსამართლობას. მწვავედ რეაგირებენ თავხედობაზე, მაგრამ საპასუხო უხეშობისთვის ძალზე ჭკვიანი და კარგად აღზრდილი არიან.

ამ დღეს დაბადებულები ზომიერად ემოციური არიან. გულღია დამოკიდებულების გამო ადვილად ამყარებენ კონტაქტებს. ბუნებით მკვლევარები არიან, განსაკუთრებით აინტერესებთ ადამიანი და მისი საქციელი, აქედან გამომდინარე ფსიქოლოგიის სფეროში არაერთ აღმოჩენას აკეთებენ. მაგრამ თავიანთი დაკვირვებების შედეგებს ცხოვრებაში იშვიათად იყენებენ.

27 სექტემბერს დაბადებულები უნიკალური შესაძლებლობით გამოირჩევიან - შეუძლიათ შეეგუონ ნებისმიერ ცხოვრებისეულ ვითარებას. კომპანიაში თავის გამოჩენა და ყურადღების მიქცევა არ უყვართ.

დაკვირვების უნარი მათ, პრაქტიკულად, არასდროს ღალატობს და მატყუარების წინაშე თითქმის ყოველთვის დაცული არიან. ისინი სიცრუეს მაშინვე ცნობენ. მაგრამ ეს უნარი მათ დროთა განმავლობაში, გამოცდილებით უჩნდებათ.

ამ დღეს დაბადებულები არიან რაციონალური, არ არიან მიდრეკილი ავანტიურისადმი. ხასიათი რთული აქვთ და მათი გაგება არცთუ ადვილია.

არიან მრავალმხრივი პიროვნებები და მათთვის საქმიანობის უინტერესო სფეროები არ არსებობს. 27 სექტემბერს დაბადებულებს ნებისმიერი საქმის გაკეთება შეუძლიათ. მათ, უბრალოდ, მოსაწყენი რუტინა არ მოსწონთ, უყვართ კვლევები, ინოვაციები, სხვადასხვა პროექტები.

ამ დღეს დაბადებულებს უყვართ ბუნება და ხშირად საქმიანობის სფეროდ ბუნებასთან დაკავშირებულ საქმეს ირჩევენ. ისინი წარმატებებს აღწევენ ბიოლოგიაში, ოკეანოგრაფიაში, ანთროპოლოგიაში, გეოლოგიაში.

ჯანმრთელობა

27 სექტემბერს დაბადებულებისთვის ჯანმრთელობაზე ზრუნვა თვითმიზანს არ წარმოადგენს. მათ უყვართ ზომიერი ფიზიკური დატვრითვა, რაც ჯანმრთელობის შენარჩუნებას უწყობს ხელს. მათი სუსტი ორგანოებია თირკმელები და რეპროდუქტიული სისტემა, რასაც სისტემატურად უნდა მიაქციონ ყურადღება.

რჩევა:

სასწორებს განწყობის ხშირი ცვლა ახასიათებს, რაც არცთუ კარგი მხარეა მათი ხასიათისა. უბრალოდ, უნდა ისწავლოთ დეპრესიული მდგომარეობის გადალახვა ისე, რომ საკუთარ ფსიქიკას ზიანი არ მიაყენოთ. თუ გაგიჭირდებათ, სჯობს, სპეციალისტს მიმართოთ.

0