მდინარეში 15 წლის მოზარდის ცხედარი იპოვეს

© photo: Sputnik / Nika Latariaმდინარე ჯუმი
მდინარე ჯუმი - Sputnik საქართველო
გამოწერა
გავრცელებული ინფორმაციით, 15 წლის ბიჭი მდინარესთან საქონელს მწყემსავდა, რა დროსაც ფეხი დაუცდა და ადიდებულ მდინარეში ჩავარდა.

თბილისი, 15 ივლისი — Sputnik. მაშველებმა ზუგდიდის მუნიციპალიტეტის სოფელ დარჩელში, მდინარე ჯუმში 15 წლის მოზარდის ცხედარი იპოვეს, იუწყება „Sputnik-საქართველოს" კორესპონდენტი.

მდინარე ჯუმი - Sputnik საქართველო
სოფელ დარჩელში 15 წლის ბიჭს ეძებენ – რა ვითარებაში გაუჩინარდა მოზარდი

სოფლის რწმუნებულის მამუკა ჯოლოგუას თქმით, ორდღიანი ძებნის შემდეგ დაკარგული არასრულწლოვანის ცხედარი გაუჩინარების ადგილიდან დაახლოებით 3 კილომეტრში ქვიშაში ჩაფლული იპოვეს.

გავრცელებული ინფორმაციით, 15 წლის ბიჭი მდინარესთან საქონელს მწყემსავდა, რა დროსაც ფეხი დაუცდა და ადიდებულ მდინარეში ჩავარდა.

ბიჭი ადგილობრივებმა ბოლოს 13 ივლისს ნახეს.

სამძებრო-სამაშველო ოპერაციაში ჩართული იყვნენ სახანძრო-სამაშველო ჯგუფები სამეგრელო–ზემო სვანეთის, იმერეთის და აჭარის რეგიონებიდან. ასევე მობილიზებული იყო დრონი და ექოლოტი.

ყველა ახალი ამბავი
0