აფეთქება ბეირუთში

არის თუ არა ბეირუთში მომხდარი აფეთქების მიზეზი ქართული ტვირთი „რუსთავის აზოტის“ პასუხი

170
(განახლებულია 21:01 06.08.2020)
ბეირუთში ამონიუმის ნიტრატის დიდი პარტია – დაახლოებით 2 750 ტონა აფეთქდა, რომელიც პორტის ტერიტორიაზე არასათანადო პირობებში ექვსი წლის განმავლობაში ინახებოდა.

თბილისი, 6 აგვისტო — Sputnik. სს „რუსთავის აზოტი“ არ ფლობს ინფორმაციას იმის შესახებ, რომ ამონიუმის ნიტრატი, რომელიც ბეირუთის პორტში აფეთქდა, ქართული წარმოებისაა, ნათქვამია კომპანიის მიერ გავრცელებულ განცხადებაში, რომელიც მასმედიაში გავრცელებული ინფორმაციის საპასუხოდ გავრცელდა – რომ აფეთქების მიზეზი ბეირუთში საქართველოდან, კერძოდ, რუსთავიდან 2013 წელს იმპორტირებული ამონიუმის გვარჯილა გახდა. 

„გამომდინარე იქიდან, რომ „რუსთავის აზოტი“ ბოლო სამი წელი ოპერირებს, მოკლებული ვართ შესაძლებლობას, მივიღოთ დეტალური ინფორმაცია იმის შესახებ, ბეირუთში აფეთქებული ამონიუმის ნიტრატი ნამდვილად იყო თუ არა საქართველოში, კერძოდ, ქალაქ რუსთავში წარმოებული“, – ნათქვამია განცხადებაში.

აქვე აღნიშნულია, რომ „რუსთავის აზოტი“ ქვეყნის ერთ-ერთი მსხვილი ექსპორტიორი კომპანიაა და აწარმოებს მსოფლიოში მოხმარებული ამონიუმის ნიტრატის 1%-მდე, რომელიც საერთაშორისო სტანდარტების დაცვით მზადდება და ინახება.

კომპანიაში ასევე აღნიშნავენ, რომ პორტში ექვსი წლის განმავლობაში ასეთი პროდუქციის შენახვა უსაფრთხოების წესების უხეში დარღვევაა, რადგანაც წარმოების შემდეგ ექვს თვეში იგი საჭირო თვისებებს კარგავს.

ოფიციალური მონაცემებით, ბეირუთში ამონიუმის ნიტრატის დიდი პარტია – დაახლოებით 2 750 ტონა აფეთქდა, რომელიც პორტის ტერიტორიაზე არასათანადო პირობებში ექვსი წლის განმავლობაში ინახებოდა.

საშიში ტვირთის აფეთქებასთან საქართველოს შესაძლო კავშირის თაობაზე კომენტარი გააკეთეს საზღვაო ტრანსპორტის სააგენტოშიც. სააგენტოს განცხადებით, 2013 წელს ბათუმიდან ხომალდს მოზამბიკში მართლაც გადაჰქონდა ამონიუმის ნიტრატი, მაგრამ ბეირუთში მომხდარი აფეთქების ქართულ მხარესთან დაკავშირების ნებისმიერი მცდელობა საფუძველს მოკლებულია.

ბოლო მონაცემებით, ბეირუთში აფეთქების შედეგად 135 ადამიანი დაიღუპა და 5 ათასამდე დაშავდა. ბევრი ადამიანი ამ დრომდე უგზო-უკვლოდ დაკარგულად ითვლება.

170
ძალადობა

ყოფილ მეუღლეზე ძალადობის ბრალდებით 31 წლის მამაკაცი დააკავეს

24
(განახლებულია 12:01 24.09.2020)
ოჯახური ძალადობა დღემდე ერთ–ერთი ყველაზე გავრცელებული სისხლის სამართლის დანაშაულია საქართველოში. საგამოძიებო ორგანოებმა ნახევარ წელიწადში ამ მხრივ 2,6 ათასი სისხლის სამართლის საქმე აღძრეს.

თბილისი, 24 სექტემბერი  — Sputnik. სამართალდამცველებმა  ყოფილი მეუღლის მიმართ ჩადენილი ძალადობის, მუქარისა და თავისუფლების უკანონო აღკვეთის ბრალდებით  31 წლის მამაკაცი დააკავეს, ნათქვამია შსს–ს პრესცენტრის მიერ გავრცელებულ განცხადებაში. 

გავრცელებული ინფორმაციით, ბრალდებულმა  39 წლის ყოფილ მეუღლეს სახლში მიაკითხა, იძულებით ჩასვა ავტომობილში და  სოფელ დაბის მიმართულებით ტყისკენ წაიყვანა, სადაც, უთანხმოების ნიადაგზე, ფიზიკური შეურაცხყოფა მიაყენა და სიცოცხლის მოსპობით დაემუქრა.

გამოძიება დაწყებულია სსკ-ის 11 პრიმა 143-ე მუხლის პირველი ნაწილით, 11 პრიმა 151-ე მუხლის მეორე ნაწილით და 126-ე პრიმა მუხლის პირველი ნაწილით, რაც ოჯახის წევრის მიმართ ჩადენილ თავისუფლების უკანონო აღკვეთას, ძალადობასა და მუქარას გულისხმობს და ითვალისწინებს ოთხ წლამდე ვადით პატიმრობას.

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. საგამოძიებო ორგანოებმა ნახევარ წელიწადში ამ მხრივ 2,6 ათასი სისხლის სამართლის საქმე აღძრეს. ამასთან, ამავე პერიოდში ოჯახური ძალადობის შედეგად დაიღუპა 11 ადამიანი, დაიჭრა – 12.

ოჯახური ძალადობა საქართველოს სისხლის სამართლის კოდექსში ცალკე მუხლად 2014 წელს გამოიყო. ამა თუ იმ საქმის განხილვისას ის დამამძიმებელი გარემოებაა. კანონმდებლობის გამკაცრება ხელისუფლებამ ოჯახური კონფლიქტების ნიადაგზე მკვლელობების ტალღის შემდეგ გადაწყვიტა. 2014 წელს ოჯახური ძალადობის მსხვერპლი 14 ადამიანი გახდა.


24
თემები:
კრიმინალი საქართველოში
დაკავება

კიბერდანაშაულის სქემა გახსნილია: დაკავებულია ორი პირი

46
(განახლებულია 13:48 24.09.2020)
პოლიციამ დაკავებულების პირადი და საცხოვრებელი სახლების ჩხრეკისას, კომპიუტერული ტექნიკა, მობილური ტელეფონები, საბანკო პლასტიკური ბარათები ნივთმტკიცების სახით ამოიღო.

თბილისი, 24 სექტემბერი  — Sputnik. სამართალდამცველებმა ოზურგეთში კიბერდანაშაულის ბრალდებით ორი პირი დააკავეს, ნათქვამია შსს–ს პრესცენტრის მიერ გავრცელებულ განცხადებაში.

28 და 30 წლის მამაკაცებს  ბრალად ედებათ კომპიუტერულ სისტემაში უნებართვო შეღწევა და კომპიუტერული მონაცემების უნებართვო შეცვლა.

გამოძიებით დადგინდა, რომ მიმდინარე წლის 28 აპრილსა და 6 ივნისს ერთ–ერთმა ბრალდებულმა  მის მიერ კუსტარულად აწყობილი სწრაფი ჩარიცხვის აპარატის გამოყენებით მოახერხა ქალაქ სენაკსა და ქალაქ ზესტაფონში მდებარე სწრაფი ჩარიცხვის აპარატების პროგრამული უზრუნველყოფის გასაღების, ე.წ. „დონგლის“ კოდის გაწერა. 

„ერთ–ერთმა დაკავებულმა კუსტარული სწრაფი ჩარიცხვის აპარატის გამოყენებით, ონლაინ–ტოტალიზატორის მის მიერვე შექმნილ, არავერიფიცირებულ და ერთ-ერთი მომხმარებლის ვერიფიცირებულ ანგარიშებზე თაღლითური გზით გადარიცხა 7 ათასი ლარი. აღნიშნული თანხის ნაწილი – 2 ათასი ლარი მეგობართან ერთად გაანაღდა, რომელიც ამავე ონლაინ–ტოტალიზატორის მომხმარებელია. თანხის  მეორე ნაწილი კი – 5 ათასი  ლარი  ქობულეთში მდებარე ერთ-ერთი ბანკომატიდან თავად გამოიტანა“, – აღნიშნულია განცხადებაში.

პოლიციამ დაკავებულების პირადი და საცხოვრებელი სახლების ჩხრეკისას, კომპიუტერული ტექნიკა, მობილური ტელეფონები, საბანკო პლასტიკური ბარათები ნივთმტკიცების სახით ამოიღო.

გამოძიება დაწყებულია სსკ-ის 284-ე მუხლის მეორე, 286–ე მუხლის მესამე და 180-ე მუხლის მეორე და მესამე ნაწილით, რაც სამიდან ცხრა წლამდე ვადით თავისუფლების აღკვეთას ითვალისწინებს.

46
თემები:
კრიმინალი საქართველოში
ხატია სიჭინავა და რამაზ ნოზაძე

„სკოლა არ დაიწყება... არც ნოემბერში“ - ხატია სიჭინავა საზოგადოებას აფრთხილებს

0
(განახლებულია 12:43 24.09.2020)
ყოფილი ტელეწამყვანი სოციალურ ქსელში საზოგადოებას მიმართავს და უჩვეულო ინფორმაციას აქვეყნებს. ნახეთ რას წერს ხატია სიჭინავა

თბილისი, 24 სექტემბერი  — Sputnik. ყოფილი ტელეწამყვანიხატია სიჭინავა სკოლაში სწავლის დაწყების შესაძლო გადადებას ეხმაურება და წერს, რომ აღსასრული ახლოა და მალე მთელ მსოფლიოს ერთი მმართველი ეყოლება და ადამიანები დაიჩიპებიან.

სიჭინავა ფიქრობს, რომ სკოლა არ დაიწყება არც ოქტომბერში, არც ნოემბერში და ეს არ არის საქართველოს მთავრობის გადასაწყვეტი, რადგან მოკლე დროში მთავრობაც არ გვეყოლება, რადგან მალე მსოფლიო გაერთიანდება და ვერაფერი შეცვლის წინასწარმეტყველებას, რომელიც „ბიბლიაშია“.

„ვიღაცები წავალთ მიწაზე სახლებს გავამაგრებთ, როგორც ეს უკვე დიდი ხნის წინ გვითხრა პატრიარქმა და გვიწინასწარმეტყველა მამა გაბრიელმა და წმინდა ბერებმა. ვიღაცეები აიცრებიან, დაიჩიპებიან და უკვე მერამდენედ უარყოფენ ღმერთს. დღეს ჩემმა ქმარმა მითხრა, შეუცნობელია ღვთის გზები, იქნებ ამ ასწლეულში არ მოხდეს და ავცდეთო, მაგრამ როგორც მამა გაბრიელმა თქვა, ის კარებთან დგას, კი არ გიკაკუნებთ, კარებს ანგრევს და ელოდება თქვენს მიპატიჟებას, რომ კარი გაუღოთ!“ - წერს ხატია სიჭინავა.

View this post on Instagram

სიყვარული არის ...

A post shared by ხატია (@katiesihinava) on

ყოფილი ტელეწამყვანი ხატია სიჭინავა და რამაზ ნოზაძე ოთხი შვილის მშობლები არიან.  ნანატრი ბიჭის მშობლები 11 მაისს გახდნენ. ხატია სიჭინავა გათხოვების შემდეგ ნამდვილ ოჯახის ქალად გადაიქცა და მთელ დროს მხოლოდ მას უთმობს. ხატიას პირადი ბიზნესიც აქვს, თუმცა მისთვის წინა პლანზე ქმარ-შვილი და ოჯახის დანარჩენი წევრები არიან.

წყვილის სიყვარულის შესახებ საზოგადოებამ გადაცემა „პროფილიდან“ შეიტყო, როდესაც ორსულმა ხატიამ განაცხადა, რომ ორწლიანი რომანის შემდეგ შვილს რამაზ ნოზაძისგან ელოდებოდა, ბოროტი ენების გამო კი ისინი ერთად აღარ იყვნენ. თუმცა გარკვეული პერიოდის შემდეგ იყო ქორწილი და ახლა თბილისში ერთ-ერთ ყველაზე ცნობილ და ბედნიერ წყვილად ითვლებიან.

0
თემები:
სელებრითების ცხოვრება