ბათუმში 27 წლის მამაკაცი სასტუმროს მეოთხე სართულიდან გადახტა

© Sputnik / Seyran Baroyanსასწრაფო დახმარება ბათუმში
სასწრაფო დახმარება ბათუმში - Sputnik საქართველო
გამოწერა
მამაკაცი საქართველოში სარფის სასაზღვრო-გამშვები პუნქტიდან შემოვიდა, რის შემდეგაც ბათუმში ერთ-ერთ სასტუმროში მოწყობილ საკარანტინო სივრცეში გადაიყვანეს.

თბილისი, 14 აგვისტო – Sputnik. ბათუმის ერთ-ერთ სასტუმროში კარანტინში მყოფი ახალგაზრდა კაცი მეოთხე სართულიდან გადახტა და დაშავდა, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.

მაშველები - Sputnik საქართველო
ბარათაშვილის ხიდიდან ახალგაზრდა ქალი გადახტა - კადრები შემთხვევის ადგილიდან

შემთხვევა 14 აგვისტოს, გამთენიისას ბათუმის ერთ-ერთ სასტუმროში მოწყობილ საკარანტინო სივრცეში მოხდა. უწყების ცნობით, 27 წლის მამაკაცი არაადეკვატურად და აგრესიულად იქცეოდა და მოულოდნელად სასტუმროს მეოთხე სართულიდან სასტუმროს შიდა ტერიტორიაზე გადახტა.

მამაკაცი საქართველოში 13 აგვისტოს სარფის სასაზღვრო-გამშვები პუნქტიდან შემოვიდა, რის შემდეგაც ის, სავალდებულო კარანტინის გავლის მიზნით, თანმხლებ პირთან ერთად ბათუმში ერთ-ერთ სასტუმროში მოწყობილ საკარანტინო სივრცეში გადაიყვანეს.

თემქაზე მამაკაცი მე-7 სართულიდან გადახტა: რა მოხდა ტრაგედიამდე>>

დაშავებული ბათუმის საერთაშორისო ჰოსპიტალში გადაიყვანეს. ექიმების ინფორმაციით, მამაკაცის მდგომარეობა მძიმეა და ის მართვით სუნთქვაზე იმყოფება. მას მრავლობითი მოტეხილობები აღენიშნება.

მომხდარ ინციდენტზე გამოძიება საქართველოს სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.

ყველა ახალი ამბავი
0