საქართველოს საგარეო საქმეთა სამინისტრო

იდუმალი რეისი თბილისი–მინსკი–თბილისი: საგარეო უწყება განმარტავს

132
(განახლებულია 18:17 17.08.2020)
საქართველოს საგარეო საქმეთა სამინისტრომ განაცხადა, რომ თვითმფრინავით მინსკში ბელარუსში საქართველოს ელჩი გაემგზავრა.

თბილისი, 17 აგვისტო – Sputnik. საქართველოს საგარეო საქმეთა სამინისტრომ კომენტარი გააკეთა თბილისი–მინსკი–თბილისის იდუმალ რეისზე, რომლის გამოც კვირას მასმედიაში აჟიოტაჟი ატყდა.

უწყების ინფორმაციით, ბელარუსის დედაქალაქში გაფრინდა ბელარუსის რესპუბლიკაში საქართველოს საგანგებო და სრულუფლებიანი ელჩი ვალერი კვარაცხელია, რომელიც თბილისში 6 აგვისტოდან იმყოფებოდა.

მინსკის ცენტრში ლუკაშენკოს მხარდამჭერები და მოწინააღმდეგეები აქციებს მართავენ>>

„ბოლო დღეებში ბელარუსის რესპუბლიკაში განვითარებული მოვლენების გამო საჭირო გახდა მისი მყისიერი დაბრუნება მინსკში. გამომდინარე იქიდან, რომ ბელარუსთან შეზღუდულია საჰაერო მიმოსვლა და ელჩი საჭიროებდა მოკლე დროში მინსკში ჩასვლას, მიღებულ იქნა გადაწყვეყილება მისი სამთავრობო თვითმფრინავით გამგზავრების შესახებ. ბელარუსის რესპუბლიკა არის საქართველოს მეგობარი ქვეყანა, რომელთანაც გვაკავშირებს მჭიდრო თანამშრომლობა როგორც ორმხრივ ფორმატში, ასევე აღმოსავლეთ პარტნიორობის ინიციატივის ფარგლებში“, – ნათქვამია საგარეო უწყების განცხადებაში.

სამინისტროში თავად მინსკის მოვლენებსაც გამოეხმაურნენ და აღნიშნეს, რომ პრობლემები ბელარუსში მშვიდობიანი გზით უნდა გადაიჭრას.

„იმედი გვაქვს, ბელარუსი ხალხი მისი მომავლისათვის მნიშვნელოვან საკითხებს თავად, მშვიდობიანად გადაწყვეტს“, – აღნიშნულია განცხადებაში.

ინფორმაცია იმის თაობაზე, რომ თბილისიდან მინსკში ავიაკომპანია Georgia Airways-ის თვითმფრინავით, რომლითაც ჩვეულებრივ პრეზიდენტი სარგებლობს, ხელისუფლების წარმომადგენლები გაფრინდნენ, ოპოზიციურმა „მთავარმა არხმა“ გაავრცელა.

ერთ-ერთი ვერსიით, თბილისში მინსკიდან ჩამოიყვანეს პრეზიდენტ ალექსანდრ ლუკაშენკოს ვაჟი ნიკოლაი. თუმცა ამ ვარაუდის რამე ოფიციალური დამადასტურებელი ამ დროისთვის არ არსებობს.

ოპოზიციური არხი აცხადებდა, რომ მინსკში ჩაფრენილი თვითმფრინავის ბორტზე რვა ადამიანი იმყოფებოდა – სავარაუდოდ, ხელისუფლების წარმომადგენლები.

სტამბული, კიევი და მინსკი: თბილისის აეროპორტიდან ჩარტერული რეისები დაინიშნა>>

მეორე ვერსიით, მინსკში ჩაფრინდა თავად საქართველოს პრეზიდენტი სალომე ზურაბიშვილი. ეს ინფორმაცია პრეზიდენტის ადმინისტრაციამ კატეგორიულად უარყო.

თემა მაშინვე აიტაცეს ოპოზიციურმა პარტიებმა. „ერთიანი ნაციონალური მოძრაობის“ ლიდერებმა ხატია დეკანოიძემ და სალომე სამადაშვილმა განაცხადეს, რომ ხელისუფლებამ ოფიციალურად უნდა განმარტოს, ვინ იმყოფებოდა თვითმფრინავის ბორტზე.

132
თემები:
საქართველოს მთავრობა (100)
საპატრულო პოლიცია

პანკისის ხეობაში ახალგაზრდა მამაკაცი მოკლეს

17
ადგილობრივების ცნობით, მოკლული მამაკაციც და მისი სავარაუდო მკვლელიც მეზობლები იყვნენ. მკვლელობას წინ თანასოფლელებს შორის ურთიერთშელაპარაკება უძღოდა

თბილისი, 17 იანვარი – Sputnik. ახმეტის მუნიციპალიტეტის სოფელ დუისში მამაკაცმა თანასოფლელი მოკლა. იუწყება პირველი არხი.

მკვლელობა პანკისის ხეობაში დღეს მოდა. მოკლული 40 წლამდე მამაკაცაია.

მკვლელობას წინ მამაკაცებს შორის ურთიერთშელაპარაკება უძღოდა. სავარაუდო დამნაშავის დაკავების შესახებ ინფორმაცია არ ვრცელდება.

გავრცელებული ინფორმაციით, მოკლული და სავარაუდო დამნაშავე მეზობლები და ახლობლები იყვნენ. ადგილობრივები მათ შორის რაიმე უთანხმოებას ვერ იხსენებენ.

შინაგან საქმეთა სამინისტრომ მომხდართან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს და ისჯება თავისუფლების აღკვეთით ვადით 7-დან 15 წლამდე.

შემთხვევის ადგილზე მობილიზებული არიან სამართალდამცველები, ტარდება საგამოძიებო ღონისძიებები.

17
პოლიცია რეგულაციების შესრულებას აკონტროლებს

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

40
შექმნილი ეპიდვითარების გამო საქართველოში 28 ნოემბრიდან ახალი რეგულაციები მოქმედებს, რომელთა დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს.

თბილისი, 17 იანვარი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 811 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იქნება ძალაში.

პოლიციამ იზოლაციისა და კარანტინის წესის დარღვევისთვის  113 პირი დააჯარიმა, მათ შორის არის ტაქსის ორი მძღოლი.

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 698  ფიზიკური პირია დაჯარიმებული.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

40