ზურაბ ჟვანიას ვაჟს პატიმრობა ემუქრება

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
ბუსა ჟვანიას უკვე წარუდგინეს ოფიციალური ბრალი განზრახ მკვლელობის მცდელობაში. მას 15 წლამდე პატიმრობა ემუქრება.

თბილისი, 4 აგვისტო — Sputnik. საქართველოს ყოფილი პრემიერ-მინისტრის, აწ განსვენებული ზურაბ ჟვანიას შვილს ბესარიონ (ბუსა) ჟვანიას ოფიციალურად წარუდგინეს ბრალი საქართველოს ყოფილი დეპუტატის, ბიზნესმენ გოგი თოფაძის შვილიშვილის განზრახ მკვლელობის მცდელობაში.

როგორც საქართველოს გენერალური პროკურატურა იუწყება, ბრალდება აღკვეთის ზომად პატიმრობას მოითხოვს.

გოგი თოფაძის შვილიშვილის დაჭრის საქმეზე ყოფილი პრემიერის ვაჟი დააკავეს>>

გამოძიებამ დაადგინა, რომ ბრალდებულმა 2 აგვისტოს, გამთენიისას, კონფლიქტის დროს ლევან თოფაძეს მისივე სახლში დანით რამდენიმე ჭრილობა მიაყენა. მისი გადარჩენა დროული სამედიცინო დახმარების წყალობით მოხერხდა. ის ამჟამად რეანიმაციაში იმყოფება.

სასწრაფო დახმარება - Sputnik საქართველო
თბილისში გოგი თოფაძის შვილიშვილი დაჭრეს

„გამოძიების პროცესში ჩატარდა არაერთი საგამოძიებო მოქმედება, მათ შორის შემთხვევის ადგილის დათვალიერება, რა დროსაც ნივთმტკიცების სახით ამოღებულ იქნა სავარაუდო დანაშაულის ჩადენის იარაღი – დანა", – ნათქვამია პროკურატურის განცხადებაში.

ბუსა ჟვანია 2 აგვისტოს დააკავეს, ბრალი მას მეორე დღეს განზრახ მკვლელობის მცდელობის ბრალდებით წარუდგინეს, რაც 7-დან 15 წლამდე თავისუფლების აღკვეთას ითვალისწინებს.

მანამდე ლევან თოფაძე და მისი მეგობარი ბუსა ჟვანია, ორივე დაჭრილი, სიმონ ხეჩინაშვილის სახელობის საუნივერსიტეტო კლინიკაში გადაიყვანეს, სადაც მათ ოპერაცია ჩაუტარდათ.

კლინიკის ანესთეზიოლოგიისა და რეანიმაციის დეპარტამენტის ხელმძღვანელმა ნიკოლოზ კვაჭაძემ ჟურნალისტებს განუცხადა, რომ არც ერთის სიცოცხლეს საფრთხე არ ემუქრება.

ყველა ახალი ამბავი
0