თბილისი, 26 ივლისი - Sputnik. მოსკოვში მასობრივი ჩხუბის 30-ზე მეტი მონაწილე დააკავეს და „წვრილი ხულიგნობის“ მუხლით ადმინისტრაციულ პასუხისგებაში გადასცეს, იუწყება РИА Новости შსს-ზე დაყრდნობით.
დაკავებულთა წინააღმდეგ ასევე აღიძრა სისხლის სამართლის საქმეები ხულიგნობისა და ყაჩაღობის მუხლებით. მათ რუსეთის საზღვრების გადაკვეთა 5 წლით აეკრძალებათ.
ადრე ცნობილი გახდა შეტაკებებზე, რომელთა შედეგად დაშავდა მამაკაცი და დაზიანდა მაღაზიის შუშის ვიტრინა. გარდა ამისა, რუსეთის დედაქალაქის დასავლეთის ადმინისტრაციულ ოლქში უცნობმა პირებმა კაფეს და ავტოსამრეცხაოს ფანჯრები ჩაამსხვრიეს.
სამართალდამცავ ორგანოებში РИА Новости-ს წყაროს მიხედვით, საუბარია კონფლიქტზე სომხებსა და აზერბაიჯანელებს შორის. ოფიციალურად პოლიცია აღნიშნულ ინფორმაციასთან დაკავშირებით კომენტარს არ აკეთებს.
სომხეთის ელჩმა ვარდან ტოგონიანმა მომხდარს ორგანიზებული პროვოკაცია უწოდა. „რუსეთის აზერბაიჯანელების კავშირში“ კი განაცხადეს, რომ სწორედ სომხური დიასპორის წარმომადგენლებმა დაარბიეს რესტორანი „1001 ღამე“, რომელიც აზერბაიჯანელ პიროვნებას ეკუთვნის.
