კომპიუტერი

ამორალური და შეურაცხმყოფელია: კომპანია, სადაც ბაჩალიაშვილი მუშაობდა, განცხადებას ავრცელებს

887
(განახლებულია 19:35 10.08.2020)
შპს „ზეგი“ აცხადებს, რომ მისი მუშაობა საქართველოში ლეგალურია და სრულიად შეესაბამება ქვეყნის კანონმდებლობას.

თბილისი, 10 აგვისტო – Sputnik. კომპანია „ზეგი“ (ZAG), სადაც გარდაცვლილი თამარ ბაჩალიაშვილი მუშაობდა, ცილისწამებას უწოდებს განცხადებებს კომპანიის არალეგალური საქმიანობის შესახებ და აცხადებს, რომ ყველა ფილიალი, მათ შორის საქართველოში, ადგილობრივი კანონმდებლობის შესაბამისად მუშაობს.

ბაჩალიაშვილი ძებნიდან ხუთი დღის შემდეგ თეთრიწყაროს რაიონში საკუთარ ავტომობილში გარდაცვლილი იპოვეს. ის თბილისში ცხოვრეობდა. სახლიდან 18 ივლისს გავიდა და უკან აღარ დაბრუნებულა. ბაჩალიაშვილის საქმის გამოძიება ორი მუხლით მიმდინარეობს – „თავისუფლების უკანონო აღკვეთა“ და „თვითმკვლელობამდე მიყვანა“.

„კომპანია „ზეგის“ მიმართ არ წყდება ცილისმწამებლური და ამორალური განცხადებები. მეტიც, ცალკეული პირების მიერ გაჟღერდა მისი საქმიანობის კანონიერებასთან დაკავშირებული უსაფუძვლო ბრალდებები. მიუხედავად იმისა, რომ შპს „ზეგმა“ არაერთხელ გააკეთა განმარტება მისი საქმიანობის შესახებ, პასუხი გასცა მედიის მიერ დასმულ ყველა შეკითხვას, გამუდმებით ვრცელდება მცდარი და კომპანიის იმიჯის დამაზიანებელი ინფორმაცია. უფრო მეტიც, ბრალდებებმა კამპანიური ხასიათი მიიღო. კიდევ ერთხელ ხაზგასმით გვინდა აღვნიშნოთ, რომ როგორც შპს „ზეგის“, ასევე მისი დამკვეთის საქმიანობა არის სრულიად ლეგალური და შეესაბამება იმ ქვეყნების კანონმდებლობას, სადაც ეს კომპანიები საქმიანობენ“, – აღნიშნულია კომპანიის განცხადებაში.

სუიციდის შესახებ ინფორმაციას ეძებდა: ახალი დეტალები ბაჩალიაშვილის გარდაცვალების საქმეში>>

განცხადებაში ასევე აღნიშნულია, რომ არანაკლებ შემაშფოთებელი და ამორალურია უკანონო საქმიანობაში დაუსაბუთებელი ბრალდებები კომპანიის გარდაცვლილი თანამშრომლის თამარ ბაჩალიაშვილის მიმართ.

„ჩვენი კომპანიის, მისი თანამშრომლების, მათ შორის გარდაცვლილი თამარ ბაჩალიაშვილის უკანონო საქმიანობაში დადანაშაულება, ტროლ-ბოტებად მოხსენიება არის ამორალური და შეურაცხმყოფელი. თამარ ბაჩალიაშვილის ოჯახმა დაკარგა შვილი, ჩვენ დავკარგეთ თანამშრომელი. სხვადასხვა სუბიექტების მიერ ოჯახის თუ კომპანიის მიმართ ტალახის სროლა და თამუნას ხსოვნის ამგვარი შეურაცხყოფა, ყველაფერთან ერთად შემზარავია. ეს უმძიმესი ტრაგედია გახდა სხვადასხვა პირებისთვის ცნობადობის გაზრდის, თავის წარმოჩინების და კერძო ინტერესების დაკმაყოფილების საგანი“, – აღნიშნულია განცხადებაში.

კომპანიის ხელმძღვანელობა ადასტურებს ფაქტს, რომ გამოძიების პირველივე დღიდან თანამშრომლობს გამოძიებასთან, მან მოიპოვა კომპანიის კომერციული საიდუმლოს გათქმის უფლებაც კი. ამასთან, ფირმაში არ სურთ, რომ მათი თანამშრომლობა არასწორად აღიქვან და ცალკეული ფაქტების ინტერპრეტაცია შეცდომით მოხდეს.

განცხადებაში ასევე მითითებულია, რომ გამოძიების ინტერესებიდან გამომდინარე ოფისიდან ამოღებულია მთელი კომპიუტერული ტექნიკა, რაც მათ ნორმალურად მუშაობის საშუალებას არ აძლევს და საფრთხის ქვეშ აყენებს კომპანიის 50-მდე თანამშრომლის მომავალს.

„ზეგში“ აცხადებენ, რომ დღეიდან სათანადო სამართლებრივ რეაგირებას მოახდენენ ნებისმიერ დაუსაბუთებელ, მოგონილ, შეურაცხმყოფელ და რეპუტაციის შემლახავ ბრალდებაზე.

გარდა ამისა, ხელმძღვანელობა ყურადღებას ამახვილებს იმაზე, რომ აშშ-ის საელჩო ინფორმირებულია კომპანიის ირგვლივ განვითარებულ ვითარებაზე.

23 წლის გოგონას გარდაცვალების გარემოებების გამოძიების ფარგლებში პოლიციამ კომპანიის თანამშრომლების სახლებში ჩხრეკა ჩაატარა.

ბაჩალიაშვილის საქმე: მამის წინააღმდეგ მიცემული ჩვენება – რაზე აპელირებს გამოძიება>>

უფრო ადრე კომპანიის დირექტორმა თამუნა კობერიძემ ჟურნალისტებთან განაცხადა, რომ თამარ ბაჩალიაშვილი კომპანია „ზეგს“ 2017 წელს შეუერთდა სტაჟიორის სახით და მალე მიაღწია არსებით პროგრესს. მან გარდაცვალებამდე ერთი თვით ადრე აცნობა ხელმძღვანელობას, რომ სამსახურიდან წასვლას აპირებდა, ხოლო ორი დღით ადრე მართლაც დატოვა სამსახური.

887
თემები:
შემთხვევები საქართველოში (1789)
ძალადობა

ყოფილ მეუღლეზე ძალადობის ბრალდებით 31 წლის მამაკაცი დააკავეს

24
(განახლებულია 12:01 24.09.2020)
ოჯახური ძალადობა დღემდე ერთ–ერთი ყველაზე გავრცელებული სისხლის სამართლის დანაშაულია საქართველოში. საგამოძიებო ორგანოებმა ნახევარ წელიწადში ამ მხრივ 2,6 ათასი სისხლის სამართლის საქმე აღძრეს.

თბილისი, 24 სექტემბერი  — Sputnik. სამართალდამცველებმა  ყოფილი მეუღლის მიმართ ჩადენილი ძალადობის, მუქარისა და თავისუფლების უკანონო აღკვეთის ბრალდებით  31 წლის მამაკაცი დააკავეს, ნათქვამია შსს–ს პრესცენტრის მიერ გავრცელებულ განცხადებაში. 

გავრცელებული ინფორმაციით, ბრალდებულმა  39 წლის ყოფილ მეუღლეს სახლში მიაკითხა, იძულებით ჩასვა ავტომობილში და  სოფელ დაბის მიმართულებით ტყისკენ წაიყვანა, სადაც, უთანხმოების ნიადაგზე, ფიზიკური შეურაცხყოფა მიაყენა და სიცოცხლის მოსპობით დაემუქრა.

გამოძიება დაწყებულია სსკ-ის 11 პრიმა 143-ე მუხლის პირველი ნაწილით, 11 პრიმა 151-ე მუხლის მეორე ნაწილით და 126-ე პრიმა მუხლის პირველი ნაწილით, რაც ოჯახის წევრის მიმართ ჩადენილ თავისუფლების უკანონო აღკვეთას, ძალადობასა და მუქარას გულისხმობს და ითვალისწინებს ოთხ წლამდე ვადით პატიმრობას.

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. საგამოძიებო ორგანოებმა ნახევარ წელიწადში ამ მხრივ 2,6 ათასი სისხლის სამართლის საქმე აღძრეს. ამასთან, ამავე პერიოდში ოჯახური ძალადობის შედეგად დაიღუპა 11 ადამიანი, დაიჭრა – 12.

ოჯახური ძალადობა საქართველოს სისხლის სამართლის კოდექსში ცალკე მუხლად 2014 წელს გამოიყო. ამა თუ იმ საქმის განხილვისას ის დამამძიმებელი გარემოებაა. კანონმდებლობის გამკაცრება ხელისუფლებამ ოჯახური კონფლიქტების ნიადაგზე მკვლელობების ტალღის შემდეგ გადაწყვიტა. 2014 წელს ოჯახური ძალადობის მსხვერპლი 14 ადამიანი გახდა.


24
თემები:
კრიმინალი საქართველოში
დაკავება

კიბერდანაშაულის სქემა გახსნილია: დაკავებულია ორი პირი

46
(განახლებულია 13:48 24.09.2020)
პოლიციამ დაკავებულების პირადი და საცხოვრებელი სახლების ჩხრეკისას, კომპიუტერული ტექნიკა, მობილური ტელეფონები, საბანკო პლასტიკური ბარათები ნივთმტკიცების სახით ამოიღო.

თბილისი, 24 სექტემბერი  — Sputnik. სამართალდამცველებმა ოზურგეთში კიბერდანაშაულის ბრალდებით ორი პირი დააკავეს, ნათქვამია შსს–ს პრესცენტრის მიერ გავრცელებულ განცხადებაში.

28 და 30 წლის მამაკაცებს  ბრალად ედებათ კომპიუტერულ სისტემაში უნებართვო შეღწევა და კომპიუტერული მონაცემების უნებართვო შეცვლა.

გამოძიებით დადგინდა, რომ მიმდინარე წლის 28 აპრილსა და 6 ივნისს ერთ–ერთმა ბრალდებულმა  მის მიერ კუსტარულად აწყობილი სწრაფი ჩარიცხვის აპარატის გამოყენებით მოახერხა ქალაქ სენაკსა და ქალაქ ზესტაფონში მდებარე სწრაფი ჩარიცხვის აპარატების პროგრამული უზრუნველყოფის გასაღების, ე.წ. „დონგლის“ კოდის გაწერა. 

„ერთ–ერთმა დაკავებულმა კუსტარული სწრაფი ჩარიცხვის აპარატის გამოყენებით, ონლაინ–ტოტალიზატორის მის მიერვე შექმნილ, არავერიფიცირებულ და ერთ-ერთი მომხმარებლის ვერიფიცირებულ ანგარიშებზე თაღლითური გზით გადარიცხა 7 ათასი ლარი. აღნიშნული თანხის ნაწილი – 2 ათასი ლარი მეგობართან ერთად გაანაღდა, რომელიც ამავე ონლაინ–ტოტალიზატორის მომხმარებელია. თანხის  მეორე ნაწილი კი – 5 ათასი  ლარი  ქობულეთში მდებარე ერთ-ერთი ბანკომატიდან თავად გამოიტანა“, – აღნიშნულია განცხადებაში.

პოლიციამ დაკავებულების პირადი და საცხოვრებელი სახლების ჩხრეკისას, კომპიუტერული ტექნიკა, მობილური ტელეფონები, საბანკო პლასტიკური ბარათები ნივთმტკიცების სახით ამოიღო.

გამოძიება დაწყებულია სსკ-ის 284-ე მუხლის მეორე, 286–ე მუხლის მესამე და 180-ე მუხლის მეორე და მესამე ნაწილით, რაც სამიდან ცხრა წლამდე ვადით თავისუფლების აღკვეთას ითვალისწინებს.

46
თემები:
კრიმინალი საქართველოში
ხატია სიჭინავა და რამაზ ნოზაძე

„სკოლა არ დაიწყება... არც ნოემბერში“ - ხატია სიჭინავა საზოგადოებას აფრთხილებს

0
(განახლებულია 12:43 24.09.2020)
ყოფილი ტელეწამყვანი სოციალურ ქსელში საზოგადოებას მიმართავს და უჩვეულო ინფორმაციას აქვეყნებს. ნახეთ რას წერს ხატია სიჭინავა

თბილისი, 24 სექტემბერი  — Sputnik. ყოფილი ტელეწამყვანიხატია სიჭინავა სკოლაში სწავლის დაწყების შესაძლო გადადებას ეხმაურება და წერს, რომ აღსასრული ახლოა და მალე მთელ მსოფლიოს ერთი მმართველი ეყოლება და ადამიანები დაიჩიპებიან.

სიჭინავა ფიქრობს, რომ სკოლა არ დაიწყება არც ოქტომბერში, არც ნოემბერში და ეს არ არის საქართველოს მთავრობის გადასაწყვეტი, რადგან მოკლე დროში მთავრობაც არ გვეყოლება, რადგან მალე მსოფლიო გაერთიანდება და ვერაფერი შეცვლის წინასწარმეტყველებას, რომელიც „ბიბლიაშია“.

„ვიღაცები წავალთ მიწაზე სახლებს გავამაგრებთ, როგორც ეს უკვე დიდი ხნის წინ გვითხრა პატრიარქმა და გვიწინასწარმეტყველა მამა გაბრიელმა და წმინდა ბერებმა. ვიღაცეები აიცრებიან, დაიჩიპებიან და უკვე მერამდენედ უარყოფენ ღმერთს. დღეს ჩემმა ქმარმა მითხრა, შეუცნობელია ღვთის გზები, იქნებ ამ ასწლეულში არ მოხდეს და ავცდეთო, მაგრამ როგორც მამა გაბრიელმა თქვა, ის კარებთან დგას, კი არ გიკაკუნებთ, კარებს ანგრევს და ელოდება თქვენს მიპატიჟებას, რომ კარი გაუღოთ!“ - წერს ხატია სიჭინავა.

View this post on Instagram

სიყვარული არის ...

A post shared by ხატია (@katiesihinava) on

ყოფილი ტელეწამყვანი ხატია სიჭინავა და რამაზ ნოზაძე ოთხი შვილის მშობლები არიან.  ნანატრი ბიჭის მშობლები 11 მაისს გახდნენ. ხატია სიჭინავა გათხოვების შემდეგ ნამდვილ ოჯახის ქალად გადაიქცა და მთელ დროს მხოლოდ მას უთმობს. ხატიას პირადი ბიზნესიც აქვს, თუმცა მისთვის წინა პლანზე ქმარ-შვილი და ოჯახის დანარჩენი წევრები არიან.

წყვილის სიყვარულის შესახებ საზოგადოებამ გადაცემა „პროფილიდან“ შეიტყო, როდესაც ორსულმა ხატიამ განაცხადა, რომ ორწლიანი რომანის შემდეგ შვილს რამაზ ნოზაძისგან ელოდებოდა, ბოროტი ენების გამო კი ისინი ერთად აღარ იყვნენ. თუმცა გარკვეული პერიოდის შემდეგ იყო ქორწილი და ახლა თბილისში ერთ-ერთ ყველაზე ცნობილ და ბედნიერ წყვილად ითვლებიან.

0
თემები:
სელებრითების ცხოვრება