საპატრულო პოლიცია

გოგონას საიდუმლოებით მოცული გარდაცვალება: ოჯახი საქმის სამინისტროსთვის გადაცემას მოითხოვს

141
(განახლებულია 20:37 28.07.2020)
გამოძიება აქტიურად ახორციელებს მოწმეების, მათ შორის იმ კომპანიის თანამშრომლების დაკითხვას, სადაც თამარ ბაჩალიაშვილი მუშაობდა.

თბილისი, 28 ივლისი — Sputnik. 23 წლის თამარ ბაჩალიაშვილის მამა ჯუმბერ ბაჩალიაშვილი ქვემო ქართლის რეგიონულ პოლიციას, რომელიც გამოძიებას აწარმოებს, უნდობლობას უცხადებს და მოითხოვს, რომ საქმის გამოძიება უშუალოდ შინაგან საქმეთა სამინისტრომ გააგრძელოს. 

ბაჩალიაშვილის უნდობლობა გამოიწვია იმ ფაქტმა, რომ აღნიშნულ პოლიციაში მუშაობს ადამიანი, რომელმაც მას ჯერ კიდევ მაშინ, როდესაც გოგონას ძებნის ღონისძიებები მიმდინარეობდა, უთხრა, თითქოს გოგონას ლეპტოპში არსებული ინფორმაციიდან გამომდინარე, თამარს დიდი პრობლემები ჰქონდა. ამასთან, როგორც აღმოჩნდა, თამარ ბაჩალიაშვილის კუთვნილი ლეპტოპის გახსნა ამ დრომდე ვერ მოხერხდა.

„იქ (შსს-ში) ძალზე დაფიქრებული ხალხი ზის. საქმეში ჩახედული არიან და ვფიქრობ, რომ ამ საქმეს სინდისით მიუდგებიან... იმედი მაქვს, ყველაფერი 100%-ით გაირკვევა და ამას უსინათლოც დაინახავს, ყველა მიხვდება, რაც ხდება“, – აღნიშნა ჯუმბერ ბაჩალიაშვილმა ჟურნალისტებთან.

თავის მხრივ, ქვემო ქართლის პოლიციის უფროსის მოადგილემ ლადო ბაჭულაშვილმა, რომელიც ბაჩალიაშვილის მამამ ახსენა, აცხადებს, რომ გოგონას პრობლემებისა და ლეპტოპთან დაკავშირებით არავისთან უსაუბრია.

„ოჯახის მიერ გაკეთებული განცხადების გამო, თითქოს მე რაღაც ვთქვი, შსს-ს გენინსპექციაში დამიბარეს. მსგავსი რამ საერთოდ არ მითქვამს და კომპიუტერთან არანაირი შეხება არ მქონია, რადგანაც კომპიუტერი გამომძიებელმა ამოიღო და ექსპერტიზაზე წაიღო“, – განაცხადა ბაჭულაშვილმა ჟურნალისტებთან.

ლეპტოპი გოგონას გარდაცვალების საქმეში შეიძლება საკვანძო გახდეს

გოგონას პირადი ნოუთბუქის, სამუშაო კომპიუტერისა და მობილური ტელეფონის გახსნას მოითხოვს IT–კომპანია ZAG-ის ადვოკატი ქეთევან მირიანაშვილიც. მისი თქმით, ეს შესაძლებელს გახდის პასუხი გაეცეს კომპანიასთან დაკავშირებულ ყველა კითხვას. მისი განცხადებით, გაურკვევლობა კომპანიის რეპუტაციას ლახავს. 

კომპანიის ოფისიდან, სადაც თამარ ბაჩალიაშვილი პროგრამისტად მუშაობდა, გასულ კვირაში სამართალდამცველებმა ათობით კომპიუტერი ამოიღეს. ცნობილია, რომ გაუჩინარებამდე რამდენიმე დღით ადრე თამარმა სამსახური დატოვა.

ადვოკატის განმარტებით, გამომძიებლები რამდენიმე საათის განმავლობაში აწარმოებდნენ კომპანიის

გენდირექტორის თამარ კობერიძის გამოკითხვას.

მირიანაშვილის თქმით, კომპანია გამოძიებასთან თანამშრომლობს და მზად არის ყველა კითხვას პასუხი გასცეს.

„დირექტორი დაკითხვაზე იმყოფებოდა. ჩვენ გამოძიებას კომპანიის საქმიანობის შესახებ დეტალური ინფორმაცია მივაწოდეთ. ხელჩასაჭიდი არაფერია, რამდენადაც კომპიუტერი ჯერჯერობით არ გაუხსნიათ“, – განაცხადა მირიანაშვილმა ჟურნალისტებთან.

როგორც ადვოკატმა განმარტა, გამომძიებლები ძირითადად პროცედურული საკითხებით დაინტერესდნენ – რამდენი თანამშრომელია კომპანიაში, ვინ რომელ პოზიციაზეა, ვინ არიან ჯგუფის ლიდერები, ვინ რას საქმიანობს. ასევე გამოძიება დაინტერესდა, თუ რა პროგრამაზე მუშაობდა თამარ ბაჩალიაშვილი.

ადვოკატმა განაცხადა, რომ კომპანია მარტიდან ონლაინ–რეჟიმში მუშაობდა. მთელი ამ დროის მანძილზე არც თანამშრომლებს, არც ხელმძღვანელობას გოგონა არ უნახავთ, ამიტომაც გამორიცხულია ის ფაქტი, რომ სამსახურში ვინმეს შეეძლო გოგონასთვის რაიმე შეემჩნია.

საიდუმლოებით მოცული სიკვდილი

23 წლის თბილისელი თამარ ბაჩალიაშვილის ცხედარი ხუთი დღის ძებნის შემდეგ თეთრიწყაროს რაიონის სოფელ მაწევანის მიმდებარე ტერიტორიაზე, დაუსახლებელ ადგილზე საკუთარ მანქანაში აღმოაჩინეს. ცხედარი მწყემსმა იპოვა. 

თავდაპირველად გოგონას გაუჩინარებაზე საქმე აღძრული იყო თავისუფლების უკანონო აღკვეთის მუხლით, თუმცა ახლა კიდევ ერთი მუხლი – თვითმკვლელობამდე მიყვანა დაემატა.

შესაძლო თვითმკვლელობაზე ვერსია იმიტომ გაჩნდა, რომ სხეულის წინასწარმა დათვალიერებამ ტრავმები და ჭრილობები არ გამოავლინა. ასევე ეჭვს იწვევს ის, რომ ავტომობილში ცხედრის ნივთებში ნაპოვნ წამლებს 20 აბი აკლია.

თამარ ბაჩალიაშვილის გარდაცვალების მიზეზთან დაკავშირებით ექსპერტიზის ოფიციალური დასკვნა ჯერ არ არის დასრულებული.

141
თემები:
კრიმინალი საქართველოში (1111)
შეიარაღებული თავდასხმა

კასპში მკვლელობა მოხდა: მანქანის ხელოსანმა დამკვეთი მოკლა

94
მანქანის ხელოსანთან სახლში ორი მამაკაცი მივიდა, მათ შორის შელაპარაკება ჩხუბში, შემდეგ კი მკვლელობაში გადაიზარდა

თბილისი, 19 სექტემბერი - Sputnik. კასპში მკვლელობა მოხდა - მამაკაცმა მასთან სახლში მისული ერთი სტუმარი მოკლა, მეორე - დაჭრა.

მამაკაცებს შოტის შელაპარაკება გადაიზარდა ჩხუბში, რა დროსაც მასპინძელმა სტუმრების მისამართით ცეცხლი გახსნა.

გავრცელებული ინფორმაციით, ეჭვმიტანილი იყო მანქანის ხელოსანი, მოკლული კი მისი კლიენტი. დაჭრილია მისი თანხმლები პირი.

დაჭრილი მამაკაცი საავადმყოფოში გადაიყვანეს. მისი მდგომარეობა სტაბილურია და მის სიცოცხლეს საფრთხე არ ემუქრება.

ადგილზე ექსპერტ-კრიმინალისტები მუშაობენ.

შინაგან საქმეთა სამინისტრომ მომხდარზე გამოძიება სსკ-ის 108-ე (განზრახ მკვლელობა), 118-ე მუხლის პირველი ნაწილითა (ჯანმრთელობის დაზიანება) და 236-ე მუხლის მესამე ნაწილით (ცეცხლსასროლი იარაღის უკანონო შეძენა-შენახვა) დაიწყო.

94
თემები:
კრიმინალი საქართველოში (1111)
მეწყერი ქედაში

აჭარაში სტიქიის შედეგად დაზიანებულ გზებზე მოძრაობა აღდგა

41
(განახლებულია 20:33 19.09.2020)
სტიქიის ზონაში იმყოფებოდა აჭარის მთავრობის თავმჯდომარე თორნიკე რიჟვაძე, რომელმაც განაცხადა, რომ დაზარალებულ მოსახლეობას შესაბამის დახმარებას გაუწევენ

თბილისი, 19 სექტემბერი - Sputnik. შუახევისა და ქედის მუნიციპალიტეტებში სტიქიის შედეგად დაზიანებულ გზებზე მოძრაობა ყველა მიმართულებით აღდგენილია, ხელვაჩაურში სამუშაოები სამ მიმართულებაზე გრძელდება, იუწყება საზოგადოებრივი მაუწყებლის „პირველი არხი“.

ქედაში რამდენიმე მეწყერი ჩამოწვა: დატბორილია სახლები, დაზიანებულია გზა >>

რაც შეეხება ხელვაჩაურის მუნიციპალიტეტს, აქ 16 ლოკაციიდან 13-ზე გაწმენდითი სამუშაო პროცესი დასრულებულია. გზა დაზიანებული რჩება მხოლოდ სამი სოფლის მიმართულებით: სკურდიდის, შუშანეთისა და მარადიდის მიმართულებით, სადაც სამუშაოები მიმდინარეობს. მანამდე კი მოსახლეობას საშუალება აქვს შემოვლითი გზით ისარგებლოს.

სტიქიის კერები აჭარის მთავრობის თავმჯდომარემ თორნიკე რიჟვაძემ მოინახულა. აჭარის მთავრობის ინფორმაციით, დაზარალებულ ოჯახებს შესაბამის დახმარებას გაუწევენ.

„ადგილობრივ თვითმართველობებთან ერთად ვმუშაობთ, რომ რაც შეიძლება სწრაფად მოხდეს რეაგირება და ყველა ოჯახს ჰქონდეს მაქსიმალური მხარდაჭერა. მოხდება დაზარელებული ოჯახების ქირით გაყვანა. ადგილზე მობილიზებულია საგზაო ტექნიკა და აქტიურად მიმდინარეობს გზების გაწმენდა“, – განაცხადა თორნიკე რიჟვაძემ.

შუახევის, ქედის, ხულოს და ხელვაჩაურის მუნიციპალიტეტებში ძლიერი წვიმის შედეგად დღეს რამდენიმე ადგილზე საცხოვრებელ სახლებთან ახლოს მეწყერი ჩამოწვა. მეწყერმა და ღვარცოფმა დააზარალა სოფლები დოლოგანი, ზუნდაგი, ბზუბზუ, ცხემნა, დაბა ქედა და ოქტომბერი. დაიტბორა საცხოვრებელი სახლები, დაზიანდა გზები და სავარგულები.

 

41
თემები:
უამინდობა საქართველოში
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0