თბილისი, 19 ივლისი – Sputnik. ქუთაისში ზვიად გამსახურდიას ქუჩაზე მდებარე კორპუსის ერთ-ერთ ბინაში გარდაცვლილი ახალგაზრდა ქალი ნახეს.
ინციდენტი გვიან ღამით მოხდა.
მეზობლების თქმით, მათ ქალის ბინიდან გაიგონეს ხმაური და პოლიციაში დარეკეს. ადგილზე მისულმა პოლიციელებმა ბინაში 30 წლამდე ქალის ცხედარი აღმოაჩინეს.
პირველი არხის ინფორმაციით, გარდაცვალების მიზეზი გახდა ცივი იარაღით ყელის არეში მიყენებული ჭრილობა.
ადგილზე მთელი ღამის განმავლობაში სასამართლო ექსპერტები მუშაობდნენ.
გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს და 7-დან 15 წლამდე თავისუფლების აღკვეთას ითვალისწინებს.
