საპატრულო პოლიცია

წილებზე დავა თუ პირადი ანგარიშსწორება: ვინ დაესხა თავს თბილისის „დინამოს" ექს-მფლობელს?

173
(განახლებულია 20:50 29.07.2020)
ეს ლერი სულაბერიძეზე თავდასხმის პირველი ფაქტი არ არის, 1999 წლის 6 მაისს სულაბერიძეს „დინამოს" სტადიონთან საკუთარ ავტომობილში მყოფს ესროლეს.

თბილისი, 29 ივლისი — Sputnik. საქართველოს ფეხბურთის ფედერაციის და კლუბ თბილისის „დინამოს" ყოფილ ვიცე-პრეზიდენტზე ლერი სულაბერიძეზე თავდასხმის მოტივები ამ დრომდე უცნობია.

სულაბერიძის ავტომობილს გუშინ წყნეთში ცეცხლი გაუხსნეს. ავტომობილს ხუთი ტყვია მოხვდა. საბედნიეროდ,  სულაბერიძე გადარჩა. იგი მთელი ღამე პოლიციის განყოფილებაში დაკითხვაზე იმყოფებოდა, იუწყება ტელეკომპანია Rustavi2.

შსს-ს ინფორმაციით, მომხდარ ფაქტზე გამოძიება ორი მუხლით დაიწყო – „ცეცხლსასროლი იარაღის მართლსაწინააღმდეგო შეძენა-შენახვა-ტარება“ და „მკვლელობის მცდელობა“. 

წარსულში სულაბერიძე კლუბ „დინამოს“ თანამფლობელი იყო. კლუბის წილებთან დაკავშირებით თითქმის ხუთი წელია სასამართლო დავა მიმდინარეობს. მასმედია არ გამორიცხავს, რომ თავდასხმა სწორედ ამ ფაქტს უკავშირდება.

სულაბერიძის ადვოკატი ირმა ჭკადუა დარწმუნებული არაა, უკავშირდება თუ არა მომხდარი „დინამოს“ წილების საქმეს. უფლებადამცველის თქმით, თავდასხმა შუა ქუჩაში მოხდა, შესაბამისად, იქნებიან თვითმხილველები.

Rustavi2-ის ცნობით, როდესაც ვაკის პოლიციის განყოფილებაში სულაბერიძე ჩვენებას აძლევდა, იქ მომხდარი ფაქტის ერთ-ერთი მოწმის ადვოკატი კონსულტაციისთვის მივიდა.

ტელეკომპანიის მტკიცებით, პოლიციამ უკვე დააკავა თავდასხმაში ეჭვმიტანილი, თუმცა აღნიშნული ინფორმაცია ოფიციალურად დადასტურებული არაა.

ეს ლერი სულაბერიძეზე თავდასხმის პირველი ფაქტი არ არის, 1999 წლის 6 მაისს სულაბერიძეს „დინამოს" სტადიონთან ასევე საკუთარ ავტომობილში მყოფს ესროლეს.

173
თემები:
კრიმინალი საქართველოში (1111)
შეიარაღებული თავდასხმა

კასპში მკვლელობა მოხდა: მანქანის ხელოსანმა დამკვეთი მოკლა

96
მანქანის ხელოსანთან სახლში ორი მამაკაცი მივიდა, მათ შორის შელაპარაკება ჩხუბში, შემდეგ კი მკვლელობაში გადაიზარდა

თბილისი, 19 სექტემბერი - Sputnik. კასპში მკვლელობა მოხდა - მამაკაცმა მასთან სახლში მისული ერთი სტუმარი მოკლა, მეორე - დაჭრა.

მამაკაცებს შოტის შელაპარაკება გადაიზარდა ჩხუბში, რა დროსაც მასპინძელმა სტუმრების მისამართით ცეცხლი გახსნა.

გავრცელებული ინფორმაციით, ეჭვმიტანილი იყო მანქანის ხელოსანი, მოკლული კი მისი კლიენტი. დაჭრილია მისი თანხმლები პირი.

დაჭრილი მამაკაცი საავადმყოფოში გადაიყვანეს. მისი მდგომარეობა სტაბილურია და მის სიცოცხლეს საფრთხე არ ემუქრება.

ადგილზე ექსპერტ-კრიმინალისტები მუშაობენ.

შინაგან საქმეთა სამინისტრომ მომხდარზე გამოძიება სსკ-ის 108-ე (განზრახ მკვლელობა), 118-ე მუხლის პირველი ნაწილითა (ჯანმრთელობის დაზიანება) და 236-ე მუხლის მესამე ნაწილით (ცეცხლსასროლი იარაღის უკანონო შეძენა-შენახვა) დაიწყო.

96
თემები:
კრიმინალი საქართველოში (1111)
მეწყერი ქედაში

აჭარაში სტიქიის შედეგად დაზიანებულ გზებზე მოძრაობა აღდგა

41
(განახლებულია 20:33 19.09.2020)
სტიქიის ზონაში იმყოფებოდა აჭარის მთავრობის თავმჯდომარე თორნიკე რიჟვაძე, რომელმაც განაცხადა, რომ დაზარალებულ მოსახლეობას შესაბამის დახმარებას გაუწევენ

თბილისი, 19 სექტემბერი - Sputnik. შუახევისა და ქედის მუნიციპალიტეტებში სტიქიის შედეგად დაზიანებულ გზებზე მოძრაობა ყველა მიმართულებით აღდგენილია, ხელვაჩაურში სამუშაოები სამ მიმართულებაზე გრძელდება, იუწყება საზოგადოებრივი მაუწყებლის „პირველი არხი“.

ქედაში რამდენიმე მეწყერი ჩამოწვა: დატბორილია სახლები, დაზიანებულია გზა >>

რაც შეეხება ხელვაჩაურის მუნიციპალიტეტს, აქ 16 ლოკაციიდან 13-ზე გაწმენდითი სამუშაო პროცესი დასრულებულია. გზა დაზიანებული რჩება მხოლოდ სამი სოფლის მიმართულებით: სკურდიდის, შუშანეთისა და მარადიდის მიმართულებით, სადაც სამუშაოები მიმდინარეობს. მანამდე კი მოსახლეობას საშუალება აქვს შემოვლითი გზით ისარგებლოს.

სტიქიის კერები აჭარის მთავრობის თავმჯდომარემ თორნიკე რიჟვაძემ მოინახულა. აჭარის მთავრობის ინფორმაციით, დაზარალებულ ოჯახებს შესაბამის დახმარებას გაუწევენ.

„ადგილობრივ თვითმართველობებთან ერთად ვმუშაობთ, რომ რაც შეიძლება სწრაფად მოხდეს რეაგირება და ყველა ოჯახს ჰქონდეს მაქსიმალური მხარდაჭერა. მოხდება დაზარელებული ოჯახების ქირით გაყვანა. ადგილზე მობილიზებულია საგზაო ტექნიკა და აქტიურად მიმდინარეობს გზების გაწმენდა“, – განაცხადა თორნიკე რიჟვაძემ.

შუახევის, ქედის, ხულოს და ხელვაჩაურის მუნიციპალიტეტებში ძლიერი წვიმის შედეგად დღეს რამდენიმე ადგილზე საცხოვრებელ სახლებთან ახლოს მეწყერი ჩამოწვა. მეწყერმა და ღვარცოფმა დააზარალა სოფლები დოლოგანი, ზუნდაგი, ბზუბზუ, ცხემნა, დაბა ქედა და ოქტომბერი. დაიტბორა საცხოვრებელი სახლები, დაზიანდა გზები და სავარგულები.

 

41
თემები:
უამინდობა საქართველოში
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0