პატიმარი

შაქარაშვილის საქმეზე დაკავებული სამი არასრულწლოვანი შიმშილობს - რას ითხოვენ ბრალდებულები

124
(განახლებულია 21:19 20.08.2020)
დაკავებულების ადვოკატების ინფორმაციით, არასრულწლოვნები ჩვენების მიცემას სიცრუის დეტექტორის მეშვეობით ითხოვენ

თბილისი, 20 აგვისტო - Sputnik. ფეხბურთელ გიორგი შაქარაშვილის მკვლელობის საქმეზე დაკავებული სამი არასრულწლოვანი პროტესტის ნიშნად შიმშილობს, იუწყება საზოგადოებრივი მაუწყებლის პირველი არხი.

მცხეთის რაიონულ სასამართლოში 6 არასრულწლოვანის საქმეზე, რომლებიც 19 წლის ფეხბურთელის გიორგი შაქარაშვილის გარდაცვალების საქმეში ფიგურირებენ, მხარეების ფორმალური გაცნობა დასრულდა და პარასკევს პირველი მტკიცებულებების წარდგენა დაიწყება. დღევანდელ სხდომაზე შიმშილობა ორმა არასრულწლოვანმა გამოაცხადა, შესაბამისად მოშიმშილე არასრულწლოვანთა რაოდენობა სამამდე გაიზარდა.

ექსპერტი: გადარჩებოდა თუ არა შაქარაშვილი, წყალში რომ არ გადაეგდოთ >>

შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა.

დაკავებულების ადვოკატების ინფორმაციით, არასრულწლოვნები ჩვენების მიცემას სიცრუის დეტექტორის მეშვეობით ითხოვენ.

გიორგი შაქარაშვილის საქმის პროკურორის დავით ყაზარაშვილის განაცხადებით, საქართველოში სისხლის სამართლის საქმეზე სიცრუის დეტექტორის გამოყენება არ ხდება.

„სიცრუის დეტექტორი საქართველოში სამართლებრივად არ არსებობს, აღნიშნული დეტექტორი არ გამოყენებულა, ასეთ საგამოძიებო ან საპროცესო მოქმედებას არ იცნობს სისხლის სამართლის საპროცესო კოდექსი. შესაბამისად, იმ შემთხვევაში, თუ დაცვის მხარეს აქვს ამის გამოცდილება, თუ ისინი მიიჩნევენ, რომ ეს არის საგამოძიებო ან საპროცესო მოქმედება, შეესაბამება საქართველოს კანონმდებლობას, მათ შეუძლიათ, თავად ჩაატარონ ნებისმიერი საგამოძიებო მოქმედება, რომელიც მოესურვებათ“, - განაცხადა პროკურორმა დავით ყაზარაშვილმა.

მისი თქმით, სისხლის სამართლის საპროცესო კოდექსი როგორც ბრალდების მხარეს, ასევე დაცვის მხარეს ანიჭებს უფლებას, დამოუკიდებლად ჩაატაროს ნებისმიერი საგამოძიებო მოქმედება, ასევე შუამდგომლობით მიმართოს სასამართლოს, იმ შემთხვევაში, თუ თავად ვერ ატარებს ღონისძიებას.

გუშინ პროტესტის უკიდურეს ფორმას, შიმშილობას შაქარაშვილის მკვლელობაში ბრალდებული არასრულწლოვანი ზ.ხ.-ს ოჯახის რამდენიმე წევრმა მიმართა.

მისი ოჯახის წევრების მთავარი მოთხოვნა საქმის მასალებზე გაუთქმელობის შეზღუდვის მოხსნაა. ისინი ასევე მოითხოვენ, რომ ადვოკატს საქმის მასალებზე მასმედიასთან საუბრის უფლება მიეცეს, გამოიცვალოს ბრალმდებელი პროკურორი და მოხდეს ბრალდებულთა დაკითხვა სიცრუის დეტექტორის გამოყენებით.

ბრალდებულის მამის თამაზ ხომასურიძის განცხადებით, შიმშილობის აქციას სხვა ბრალდებულთა მშობლებიც შეუერთდებიან. თუ მოთხოვნები არ დაკმაყოფილდება, თავად ის ჯერ სამი დღით მშრალ შიმშილობაზე გადასვლას, შემდეგ კი სუიციდს გეგმავს.

ერთ-ერთი მოშიმშილის ადვოკატმა, გიორგი გელხაურმა სასჯელაღსრულების დეპარტამენტს მოუწოდა ყურადღება მიაქციოს არასრულწლოვნებს.

„მიაქციეთ ამ ბავშვებს ყურადღება, რომ მათი ჯანმრთელობის მდგომარეობიდან გამომდინარე არ დასრულდეს რამე ცუდად. ეს ადამიანები ითხოვენ სიცრუის დეტექტორს და არ გააჩნიათ საშუალება კომუნიკაცია დაამყარონ ოჯახის წევრებთან, თუნდაც სატელეფონო. მონდომებული არიან მაქსიმალურად შემჭიდროებულ ვადებში ჩაატარონ პროცესები და გამოიტანონ გამამტყუვნებელი განაჩენი, სხვა აქ არაფერი არ იკითხება,” - განაცხადა გიორგი გელხაურმა.

სხდომების ხშირი ჩატარების და ბრალდებულთა სხვა პრობლემების შესახებ სხვა ადვოკატებიც საუბრობენ.

პოლიციამ 17 ადამიანი დააკავა. მათგან შაქარაშვილის მკვლელობაში ბრალი ხუთს წარედგინა, მათ შორის – ორ არასრულწლოვანს. სულ დაკავებულია ექვსი არასრუწლოვანი. ექვს არასრულწლოვანს ბრალი ედებათ ჩხუბების და მკვლელობის ეპიზოდებზე ჯგუფური ძალადობის ორგანიზება-მონაწილეობაში, ასევე მისი მეგობრის, გიორგი ამირხანაშვილის თავისუფლების უკანონო აღკვეთაში. ორი მათგანი ასევე შაქარაშვილის მკვლელობაშია ბრალდებული. გამოძიება ამტკიცებს, რომ ყველა მათგანი მონაწილეობდა ჩხუბებში როგორც თბილისი-მცხეთის ტრასაზე, ისე მცხეთის აგარაკზე. ბრალდებულებმა ბრალი ნაწილობრივ აღიარეს.

გიორგი შაქარაშვილის დამამძიმებელ გარემოებებში განზრახ მკვლელობის ბრალდებით დევნა დაიწყო სულ ხუთი პირის მიმართ.  ამ ხუთი პირის გარდა, 12 პირი ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის მუხლებით გამოძიების საქმის ფიგურანტია.

სასამართლო შაქარაშვილის საქმის არსებით განხილვას იწყებს >>

გამოძიების ვერსიით, მკვლელობის მონაწილე ხუთმა ბრალდებულმა დევნისას შაქარაშვილი აიძულა მდინარე არაგვის ნაპირთან ჩასულიყო, სადაც ის თავდამსხმელთა შორის მოექცა. შაქარაშვილი სასტიკად სცემეს და შემდეგ, ჯერ კიდევ ცოცხალი, მდინარეში გადააგდეს, სადაც მისი ცხედარი ძებნიდან ოთხი დღის შემდეგ იპოვეს.

124
თემები:
19 წლის გიორგი შაქარაშვილის მკვლელობის საქმე (72)
ციხის პერიმეტრი

მკვლელობა ხაშურში: თანამშრომლის მკვლელობაში ბრალდებული მენეჯერი პატიმრობაშია

50
ყოფილი თანამშრომელი სახელფასო დავალიანების გადახდას მოითხოვდა. ოფისში აგრესიული შეჭრა მკვლელობით დასრულდა

თბილისი, 20 სექტემბერი – Sputnik. გორის რაიონულმა სასამართლომ ყოფილი კოლეგის მკვლელობაში ბრალდებულ მენეჯერს პატიმრობა შეუფარდა, იუწყება ტელეარხი Rustavi2.

მედიის ინფორმაციით, ინციდენტი ხაშურში პარასკევს საღამოს მოხდა. სამშენებლო მასალების მწარმოებელ კომპანიაში სახელფასო დავალიანების გადახდის მოთხოვნით მივიდა ყოფილი თანამშრომელი და ერთ-ერთ ხელმძღვანელ პირს დანით დაემუქრა. მუქარებზე საპასუხოდ მენეჯერმა მას ცეცხლსასროლი იარაღიდან ესროლა. 40 წლის მამაკაცი საავადმყოფოში მიყვანისთანავე გარდაიცვალა.

პროკურატურამ დაკავებულს ბრალი წარუდგინა ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვა-ტარებაში.

ბრალდებულის ადვოკატი სასამართლოს გადაწყვეტილების გასაჩივრებას აპირებს.

დღევანდელი პროცესი დისტანციურ რეჟიმში მიმდინარეობდა.

50
თემები:
კრიმინალი საქართველოში
საპატრულო პოლიცია

მკვლელობა კასპში: 62 წლის მამაკაცი ცხელ კვალზე დააკავეს  

82
ბრალის დამტკიცების შემთხვევაში, დაკავებულს სასჯელის სახით შვიდიდან 15 წლამდე ვადით თავისუფლების აღკვეთა ემუქრება

თბილისი, 20 სექტემბერი - Sputnik. სამართალდამცველებმა განზრახ მკვლელობის, ჯანმრთელობის განზრახ ნაკლებად მძიმე დაზიანებისა და ცეცხლსასროლი იარაღის უკანონო შეძენა-შენახვის ბრალდებით კასპში ცხელ კვალზე 62 წლის მამაკაცი დააკავეს, ნათქვამია საქათველოს შინაგან საქმეთა სამინისტროს მიერ გავრცელებულ განცხადებაში.

გამოძიების მიხედვით, ბრალდებულმა საკუთარ საცხოვრებელ სახლში ურთიერთშელაპარაკების ნიადაგზე ცეცხლსასროლი იარაღიდან გასროლით ადგილზე მოკლა მასთან სტუმრად მისული 42 წლის მამაკაცი, ხოლო 71 წლის მამაკაცი დაჭრა. დაშავებული სამედიცინო დაწესებულებაში გადაიყვანეს. უწყების ცნობით, მის სიცოცხლეს საფრთხე არ ემუქრება.

დანაშაულის ჩადენის იარაღი ნივთმტკიცების სახითაა ამოღებული. ბრალდებული დანაშაულს აღიარებს.

მედიაში გავრცელებული ინფორმაციით, დაკავებული მანქანის ხელოსანია, გარდაცვლილი კი მისი კლიენტი იყო. დაჭრილი კი მისი თანხმლები პირია.

მკვლელობა შაბათს მოხდა.

გამოძიება საქართველოს სსკ-ის  108-ე, 118-ე და 236-ე მუხლებით მიმდინარეობს, რაც განზრახ მკვლელობას, ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის მართლსაწინააღმდეგო შეძენა-შენახვას გულისხმობს.

დანაშაული შვიდიდან 15 წლამდე ვადით თავისუფლების აღკვეთას ითვალისწინებს.

82
თემები:
კრიმინალი საქართველოში
მარი მალაზონია

მალაზონია: დღეს კაცობრიობას ნიღბის ტარების და სუფთა ხელების  გარდა სხვა გამოსავალი არ აქვს

0
(განახლებულია 19:49 20.09.2020)
ექიმი-ნუტრიციოლოგი, კვების ეროვნული ცენტრის დირექტორი მარი მალაზონია საუბრობს, დღევანდელ სიტუაციაში რა არის გამოსავალი და როგორ დავიცვათ თავი კორონავირუსისგან.
მალაზონია: დღეს კაცობრიობას ნიღბის ტარების და სუფთა ხელების გარდა სხვა გამოსავალი არ აქვს

„დოიჩე ველე“ ავრცელებს ინტერვიუს ევროპის ერთ-ერთ ყველაზე ცნობილ ვირუსოლოგთან, რომელიც გერმანიაში ცხოვრობს. ეს გახლავთ კრისტიან დროსტენი. სწორედ მისი მოსაზრებით, დღეს კაცობრიობას ნიღბის ტარების, სუფთა ხელების გარდა სხვა არჩევანი არ აქვს. უფრო მეტიც, მან ძალიან სერიოზული პროგნოზები გააკეთა. ვარაუდობს, რომ შესაძლოა ეს ტაქტიკა დაგვჭირდეს მომავალი წლის ბოლომდე. მტკიცებულებებზე დაყრდნობით, ის კიდევ ერთხელ გვარწმუნებს, რომ დღეს კაცობრიობას სჭირდება ნიღბის სწორი ტარება, ჰიგიენის წესების დაცვა, რაც არის ჩვენი უსაფრთხოების ერთადერთი არჩევანი“, - ამბობს მალაზონია.

მალაზონია ადამიანებს ურჩევს დედანში მოისმინონ ეს საკმაოდ ვრცელი ინტერვიუ და რჩევები გაითვალისწინონ.

 

 

0